ഇന്ദ്രധനുസ്സ്

നിങ്ങളും ഒരു ബ്ലോഗ് തുടങ്ങൂ....

2010-12-30T00:00:00.000+05:30

ലോകം മുഴുവന്‍ വിരല്‍ തുമ്പിലൊതുങ്ങുന്ന ഈ കാലഘട്ടത്തില്‍, ബ്ലോഗ് എന്ന മാധ്യമത്തിന്റെ സാധ്യതകള്‍ എത്രയാണെന്ന് നിര്‍ണ്ണയിക്കാന്‍ കഴിയില്ല. അച്ചടി മാധ്യമത്തിന്റെ സാധ്യതകള്‍ക്കുമപ്പുറത്തേക്ക് ബ്ലോഗ് വളര്ന്നു കഴിഞ്ഞിരിക്കുന്നു. ആരെയും ആശ്രയിക്കാതെ നമ്മുടെ അഭിരുചികളെ, അറിവുകളെ പകര്‍ത്തിവയ്ക്കുവാനുള്ള, അഭിപ്രായങ്ങള്‍ മറ്റുള്ളവരുമായി പങ്കുവയ്ക്കുവാനുള്ള ഒരു മാധ്യമം എന്ന നിലയിലാണ് ഇതു കൂടുതല്‍ പ്രചാരം നേടിയത്. ഓണ്‍-ലൈന്‍ പേഴ്സണല്‍ ഡയറി, മിനി വെബ് സൈറ്റ് എന്നൊക്കെ അറിയപ്പെടുന്ന ബ്ലോഗിനെ കുറിച്ചു കൂടുതലറിയാനും, എങ്ങിനെ ബ്ലോഗ് തുടങ്ങാമെന്നുമുള്ള ഒരു വിശദീകരണം നിങ്ങള്‍ക്കായി ഇവിടെ കുറിക്കുന്നു. തികച്ചും ആധികാരികമാണെന്ന് അവകാശപ്പെടുന്നില്ല. എങ്കിലും, ഇതുമായി ബന്ധപ്പെട്ട, എനിക്കറിയാവുന്ന, ഞാന്‍ മനസ്സിലാക്കിയ കുറച്ചു കാര്യങ്ങള്‍ നിങ്ങളുടെ മുന്‍പില്‍ സമര്‍പ്പിക്കുന്നു. ചിലര്‍ക്കെങ്കിലും ഉപകാരപ്പെടും എന്ന വിശ്വാസത്തോടെ....
സ്നേഹപൂര്‍വ്വം, മുള്ളൂക്കാരന്‍....

ഫയര്‍ഫോക്സ് ബ്രൌസറില്‍ ചില്ല് പ്രശ്നങ്ങള്‍ ഇല്ലാതെ മലയാളം വായിക്കാന്‍

2010-07-20T03:08:00.003+05:30

മോസില്ല ഫയര്‍ ഫോക്സ് ബ്രൌസറില്‍, ചില മലയാളം ബ്ലോഗ്‌ പോസ്റ്റുകള്‍ അല്ലെങ്കില്‍ ചില മലയാളം വെബ്സൈറ്റുകളില്‍ ഉള്ള മലയാളം യൂണികോട് അക്ഷരങ്ങളില്‍ ചില്ലക്ഷരങ്ങള്‍ കൃത്യമായി വായിക്കാന്‍ കഴിയുന്നില്ല എന്നുള്ള പരാതികള്‍ പലരും പലയിടത്തും പറയുന്നത് കേള്‍ക്കാം. ചില മലയാളം യൂണികോട് ഫോണ്ടുകളുമായി ബന്ധപ്പെട്ട സാങ്കേതികമായ ചില പ്രശ്നങ്ങള്‍ കാരണമാണ് അങ്ങിനെ സംഭവിക്കുന്നത്‌. അതായത് ചില്ലക്ഷരങ്ങള്‍ താഴെ കാണുന്ന ചിത്രത്തിലേത് പോലെ ആയിരിക്കും ചിലര്‍ക്ക് കാണുക.

സുഗമമായ വായനയ്ക്ക് പലപ്പോഴും അത് തടസ്സമാവുകയും ചെയ്യുന്നു. സാങ്കേതികമായ പ്രശ്നങ്ങള്‍ തല്‍ക്കാലം അവിടെ നില്‍ക്കട്ടെ. അതുമായി ബന്ധപ്പെട്ടവര്‍ അത് പരിഹരിക്കും എന്ന് കരുതാം. നമുക്ക് ആ പ്രശ്നം നമ്മുടെ രീതിയില്‍ സോള്‍വ് ചെയ്യാനുള്ള വഴി നോക്കാം. മോസില്ല ഫയര്‍ ഫോക്സ് ബ്രൌസറില്‍ ഇത്തരം ചില്ല് പ്രശ്നം ഒഴിവാക്കിക്കിട്ടാന്‍ ഒരു ആഡോണ്‍ ഇന്‍സ്റ്റാള്‍ ചെയ്‌താല്‍ മതി. ഫയര്‍ ഫോക്സ് ബ്രൌസര്‍ വഴി ഈ ബ്ലോഗ്‌ പോസ്റ്റില്‍ ചെന്ന്, താഴെ കാണുന്ന ലിങ്കില്‍ ക്ലിക്ക് ചെയ്തു നിങ്ങളുടെ ഫയര്‍ ഫോക്സ് ബ്രൌസറില്‍ പ്രസ്തുത ആഡോണ്‍ ഇന്‍സ്റ്റാള്‍ ചെയ്ത ശേഷം ബ്രൌസര്‍ റീസ്റ്റാര്‍ട്ട്‌ ചെയ്തു ചില്ല് പ്രശ്നങ്ങള്‍ ഉണ്ടായിരുന്ന ബ്ലോഗുകളോ വെബ്സൈറ്റുകളോ കണ്ടു നോക്കൂ. ചില്ലുകളെല്ലാം കൃത്യമായി കാണാനാകും.

fix-ml ആഡോണ്‍ ഇന്‍സ്റ്റാള്‍ ചെയ്യാന്‍ ഇവിടെ ക്ലിക്ക് ചെയ്യുക

മലയാളം ഫോണ്ടുകള്‍ ഡൌണ്‍ലോഡ് ചെയ്യാം. ( Download Malayalam Fonts )

2010-06-26T01:55:00.001+05:30

പലരും പരാതിപ്പെട്ട ഒരു കാര്യമാണ് കമ്പ്യൂട്ടറില്‍ മലയാളം ശരിയായരീതിയില്‍ വായിക്കാന്‍ കഴിയുന്നില്ല എന്ന പ്രശ്നം. ചിലരുടെയെങ്കിലും കമ്പ്യൂട്ടറില്‍ ആവശ്യമായ മലയാളം ഫോണ്ട് ഇല്ലാത്തതാണ് കാരണം എന്നാണു മനസ്സിലാക്കാന്‍ കഴിഞ്ഞത്. അതുകൂടാതെ, പഴയ വെര്‍ഷന്‍ മോസില്ല ഫയര്‍ഫോക്സ് ബ്രൌസര്‍ ഉപയോഗിക്കുന്നവര്‍ക്കും ഈ പ്രശ്നം അനുഭവപ്പെടാം. അത്യാവശ്യമായി വേണ്ട കുറച്ചു മലയാളം ഫോണ്ടുകളും മോസില്ല ഫയര്‍ഫോക്സ് - 3.6 യും ഉപയോഗിച്ചാല്‍ ഈ പ്രശ്നം കുറെയേറെ പരിഹരിക്കാം. താഴെക്കാണുന്ന ലിങ്കുകളില്‍ ക്ലിക്ക് ചെയ്തു മലയാളം ഫോണ്ടുകള്‍ ഡൌണ്‍ലോഡ് ചെയ്ത്, അവ കോപ്പി ചെയ്തെടുത്തു നിങ്ങളുടെ കമ്പ്യൂട്ടറിലെ ഫോണ്ട് ഫോള്‍ഡറില്‍ ( Start > Control Panel > Font ) പേസ്റ്റ് ചെയ്യുക.

Anjali Old Lipi

Haritha

Kalakoumudi

Karthika

Keralaite

Manorama

Matweb

ML Nila 01

ML Nila 02

ML Nila 03

ML Nila 04

Thoolika

Rachana

TholiTrd

Revathi

മുകളില്‍ കൊടുത്തിരിക്കുന്ന ഡൌണ്‍ലോഡ് ലിങ്ക് പ്രവര്‍ത്തനക്ഷമമല്ലെങ്കില്‍ കൂടുതല്‍ മലയാളം ഫോണ്ടുകള്‍ അടങ്ങിയ Zip ഫയല്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക.

താഴെ കാണുന്ന ലിങ്കില്‍ ക്ലിക്ക് ചെയ്‌താല്‍ മോസില്ല ഫയര്‍ഫോക്സ് - 3.6 ഡൌണ്‍ലോഡ് ചെയ്യാം.

നിങ്ങളുടെ ബ്ലോഗിന്റെ ബ്ലോഗ്സ്പോട്ട് മാറ്റി ഇഷ്ട്ടമുള്ള ഡൊമൈന്‍ നല്‍കാം

2010-03-24T00:44:00.008+05:30

ബ്ലോഗ്ഗര്‍, വേര്‍ഡ്പ്രസ്സ് തുടങ്ങി സൌജന്യ ബ്ലോഗിങ് സൗകര്യം നല്‍കുന്നവരുടെ ഒക്കെ സേവനം ഉപയോഗിച്ച് നാം ഒരു ബ്ലോഗ്‌ ഉണ്ടാക്കിയാല്‍, സാധാരണയായി പ്രസ്തുത ബ്ലോഗിന്റെ URL ന്റെ കൂടെ ആ സേവന ദാതാവിന്റെ പേരും ഉണ്ടാകും. അതായത് നമ്മള്‍ ബ്ലോഗ്ഗറിന്റെ സേവനം ഉപയോഗിച്ച് ഒരു ബ്ലോഗ്‌ ഉണ്ടാക്കിയാല്‍ അവസാനം blogspot.com എന്ന് കാണാം. വേര്‍ഡ്പ്രസ്സില്‍ ആണെങ്കില്‍ അവസാനം wordpress.com എന്ന് കാണാം. എന്നാല്‍, ഇങ്ങിനെ ഉണ്ടാക്കുന്ന ബ്ലോഗുകളില്‍ നിന്നും ആ സേവന ദാതാക്കളുടെ പേര് മാറ്റി നമുക്കിഷ്ട്ടമുള്ള ഡൊമൈന്‍ നല്‍കാന്‍ കഴിയും. കുറച്ചു ആഴ്ചകളിലേക്ക് / മാസങ്ങളിലേക്ക് മാത്രമായി ഈ രീതിയില്‍ ചില പ്രത്യേക ഡൊമൈന്‍ മാത്രം സൌജന്യമായി നല്‍കുന്ന സേവന ദാതാക്കളുണ്ട്. അങ്ങിനെ അല്ലാതെ എത്ര കാലത്തേക്ക് വേണമെങ്കിലും, നമുക്കിഷ്ട്ടമുള്ള പേര് ചേര്‍ത്ത് .com .in .co.in .org തുടങ്ങിയ ഡൊമൈനുകളും നമ്മുടെ ബ്ലോഗിന് നല്‍കാം. ഇത്തരത്തില്‍ ഡോമൈനിലേക്ക് മാറുന്നതിനായി നമ്മള്‍ നമുക്കാവശ്യമായ ഡൊമൈന്‍ വിലകൊടുത്തു വാങ്ങണം എന്നുമാത്രം.

ബ്ലോഗ്ഗറില്‍ / വേര്‍ഡ്പ്രസ്സില്‍ ക്രീയേറ്റ് ചെയ്ത ബ്ലോഗിനായി, ഒരു ഡൊമൈന്‍ ഒന്നോ രണ്ടോ അതില്‍ കൂടുതല്‍ വര്‍ഷ കാലയളവിലേക്കോ വിലകൊടുത്ത് വാങ്ങിക്കാം. ഈ രീതിയില്‍ .com എന്ന ഡൊമൈനിലേക്ക് നിങ്ങളുടെ ബ്ലോഗിനെ മാറ്റാന്‍ ഇപ്പോള്‍ ഒരു വര്‍ഷത്തേക്ക് 400 രൂപയോളം മാത്രമേ ചിലവുള്ളൂ. ഉദാഹരണമായി ഇത് കാണുക. ഇത് http://vazhakodan1.blogspot.com/ നമ്മുടെ വാഴക്കോടന്റെ ബ്ലോഗ്‌ ആണ്. അദ്ദേഹം ബ്ലോഗ്സ്പോട്ട് അഡ്രസ്സില്‍ നിന്നും തന്റെ ബ്ലോഗിനെ http://vazhakkodan.com/ എന്ന ഡോമൈനിലേക്ക് മാറ്റി. ഇപ്പോള്‍ ബ്രൌസറില്‍, അദ്ധേഹത്തിന്റെ പഴയ ബ്ലോഗ്‌ അഡ്രസ്സ് അടിച്ചാലും, പുതുതായി രജിസ്റ്റര്‍ ചെയ്ത http://vazhakkodan.com/ എന്ന ഡൊമൈനിലേക്ക് മാറിയ അദ്ധേഹത്തിന്റെ ബ്ലോഗ്‌ ആണ് നമുക്ക് കാണാനാകുക.

നമുക്കിഷ്ട്ടമുള്ള ഡൊമൈനിലേക്ക് മാറുന്ന നമ്മുടെ ബ്ലോഗുകളില്‍ ആ ബ്ലോഗിന്റെ URL നമ്മള്‍ തിരഞ്ഞെടുത്ത സ്വന്തം ഡോമൈനിലേക്ക് മാറും എന്നതല്ലാതെ പോസ്റ്റ്‌ ചെയ്യുന്നതിലോ സെറ്റിങ്ങ്സിലോ മറ്റു കാര്യങ്ങളിലോ വേറെ മാറ്റങ്ങള്‍ ഒന്നും തന്നെ ഇല്ല. ഇത്തരത്തില്‍ സ്വന്തം ഡോമൈനിലേക്ക് മാറിയ ശേഷവും, ലോകത്തെവിടെ നിന്നായാലും, ബ്രൌസറില്‍ ആ ബ്ലോഗിന്റെ പഴയ URL‌ അഡ്രസ്സ് അടിച്ചാലും, പ്രസ്തുത ബ്ലോഗ്‌ കാണാനാകും. പുതുതായി തിരഞ്ഞെടുത്ത ഡൊമൈന്‍ അഡ്രസ്സില്‍ ആയിരിക്കും ആ ബ്ലോഗ്‌ ഡിസ്പ്ലേ ചെയ്യുക എന്ന് മാത്രം.

പല ബ്ലോഗര്‍മാരും ഇപ്പോള്‍ തങ്ങളുടെ ബ്ലോഗുകള്‍ സ്വന്തം ഡൊമൈനിലേക്ക് മാറ്റിത്തുടങ്ങിയിരിക്കുന്നു. ബ്ലോഗിന് വെബ്സൈറ്റിനെ അപേക്ഷിച്ച് ചില പരിമിതികളുണ്ടെങ്കില്‍ പോലും, വെബ് ‌ഡിസൈന്‍ പഠിക്കാതെ തന്നെ, ബ്ലോഗറിന്റെ / വേര്‍ഡ്പ്രസ്സിന്റെ ബ്ലോഗ്‌ സേവനം ഉപയോഗപ്പെടുത്തുന്നവര്‍ക്ക് ഇത്തരത്തില്‍ ഇഷ്ട്ടമുള്ള ഡോമൈനിലേക്ക് മാറി തങ്ങളുടെ ബ്ലോഗിനെ ഒരു വെബ്സൈറ്റ് പോലെ രൂപകല്‍പ്പന ചെയ്യാന്‍ കഴിയും. ഇത്തരത്തില്‍ നിങ്ങളുടെ ബ്ലോഗിന് ആവശ്യമായ ഡൊമൈന്‍ ലഭ്യമാക്കുവാന്‍ ഏതെങ്കിലും വെബ്‌ ഡിസൈനര്‍മാരെ ബന്ധപ്പെടുക. അല്ലെങ്കില്‍ എന്റെ ഇ മെയില്‍ ഐ ഡി യിലേക്ക് ഈ കാര്യങ്ങള്‍ക്കായി മെയില്‍ ചെയ്യുക.

ബ്ലോഗിലേക്കായി റെയിന്‍ബോ കളര്‍ ഹൈപ്പെര്‍ ലിങ്കുകള്‍

2010-02-07T23:04:00.002+05:30

ബ്ലോഗില്‍ നല്‍കുന്ന ഹൈപ്പര്‍ ലിങ്കുകള്‍ക്ക് മുകളില്‍ മൗസ് കൊണ്ട് ചെല്ലുമ്പോള്‍ അത് ഹൈലൈറ്റ് ചെയ്യുന്ന വിദ്യ മുന്‍പ് ഇവിടെ വിശദീകരിച്ചിരുന്നല്ലോ. ഇനി ഇതാ, ഹൈപ്പര്‍ ലിങ്കുകള്‍ക്ക് മുകളില്‍ മൗസ് കൊണ്ട് ചെല്ലുമ്പോള്‍ ആ ലിങ്ക് റെയിന്‍ബോ കളറില്‍ ( Rainbow Color ), നിറങ്ങള്‍ മാറിക്കൊണ്ടിരിക്കുന്ന രീതി എങ്ങിനെ ചെയ്യാമെന്ന് നോക്കാം.
താഴെയുള്ള ചുവന്ന നിറത്തില്‍ കാണുന്ന കോഡ് കോപ്പി ചെയ്തെടുത്ത്, നിങ്ങളുടെ ബ്ലോഗില്‍ ഡാഷ്ബോര്‍ഡില്‍ നിന്നും Layout / Edit Html - ല്‍ ചെന്ന് അവിടെ ഉള്ള ടെമ്പ്ലേറ്റ് കോഡില്‍,<head> എന്ന ടാഗിന് തൊട്ടു താഴെയായി പേസ്റ്റ് ചെയ്തു ടെമ്പ്ലേറ്റ് സേവ് ചെയ്യുക. ഇനി ആ ബ്ലോഗില്‍ ചെന്ന് ബ്ലോഗിലുള്ള ലിങ്കുകള്‍ക്ക് മുകളില്‍ മൗസ് കൊണ്ട് ചെല്ലൂ. ആ ലിങ്കിന്റെ നിറം മാറിക്കൊണ്ടിരിക്കുന്നത് കാണാം.

<script src='http://sites.google.com/site/mullookkaaran/my-own-server/RainbowLinks.js'/>

Note : ഈ വിദ്യ Internet Explorer, Netscape, Mozilla തുടങ്ങിയ ബ്രൌസറുകളില്‍ പരീക്ഷിച്ചു നോക്കിയതാണ്.

അഡ്രസ്സ് ബാറിലെ / വിന്‍ഡോ ടാബിലെ ബ്ലോഗ്ഗര്‍ ലോഗോ മാറ്റാം.

2009-12-09T16:57:00.007+05:30

അഡ്രെസ്സ് ബാറിലും വിന്‍ഡോ ടാബിലും ഉള്ള (മുകളിലെ ചിത്രം കാണുക), നിങ്ങളുടെ ബ്ലോഗിന്റെ ബ്ലോഗ്ഗര്‍ ലോഗോ ( Favicon ) മാറ്റി നിങ്ങള്‍ക്കിഷ്ട്ടമുള്ള ചിത്രങ്ങള്‍ അവിടെ ഡിസ്പ്ളേ ചെയ്യിക്കാം. അതിനായി, നിങ്ങളുടെ കമ്പ്യൂട്ടറില്‍ നിങ്ങള്‍ക്കിഷ്ട്ടമുള്ള ഒരു ചിത്രം തിരഞ്ഞെടുക്കുക. അതിനുശേഷം ഈ സൈറ്റില്‍ ചെന്ന്, അവിടെ കാണുന്ന സൗകര്യം ഉപയോഗിച്ച് ( ചിത്രം ഒന്ന് കാണുക ) ആ ചിത്രത്തെ തിരഞ്ഞെടുത്തു പ്രസ്തുത സൈറ്റിലേക്ക് അപ്‌ലോഡ്‌ ചെയ്യുക. തുടര്‍ന്ന് അവിടെ തുറന്നു വരുന്ന വിന്‍ഡോവില്‍ രണ്ടാമത് കാണുന്ന കോഡ് മുഴുവന്‍ കോപ്പി ചെയ്തെടുക്കുക. ( രണ്ടാമത് കാണുന്ന ചിത്രത്തിലെ മാര്‍ക്ക് ചെയ്തു കാണുന്ന രീതിയിലുള്ള കോഡ് )

Picture - 1

Picture - 2

ഇനി നിങ്ങളുടെ ബ്ലോഗില്‍ ഡാഷ് ബോര്‍ഡ് തുറന്ന്, Layout - ല്‍ ചെന്ന് Edit Html ഓപ്ഷന്‍ ക്ലിക്ക് ചെയ്തു, ടെമ്പ്ലേറ്റ് കോഡില്‍ </head> എന്ന ഭാഗം കണ്ടുപിടിച്ച് അതിനു തൊട്ടു മുകളിലായി, നേരത്തെ കോപ്പി ചെയ്തെടുത്ത കോഡ് പേസ്റ്റ് ചെയ്യുക. ഇനി ടെമ്പ്ലേറ്റ് സേവ് ചെയ്യുക. ബ്ലോഗ്‌ കണ്ടു നോക്കൂ. ഇപ്പോള്‍ നിങ്ങളുടെ ബ്ലോഗിന്റെ അഡ്രെസ്സ് ബാറിലും വിന്‍ഡോ ടാബിലും ഉള്ള ബ്ലോഗര്‍ ഐക്കണ്‍ മാറി പകരം നിങ്ങള്‍ തിരഞ്ഞെടുത്ത ചിത്രം അവിടെ കാണാം.

ടെമ്പ്ലേറ്റ് കോഡില്‍ </head> എന്ന ഭാഗം കണ്ടുപിടിക്കാന്‍ കീബോര്‍ഡില്‍ Ctrl + F അമര്‍ത്തി തുറന്ന് വരുന്ന കോളത്തില്‍ </head> എന്ന വാക്ക് നല്‍കി find ചെയ്യുക.

നിങ്ങളുടെ ബ്ലോഗിന്റെ ടെമ്പ്ലറ്റുകള്‍ മാറ്റുന്നതെങ്ങിനെ ?

2009-10-12T15:04:00.005+05:30

ബ്ലോഗിന്, ഇഷ്ട്ടമുള്ള - ആവശ്യങ്ങള്‍ക്കനുസരിച്ചുള്ള ടെമ്പ്ലേറ്റ് അല്ല ഉള്ളത് എന്ന് പലരും പരാതി പറയുന്നത് കേള്‍ക്കാം. നിലവില്‍ ബ്ലോഗര്‍ നമുക്ക് നല്‍കുന്ന ടെമ്പ്ലറ്റുകള്‍ക്ക് പല പരിമിതികളും ഉണ്ട്. എന്നിരുന്നാലും മിക്കവരും ഉപയോഗിക്കുന്നത് ബ്ലോഗറിന്റെ ഡിഫാള്‍ട്ട് ആയുള്ള ടെമ്പ്ലറ്റുകള്‍ തന്നെയാണ്. പലര്‍ക്കും അവരുടെ ബ്ലോഗിന്റെ മാറ്ററുകള്‍ക്ക് / ആവശ്യങ്ങള്‍ക്കനുസരിച്ച് ഭംഗിയുള്ള ടെമ്പ്ലറ്റുകള്‍ വേണമെന്നുണ്ടെങ്കിലും അതെങ്ങിനെ മാറാം എവിടെ കിട്ടും എന്നറിയില്ല

നിങ്ങളുടെ ബ്ലോഗിന്റെ നിലവിലുള്ള ടെമ്പ്ലറ്റുകള്‍ മാറ്റി നിങ്ങള്‍ക്കിഷ്ട്ടമുള്ള ടെമ്പ്ലറ്റുകള്‍ ബ്ലോഗില്‍ നല്‍കുന്നത് എങ്ങിനെ എന്ന് നോക്കാം. ടെമ്പ്ലറ്റുകള്‍ ചേഞ്ച്‌ ചെയ്യുമ്പോള്‍ ഉള്ള ഒരു പ്രശ്നം നിലവില്‍ നമ്മുടെ ബ്ലോഗിലുള്ള ഗഡ്ജറ്റുകള്‍ ( Gadjet ) മിക്കവാറും നഷ്ട്ടപ്പെടും എന്നുള്ളതാണ്. അതുകൊണ്ട് തന്നെ ടെമ്പ്ലറ്റുകള്‍ മാറുന്നതിന് മുന്പായി ആദ്യം ഇത്തരത്തില്‍ നിങ്ങളുടെ ബ്ലോഗില്‍ നല്‍കിയിട്ടുള്ള ഗഡ്ജറ്റുകള്‍ എല്ലാം മൈക്രോസോഫ്ട്‌ വേര്‍ഡ്‌ലോ ( Microsoft Word ) മറ്റോ കോപ്പി - പേസ്റ്റ് ചെയ്തു വയ്ക്കുക. ടെമ്പ്ലറ്റു മാറിക്കഴിഞ്ഞതിനു ശേഷം വീണ്ടും അവ പഴയത് പോലെ ബ്ലോഗില്‍ നല്‍കാം.

ബ്ലോഗറിന്റെ ബ്ലോഗിന് വേണ്ടിയുള്ള വിവിധ തരത്തിലുള്ള ടെമ്പ്ലറ്റുകള്‍ സൗജന്യമായി ലഭിക്കുന്ന പല സൈറ്റുകളും ഉണ്ട്. പക്ഷെ അവിടെ നിന്നൊക്കെ കിട്ടുന്ന ടെമ്പ്ലറ്റുകള്‍ക്ക് പല പരിമിതികളും ഉണ്ട് എന്നതാണ് എന്റെ അനുഭവം. മിക്കവാറും നമ്മളുടെ ആവശ്യങ്ങള്‍ക്കനുസരിച്ചുള്ള ബ്ലോഗ്ഗര്‍ ടെമ്പ്ലറ്റുകള്‍ ലഭിക്കുന്ന ഒരു സൈറ്റാണ് http://www.ourblogtemplates.com. നൂറുകണക്കിന് വിവിധ തരത്തിലുള്ള ബ്ലോഗ്ഗര്‍ ടെമ്പ്ലേറ്റുകള്‍ ഇവിടെ നിന്നും സൗജന്യമായി ലഭിക്കും. ഇവിടെ ചെന്ന് നിങ്ങള്‍ക്കിഷ്ട്ടമുള്ള ടെമ്പ്ലറ്റ് തെരഞ്ഞെടുത്ത് ഡൗണ്‍ലോഡ്‌ ചെയ്യുക. ആ ഫയല്‍ ഒരു Xml ഫയല്‍ ആയിട്ടാണ് നിങ്ങളുടെ കംപ്യൂട്ടറില്‍ സേവ് ആവുക. ഡൌണ്‍ലോഡ് ചെയ്യപ്പെട്ട Xml ഫയലില്‍ മൗസ് വച്ച് റൈറ്റ് ക്ലിക്ക് ചെയ്തു എഡിറ്റ്‌ ( Edit )എന്ന ഓപ്ഷനില്‍ പോയി അതിലുള്ള കോഡുകള്‍ മുഴുവനും കോപ്പി ചെയ്തെടുക്കുക.

ഇനി നിങ്ങളുടെ ബ്ലോഗിലെ ലെയൌട്ടില്‍ ( Layout ) ചെന്ന് Edit Html എന്ന ലിങ്കില്‍ ക്ലിക്ക് ചെയ്യുക. താഴെ ഉള്ള ചിത്രം നോക്കുക.

ഇപ്പോള്‍ തുറന്നു വരുന്ന വിന്‍ഡോവില്‍ ഒരു കോളത്തില്‍ കുറെ കോഡുകള്‍ കാണാം. ( താഴെ കാണുന്ന ചിത്രത്തിലെ മഞ്ഞ നിറത്തിലുള്ള ഭാഗം നോക്കുക. ) ആ കോഡുകള്‍ മുഴുവനായും ഡിലീറ്റ്‌ ചെയ്യുക. ആ കോളത്തില്‍ മൗസ് വച്ച് കീ ബോര്‍ഡിലെ Ctrl + A എന്ന എന്നീ കീകള്‍ ഒരുമിച്ചു അമര്‍ത്തിയാല്‍ ആ കോഡുകള്‍ മുഴുവനായും സെലക്ട്‌ ചെയ്യപ്പെടും. അതിനു ശേഷം Delete കീ അമര്‍ത്തിയാല്‍ അത് മുഴുവനായും ഡിലീറ്റ് ചെയ്യപ്പെടും. ഇനി നേരത്തെ നിങ്ങള്‍ ഡൗണ്‍ലോഡ്‌ ചെയ്തെടുത്തു Xml ഫയലില്‍ നിന്നും കോപ്പി ചെയ്തെടുത്ത കോഡ് അവിടെ പേസ്റ്റ് ചെയ്യുക. അതിനു ശേഷം ആ വിന്‍ഡോവില്‍ താഴെയായി കാണുന്ന Save Template എന്നതില്‍ ക്ലിക്ക് ചെയ്തു ആ ടെമ്പ്ലറ്റിനെ സേവ് ചെയ്യുക. അപ്പോള്‍ വീണ്ടും ഒരുവട്ടം കൂടി ബ്ലോഗര്‍, ഈ ടെമ്പ്ലേറ്റ് സേവ് ചെയ്യണോ എന്നുള്ള കണ്ഫര്‍മേഷന്‍ മെസ്സേജ് കാണിക്കും. അതിലും ക്ലിക്ക് ചെയ്തു കഴിഞ്ഞാല്‍ നിങ്ങളുടെ ടെമ്പ്ലറ്റ് സേവ് ചെയ്യപ്പെട്ടു എന്ന മെസേജ് കാണാം. ഇനി ബ്ലോഗ്‌ കണ്ടു നോക്കൂ. നിങ്ങളുടെ ടെമ്പ്ലേറ്റ് മാറിയിരിക്കുന്നത് കാണാം.

പിന്നൊരു കാര്യം. ഇത് വച്ച് കൂടുതല്‍ കളി വേണ്ട. ചിലപ്പോള്‍ ബ്ലോഗ്‌ തന്നെ ഇല്ലാതായിപ്പോയേക്കാം... കൂടുതല്‍ പരീക്ഷണം നടത്തിയാല്‍ ബ്ലോഗറില്‍ നിന്നും എറര്‍ മെസേജ് ഒക്കെ വന്നാല്‍, പിന്നീട് ടെമ്പ്ലറ്റ് മാറാന്‍ ബുദ്ധിമുട്ടാണ്. പേടിക്കേണ്ട. ഒരു കരുതലിനു പറഞ്ഞെന്നെ ഉള്ളൂ. :-)

ബ്ലോഗില്‍ മൗസ് ഓവര്‍ ഹൈലൈറ്റഡ് ഹൈപ്പര്‍ ലിങ്കുകള്‍

2009-09-07T00:41:00.003+05:30

ബ്ലോഗില്‍ നല്‍കുന്ന ലിങ്കുകള്‍ക്ക് മുകളില്‍ മൗസ് കഴ്സര്‍ കൊണ്ടുവരുമ്പോള്‍, ആ ലിങ്കുകള്‍ ഹൈലൈറ്റ് ചെയ്യുന്ന രീതി താഴെ കാണുന്ന കോഡ് ഉപയോഗിച്ച് ചെയ്യാം. (ഉദാ -: താഴെ കാണുന്ന ലിങ്കിനുമുകളില്‍ മൗസ് കഴ്സര്‍ വച്ച് നോക്കൂ...) താഴെയുള്ള ചുവന്ന നിറത്തില്‍ കാണുന്ന കോഡ് കോപ്പി ചെയ്തെടുത്ത്, നിങ്ങളുടെ ബ്ലോഗില്‍ Layout / Edit Html - ല്‍ ചെന്ന് അവിടെ ഉള്ള ടെമ്പ്ലേറ്റ് കോഡില്‍,<head> എന്ന ടാഗിന് തൊട്ടു താഴെയായി പേസ്റ്റ് ചെയ്തു ടെമ്പ്ലേറ്റ് സേവ് ചെയ്യുക. ഇനി മൗസ് കഴ്സര്‍ നിങ്ങളുടെ ബ്ലോഗില്‍ ലിങ്കുകള്‍ക്ക് മുകളില്‍ കൊണ്ടുചെന്ന് നോക്കൂ... ആ ലിങ്കുകള്‍ ഹൈലൈറ്റ് ചെയ്യുന്നത് കാണാം.

ഉദാ -: Free Download Malayalam Songs

<STYLE>  </STYLE>

ബോഗ് പോസ്റ്റുകളില്‍ സബ് ലിങ്ക് നല്‍കാം

2009-08-12T18:28:00.002+05:30

ബ്ലോഗില്‍ നല്‍കുന്ന പോസ്റ്റുകള്‍ ഒരുപാട് കാര്യങ്ങള്‍ വിശദീകരിക്കുന്ന രീതിയില്‍ വലിപ്പം കൂടുതല്‍ ഉള്ളതാണെങ്കില്‍, വായനക്കാര്‍ക്ക് ആ പോസ്റ്റിലുള്ള വിവിധ ഭാഗങ്ങളില്‍ എത്തിച്ചേരുവാന്‍ കുറെ ഏറെ സ്ക്രോള്‍ ചെയ്യേണ്ടതായി വരും. അതിനു പകരമായി ആ പോസ്റ്റിന്റെ മുകളില്‍ നല്‍കിയിട്ടുള്ള സബ് ലിങ്കുകളില്‍ ക്ലിക്ക് ചെയ്‌താല്‍, പ്രസ്തുത പോസ്റ്റില്‍ ആ കാര്യങ്ങള്‍ വിശദമാക്കുന്ന ഭാഗത്ത് പെട്ടെന്ന് തന്നെ എത്തിച്ചേരാനുള്ള ലിങ്കുകള്‍ ഉണ്ടാക്കുന്ന വിധം ഇവിടെ വിശദീകരിക്കുന്നു. ഉദാഹരണം ഇവിടെ ക്ലിക്കിയാല്‍ കാണാം.

പോസ്റ്റ്‌ ചെയ്യുമ്പോള്‍ Html രീതി തിരഞ്ഞെടുത്താവണം ഈ കാര്യങ്ങള്‍ ചെയ്യേണ്ടത്.

ആദ്യമായി ഈ കോഡില്‍, <a href="#part1">Display Text</a> Display Text എന്ന് കാണുന്നിടത്ത് നിങ്ങളുടെ പോസ്റ്റില്‍ സബ് ലിങ്ക് ആയി ഡിസ്പ്ലേ ചെയ്യേണ്ടുന്ന വാക്ക് നല്‍കുക. part1 എന്നത് മാറ്റി പകരം നിങ്ങള്ക്ക് ഇഷ്ട്ടപ്പെട്ട വാക്കുകളോ അക്ഷരങ്ങളോ അക്കങ്ങളോ നല്‍കുക.

ഇനി ആ ലിങ്കില്‍ ക്ലിക്കുമ്പോള്‍ പോസ്റ്റിലെ ഏത് ഭാഗത്താണോ എത്തിചേരേണ്ടത് അവിടെ <a name="part1"></a> എന്ന കോഡില്‍ part1 എന്നത് മാറ്റി , നേരത്തെ നിങ്ങള്‍ ഉണ്ടാക്കിയ ലിങ്കില്‍ # കഴിഞ്ഞു നല്‍കിയ വാക്ക് അല്ലെങ്കില്‍ അക്ഷരം ചേര്‍ത്ത് നല്‍കുക. അതായത് താഴെ ഉള്ള കോഡ് കാണുക.

<a href="#Hello">Sub Link 1</a> -: ഇത് ബ്ലോഗ്‌ പോസ്റ്റില്‍ ഡിസ്പ്ലേ ചെയ്യുന്ന സബ് ലിങ്ക് കോഡ്

<a name="Hello"></a> -: ഇത് ആ സബ് ലിങ്കില്‍ ക്ലിക്കുമ്പോള്‍ പോസ്റ്റിന്റെ ഏത് ഭാഗത്ത് എത്തണമോ അവിടെ നല്‍കാനുള്ള കോഡ്.

ഇങ്ങിനെ എത്ര സബ് ലിങ്കുകള്‍ വേണമെങ്കിലും ഒരു പോസ്റ്റില്‍ നല്‍കാം. ഓരോ സബ് ലിങ്കും ഉണ്ടാക്കുമ്പോള്‍ മുകളില്‍ പറഞ്ഞ കോഡില്‍ # നു ശേഷം നല്‍കുന്ന വാക്കുകള്‍ തന്നെ ആവണം രണ്ടാമത് പറഞ്ഞ കോഡിലും നല്‍കേണ്ടത്. ഓരോ സബ് ലിങ്കിനും അത്തരത്തില്‍ നല്‍കുന്നത് വിത്യസ്തമായ വാക്കുകളോ അക്ഷരങ്ങളോ അക്കങ്ങളോ ആയിരിക്കണം.

ബ്ലോഗിലേക്കായി ഫാളിംഗ് ഹേര്‍ട്ട്സ്‌ ( Falling hearts )

2009-07-09T22:37:00.001+05:30

താഴെ കാണുന്ന സ്ക്രോള്‍ ബോക്സുകളില്‍ ഏതെങ്കിലുമൊന്നില്‍ നിന്നും അതിലുള്ള കോഡ് കോപ്പി ചെയ്തു നിങ്ങളുടെ ബ്ലോഗിലെ Html/Javascript കോളത്തില്‍ പേസ്റ്റ്‌ ചെയ്യുക.

ബ്ലോഗില്‍ ബാക്ക് ഗ്രൌണ്ട് മ്യൂസിക്‌ നല്‍കാം.

2009-06-14T16:49:00.000+05:30

സന്ദര്‍ശകര്‍ ബ്ലോഗ്‌ തുറക്കുമ്പോള്‍ ബ്ലോഗില്‍ ബാക്ക് ഗ്രൌണ്ട് സോംഗ് ( Background Song) കേള്‍പ്പിക്കുന്നത് എങ്ങിനെ എന്ന് പലരും ചോദിച്ചിരുന്നു. താഴെകാണുന്ന കോഡില്‍ Mp3 URL HERE എന്നത് മാറ്റി അവിടെ നിങ്ങള്‍ക്കിഷ്ട്ടപ്പെട്ട Mp3 സോംഗിന്റെ URL നല്‍കിയതിനുശേഷം ആ കോഡ് മുഴുവനായി കോപ്പി ചെയ്തെടുത്തു ബ്ലോഗിലെ Html Javascript കോളത്തിലോ അല്ലെങ്കില്‍, പോസ്റ്റ്‌ (Post Area) ചെയ്യുന്ന കോളത്തിലോ പേസ്റ്റ് ചെയ്തു സേവ് ചെയ്യുക. Javascript കോളത്തിലാണെങ്കില്‍ ഏത് പോസ്റ്റ്‌ കാണുന്ന അവസരത്തിലും ആ Song കേള്‍ക്കാം. പോസ്റ്റ്‌ ഏരിയയില്‍ ആണ് നല്‍കുന്നതെങ്കില്‍ ആ പോസ്റ്റ്‌ കാണുന്ന സമയത്ത് മാത്രമേ Song കേള്‍ക്കാന്‍ കഴിയൂ. (താഴെ ഉള്ള കോഡില്‍ നീല നിറത്തില്‍ കാണുന്ന false എന്നത് മാറ്റി true എന്നാക്കിയാല്‍ നിങ്ങള്‍ നകിയ ഗാനം ആവര്‍ത്തിച്ചു കേള്‍ക്കാം.)

നമുക്കിഷ്ട്ടപ്പെട്ട MP3 ഗാനങ്ങളും ഓഡിയോ ഫയലുകളും മറ്റൊരു സെര്‍വറിലേക്ക് അപ്പ്‌-ലോഡ് ചെയ്താലാണ് സാധാരണയായി അവയുടെ URL കോഡുകള്‍ നമുക്ക് ലഭിക്കുന്നത്‌. അത്തരം സേവനങ്ങള്‍ സൌജന്യമായി നല്‍കുന്ന നിരവധി വെബ്സയിറ്റുകളുണ്ട് . അതുമായി ബന്ധപ്പെട്ട കാര്യങ്ങള്‍ ഇവിടെ വിശദമാക്കിയിട്ടുണ്ട്.

അപ്പോ, ഇനി ബ്ലോഗിലും നിങ്ങളുടെ ഇഷ്ട്ട ഗാനങ്ങള്‍ നിറയട്ടെ....

<embed src="http://www.fileden.com/files/2009/3/4/2348460/xspf_player.swf" flashvars="&song_url=Mp3 URL HERE&autoload=true&autoplay=true&repeat=false&volume=0" height="0" width="200"></embed>

ഓഡിയോ പോഡ്കാസ്റ്റിംഗ് (Audio Podcasting)

2009-05-01T12:13:00.005+05:30

നാം ഒരു ബ്ലോഗ്‌ തുടങ്ങിയാല്‍ അതില്‍ പലവിധത്തിലുള്ള പോസ്റ്റുകളാണല്ലോ നല്‍കുന്നത്. കവിതകളും കഥകളും ആനുകാലിക സംഭവങ്ങളുംകൊണ്ട് ബൂലോകം ബ്ലോഗ്ഗെര്മാരാല്‍ കൂടുതല്‍ സജീവമാവുകയാണ്. ബ്ലോഗില്‍ പോസ്റ്റുകള്‍ നല്‍കാനും ഒപ്പം ചിത്രങ്ങള്‍ വീഡിയോ എന്നിവ നല്കുവാനുമുള്ള സൗകര്യം ബ്ലോഗ്ഗര്‍ നമുക്ക് നല്‍കുന്നുണ്ട്. എന്നാല്‍, നന്നായി പാടുന്ന - കഥപറയുന്ന - വിവരണങ്ങള്‍ നല്‍കുവാന്‍ കഴിയുന്ന ഒരു ബ്ലോഗ്ഗെര്‍ക്ക് സ്വന്തം ശബ്ദത്തില്‍ ഒരു ഓഡിയോ / MP3ഫയല്‍ ബ്ലോഗില്‍ നല്‍കണമെങ്കില്‍ (Audio Podcasting) , അല്ലെങ്കില്‍ ഇഷ്ട്ടപ്പെട്ട ഒരുഗാനം ബ്ലോഗില്‍ നല്‍കണമെങ്കില്‍ എന്ത് ചെയ്യും? ഡി.പ്രദീപ്കുമാറിന്റെയും ജ്യോതി ഭായിയുടെയും ബ്ലോഗുകള്‍ ഇത്തരത്തിലുള്ളതാണ് .നിങ്ങളുടെ സ്വന്തം ശബ്ദത്തിലുള്ള / നിങ്ങളുടെ ശേഖരത്തിലുള്ള / നിങ്ങളുടെ കമ്പ്യൂട്ടറിലുള്ള ഒരു MP3 ഗാനത്തെയോ ഓഡിയോ ഫയലിനെയോ ബ്ലോഗില്‍ പോസ്റ്റ്‌ ആയോ Gadjet ആയോ നല്‍കാനുള്ള കാര്യങ്ങള്‍ (Audio Podcasting) അറിയാവുന്ന രീതിയില്‍ വിശദമാക്കുന്നു.

നിങ്ങളുടെ ശബ്ദത്തില്‍ ഒരു ഓഡിയോ Mp3 ഫയല്‍ (പാടുകയോ പറയുകയോ എന്താന്നു വച്ചാല്‍ അത് ) ഉണ്ടാക്കാന്‍ നിങ്ങളുടെ കമ്പ്യൂട്ടറില്‍ മള്‍ട്ടിമീഡിയ സ്പീക്കര്‍ സിസ്റ്റം, മൈക്രോഫോണ്‍, ഓഡിയോ റെക്കോഡിങ്ങ് സോഫ്റ്റ്‌വെയര്‍ എന്നിവയാണ് ആവശ്യം. നല്ലരീതിയില്‍ പ്രവര്‍ത്തനം കാഴ്ചവയ്ക്കുന്ന കുറെയേറെ സൌജന്യ ഓഡിയോ MP3 റെക്കോഡിങ്ങ് സോഫ്റ്റ്‌വെയറുകള്‍ ഉണ്ട്. ഇവ ഗൂഗിളില്‍ സെര്‍ച്ച് ചെയ്തു സൌജന്യമായി ഡൌണ്‍ലോഡ് ചെയ്യാം. ചില റെക്കോഡിങ്ങ് സോഫ്റ്റ്‌വെയറുകള്‍ ഡൌണ്‍ലോഡ് ചെയ്യാനുള്ള ലിങ്ക് താഴെ കൊടുക്കുന്നു. ഈ ലിങ്കുകളില്‍ ക്ലിക്ക് ചെയ്തു നിങ്ങള്‍ക്കാവശ്യമായ റെക്കോഡിങ്ങ് സോഫ്റ്റ്‌വെയറുകള്‍ ഡൌണ്‍ലോഡ് ചെയ്തു കമ്പ്യൂട്ടറില്‍ ഇന്‍സ്റ്റാള്‍ചെയ്യുക. തുടര്‍ന്ന് അവയിലെ നിര്ദ്ധേശങ്ങള്‍ക്കനുശ്രുതമായി റിക്കോഡിംഗ് ചെയ്ത് ഓഡിയോ ഫയല്‍ കമ്പ്യൂട്ടറില്‍ ആവശ്യമായ സ്ഥലത്ത് സേവ് ചെയ്യുക.

mp3mymp3.com recorder download

Download Music-Recorder.net Sound Recorder

Download KRISTAL Audio Engine

Recordingsoftware.net

Anewsoft.com Recorder

മേല്‍പ്പറഞ്ഞ രീതിയില്‍ റെക്കോര്‍ഡ്‌ ചെയ്തുവച്ച് ഓഡിയോ ഫയലുകളോ, നമുക്കിഷ്ട്ടപ്പെട്ട MP3 ഗാനങ്ങളോ ഏതെങ്കിലും വെബ്‌ സേര്‍വറിലേക്ക് അപ്പ്‌-ലോഡ് (Upload)ചെയ്താലാണ് സാധാരണയായി അവയുടെ URL കോഡുകളോ അവ പ്ലേ ചെയ്യുവാനുള്ള പ്ലെയറുകളുടെ Embed കോഡുകളോ നമുക്ക് ലഭിക്കുന്നത്‌. അത്തരം സേവനങ്ങള്‍ സൌജന്യമായി നല്‍കുന്ന നിരവധി വെബ്സയിറ്റുകളുണ്ട് .https://www.podbean.com/, http://www.clickcaster.com/ തുടങ്ങിയ വെബ്സയിറ്റുകള്‍, ഉപയോഗത്തിന് പരിധി നിശ്ചയിച്ചുകൊണ്ട് മേല്‍പ്പറഞ്ഞ രീതിയില്‍ ഉള്ള സൌജന്യ സേവനം നല്‍കുന്നുണ്ട്. ഈ വെബ്‌ സൈറ്റുകളുടെ സേവനങ്ങള്‍ക്ക്, ആവശ്യമായ വിവരങ്ങള്‍ നല്‍കി ഒരു അക്കൗണ്ട്‌ ക്രീയേറ്റു ചെയ്യണം. ഇതില്‍ podbean.com 100Mb സ്പേസും clickcaster.com 125Mb സ്പേസുമാണ് ഓരോ അക്കൌണ്ടിനും സൌജന്യമായി നല്‍കുന്നത്. മേല്‍പ്പറഞ്ഞ സയ്റ്റില്‍ ഏതിലെങ്കിലും ഒരു അക്കൗണ്ട്‌ ക്രീയേറ്റു ചെയ്ത്, നേരത്തെ നിങ്ങള്‍ റെക്കോര്‍ഡ്‌ ചെയ്ത് വച്ചതോ അല്ലെങ്കില്‍ നിങ്ങളുടെ ശേഖരത്തിലുള്ളതോ ആയ ഓഡിയോ ഫയല്‍ പ്രസ്തുത സയ്റ്റിലേക്ക് അപ്‌ലോഡ്‌ ചെയ്ത് അവിടെ നിന്നും കിട്ടുന്ന Embed പ്ലെയര്‍ കോഡ് ബ്ലോഗിലെ പോസ്റ്റ്‌ എരിയയിലോ Html / Javascript കോളത്തിലോ പേസ്റ്റ് ചെയ്യുക. ഇപ്പോള്‍ നിങ്ങള്‍ അപ്‌ലോഡ്‌ ചെയ്ത ഓഡിയോ ഫയല്‍ നിങ്ങളുടെ ബ്ലോഗില്‍ പ്ലേ ചെയ്യാം.

Adobe Shockwaw Player, Adobe Flash Player, Apple Quick Time, Java തുടങ്ങിയ ഫ്ലാഷ് പ്ലെയര്‍ സോഫ്റ്റ്വെയറുകളെ അടിസ്ഥാനമാക്കിയാണ് മേല്‍പ്പറഞ്ഞ രീതിയിലുള്ള മിക്കവാറും Embed പ്ലെയറുകള്‍ ബ്ലോഗിലോ വെബ്സൈറ്റ്ലോ ഡിസ്പ്ലേ ചെയ്യുന്നതും പ്രവര്ത്തിക്കുന്നതും.അത്തരം ഫ്ലാഷ് പ്ലെയര്‍ സോഫ്റ്റ്വെയറുകള്‍ നിങ്ങളുടെ കമ്പ്യൂട്ടറില്‍ ഉണ്ടെങ്കില്‍ മാത്രമേ ഇവ നിങ്ങളുടെ കമ്പ്യൂട്ടറില്‍ കാണുവാനും പ്രവര്ത്തിപ്പിക്കുവാനും കഴിയൂ. അതുപോലെ പഴയ വേര്‍ഷന്‍ വെബ്‌ ബ്രൌസറുകളിലും ചിലപ്പോള്‍ ഇത്തരം എംബഡ് പ്ലെയെറുകള്‍ ഡിസ്‌പ്ലേ ആകില്ല എന്നതും ഓര്‍ക്കുക. മോസില്ല ഫയര്‍ഫോക്സ് ‍- 3 വെബ്‌ ബ്രൌസറില്‍ ഇത്തരം പ്രശ്നങ്ങള്‍ കുറവാണ്. ഈ ബ്ലോഗിന്റെ താഴെയുള്ള ലിങ്കില്‍ ക്ലിക്ക് ചെയ്തു മോസില്ല ഫയര്‍ഫോക്സ് - 3 ഡൌണ്‍ലോഡ് ചെയ്യാം.മേല്‍പ്പറഞ്ഞ രീതിയിലുള്ള ഫ്ലാഷ് പ്ലെയര്‍ സോഫ്റ്റ്വെയറുകള്‍ നിങ്ങളുടെ കമ്പ്യൂട്ടറില്‍ ഇല്ലെങ്കില്‍ അതുമായി ബന്ധപ്പെട്ട കാര്യങ്ങള്‍ വിശദമാക്കിയ ഈ പോസ്റ്റ്‌ കാണുക.

ഇനി എളുപ്പത്തില്‍ ഓഡിയോ ഫയലുകള്‍ അപ്‌ലോഡ്‌ ചെയ്യുകയും അപ്‌ലോഡ്‌ ആ ഓഡിയോ ഫയലിന്റെ URL കോഡ് ലഭിക്കുകയും ചെയ്യുന്ന ഒരു വെബ്‌സയ്റ്റിനെ പരിചയപ്പെടാം. ഈ സയ്റ്റില്‍ ഓരോ അക്കൗണ്ട്‌നും 1GB വരെ സൌജന്യ സ്പേസും ഓരോ മാസവും 5Gb ബാന്‍ഡ്‌വിട്തും ( bandwidth ) ലഭിക്കും.
http://www.fileden.com/ ഈ ലിങ്കില്‍ ക്ലിക്ക് ചെയ്ത് പ്രസ്തുത സയ്റ്റില്‍ ചെന്ന് ആവശ്യമായ വിവരങ്ങള്‍ നല്‍കി ഒരു അക്കൗണ്ട്‌ ക്രീയേറ്റ് ചെയ്യുക. അതിനു ശേഷം സയ്റ്റിന്റെ മുകളിലുള്ള നാവിഗേഷന്‍ ബാറിലെ UPLOAD എന്ന ലിങ്കില്‍ ക്ലിക്ക് ചെയ്യുക. അപ്പോള്‍ ലഭിക്കുന്ന വിന്‍ഡോവില്‍ ആവശ്യമായ Folder സെലക്ട്‌ ചെയ്ത് നിങ്ങളുടെ കമ്പ്യൂട്ടറിലുള്ള ഓഡിയോ ഫയലിനെ അപ്പ്‌-ലോഡ് ചെയ്യുക. അപ്പ്‌-ലോഡിംഗ് പൂര്‍ത്തിയായതിനുശേഷം നേരത്തെ പറഞ്ഞ നാവിഗേഷന്‍ ബാറിലെ FILES എന്ന ലിങ്കില്‍ ക്ലിക്ക് ചെയ്യുക. ഇപ്പോള്‍ ആ വിന്‍ഡോവില്‍ നിങ്ങള്‍ അപ്പ്‌-ലോഡ് ചെയ്ത ഓഡിയോ ഫയല്‍ കാണാം. അതില്‍ റൈറ്റ് ക്ലിക്ക് ചെയ്ത് Properties എടുക്കുക. അവിടെ URL - BB Code - HTML Code എന്ന് കാണാം. URL എന്നുള്ളതില്‍ ക്ലിക്ക് ചെയ്‌താല്‍ നേരത്തെ നിങ്ങള്‍ അപ്പ്‌-ലോഡ് ചെയ്ത ഓഡിയോ ഫയലിന്റെ URL കോഡ് ഒരു ചെറിയ ചതുരത്തിനുള്ളില്‍ ലഭിക്കും. ഈ കോഡ് Embed പ്ലെയറിലെ URL നല്‍കേണ്ട സ്ഥലത്ത് നല്‍കുക.

വിവിധ തരത്തിലുള്ള Embed വോയിസ് പ്ലെയറുകളുടെ കോഡ് താഴെ കാണാം.പ്ലെയറുകളില്‍ നിന്നും ആവശ്യമായവ തിരഞ്ഞെടുത്തു ആ പ്ലയെറിന്റെ താഴെയുള്ള കോളത്തിലെ കോഡില്‍ AUDIO URL HERE എന്നത് മാറ്റി നേരത്തെ അപ്പ്‌-ലോഡ് ചെയ്തെടുത്ത ഓഡിയോ ഫയലിന്റെ URL കോഡ് നല്കിയ ശേഷം , ആ കോളത്തിലെ കോഡ് മുഴുവനായും കോപ്പി ചെയ്തു ബ്ലോഗില്‍ Html / Javascript കോളത്തില്‍ പേസ്റ്റ് ചെയ്ത് സേവ് ചെയ്യുക. അല്ലെങ്കില്‍ ബ്ലോഗിലെ പോസ്റ്റ്‌ ഏരിയയില്‍ HTML രീതി തിരഞ്ഞെടുത്ത് പേസ്റ്റ് ചെയ്തതിനുശേഷം, പോസ്റ്റ് പബ്ലിഷ് ചെയ്യുക. ഇനി ആ പോസ്റ്റ് കണ്ടു നോക്കൂ...നിങ്ങള്‍ സെലക്ട് ചെയ്ത പ്ലെയര്‍ അവിടെ കാണാം...അതില്‍ പ്ലേ ബട്ടണ്‍ ക്ലിക്ക് ചെയ്തു നോക്കൂ...നിങ്ങള്‍ അപ്പ്‌-ലോഡ് ചെയ്തെടുത്ത ഗാനം പ്ലേ ചെയ്യുന്നത് കാണാം.

ബ്ലോഗിലേക്കായി MP3 പ്ലെയറുകള്‍

2009-04-30T00:51:00.003+05:30

ബ്ലോഗില്‍ പാട്ടുകളും ഓഡിയോ ക്ലിപ്പിങ്ങുകളും പോസ്റ്റ് ചെയ്യാനുള്ള ചില വോയിസ് MP3 പ്ലെയറുകളുടെ കോഡ് ഇവിടെ നല്കുന്നു. ഇത്തരം പ്ലെയറുകള്‍, ഫ്ലാഷ് പ്ലെയര്‍ സോഫ്റ്റ്വെയറുകളെ അടിസ്ഥാനമാക്കിയാണ് ബ്ലോഗിലോ വെബ്സൈറ്റ്ലോ ഡിസ്പ്ലേ ചെയ്യുന്നതും പ്രവര്ത്തിക്കുന്നതും.അത്തരം ഫ്ലാഷ് പ്ലെയര്‍ സോഫ്റ്റ്വെയറുകള്‍ നിങ്ങളുടെ കമ്പ്യൂട്ടറില്‍ ഉണ്ടെങ്കില്‍ മാത്രമേ ഇവ നിങ്ങളുടെ കമ്പ്യൂട്ടറില്‍ കാണുവാനും പ്രവര്ത്തിപ്പിക്കുവാനും കഴിയൂ. മേല്‍പ്പറഞ്ഞ രീതിയിലുള്ള ഫ്ലാഷ് പ്ലെയര്‍ സോഫ്റ്റ്വെയറുകള്‍ നിങ്ങളുടെ കമ്പ്യൂട്ടറില്‍ ഇല്ലെങ്കില്‍ താഴെ കാണുന്ന ലിങ്കുകളില്‍ ക്ലിക്ക് ചെയ്തു ആവശ്യമായവ ഡൌണ്‍ലോഡ് ചെയ്ത് ഇന്സ്റ്റാള്‍ ചെയ്യുക. ഈ സോഫ്റ്റ്വെയറുകള്‍ എപ്പോഴായാലും കമ്പ്യൂട്ടറില്‍ ആവശ്യമാണ് എന്നത് ഓര്ക്കുക.

Download Adobe Flash Player

Download Adobe Shockwave Player

Download Apple Quicktime Player

Download Java

അതിനു ശേഷം താഴെ കാണുന്ന വോയിസ് പ്ലെയറുകളില്‍ നിന്നും ആവശ്യമായവ തിരഞ്ഞെടുത്തു ആ പ്ലയെറിന്റെ താഴെയുള്ള കോളത്തിലെ കോഡില്‍ AUDIO URL HERE എന്നത് മാറ്റി നിങ്ങള്ക്കിഷ്ട്ടപ്പെട്ട MP3 സോങ്ങിന്റെ / ഓഡിയോ ക്ലിപ്പിങ്ങിന്റെ URL കോഡ് നല്കിയ ശേഷം , ആ കോളത്തിലെ കോഡ് മുഴുവനായും കോപ്പി ചെയ്തു ബ്ലോഗില്‍ Html / Javascript കോളത്തില്‍ പേസ്റ്റ് ചെയ്ത് സേവ് ചെയ്യുക. അല്ലെങ്കില്‍ ബ്ലോഗിലെ പോസ്റ്റ്‌ ഏരിയയില്‍ HTML രീതി തിരഞ്ഞെടുത്ത് പേസ്റ്റ് ചെയ്തതിനുശേഷം, പോസ്റ്റ് പബ്ലിഷ് ചെയ്യുക. ഇനി ആ പോസ്റ്റ് കണ്ടു നോക്കൂ...നിങ്ങള്‍ സെലക്ട് ചെയ്ത പ്ലെയര്‍ അവിടെ കാണാം...അതില്‍ പ്ലേ ബട്ടണ്‍ ക്ലിക്ക് ചെയ്തു നോക്കൂ...നിങ്ങള്‍ തിരഞ്ഞെടുത്ത ഗാനം പ്ലേ ചെയ്യുന്നത് കാണാം.

നമുക്കിഷ്ട്ടപ്പെട്ട MP3 ഗാനങ്ങളും ഓഡിയോ ഫയലുകളും അപ്പ്‌-ലോഡ് ചെയ്താലാണ് സാധാരണയായി അവയുടെ URL കോഡുകള്‍ നമുക്ക് ലഭിക്കുന്നത്‌. അത്തരം സേവനങ്ങള്‍ സൌജന്യമായി നല്‍കുന്ന നിരവധി വെബ്സയിറ്റുകളുണ്ട് . അത്തരം വെബ്സയിറ്റുകളെകുറിച്ചും ഓഡിയോ പോഡ്കാസ്റ്റിനെ ( Audio Podcast )കുറിച്ചും ഉള്ള വിവരങ്ങള്‍ അടുത്ത പോസ്റ്റില്‍.

ബ്ലോഗില്‍ Older Post - Newer Post ലിങ്കുകള്‍ ഒഴിവാക്കാന്‍.

2009-04-19T22:04:00.001+05:30

ബ്ലോഗില്‍ നാം പലപ്പോഴായി ഇടുന്ന പോസ്റ്റുകളുടെ ടൈറ്റില്‍ ലിങ്കുകള്‍ side bar - ല്‍ നല്‍കാറുണ്ടല്ലോ. ചിലപോസ്റ്റുകള്‍ വായനക്കാര്‍ കാണാതിരിക്കാന്‍ കൂടിയാണ്, Blog Archive ഒഴിവാക്കി, തിരഞ്ഞെടുത്ത പോസ്റ്റുകളുടെ ലിങ്കുകള്‍ മാത്രം ഇത്തരത്തില്‍ നല്‍കുന്നത്. പക്ഷെ പോസ്റ്റിനു താഴെയായികാണുന്ന Older Post , Newer Post ലിങ്കുകളില്‍ ക്ലിക്ക് ചെയ്‌താല്‍ നമ്മള്‍ പോസ്റ്റ് ചെയ്ത എല്ലാപോസ്ടുകളും ഒന്നിന് പിറകെ ഒന്നായി വായനക്കാര്‍ക്ക് കാണാനാകും. ആദ്യം പറഞ്ഞ രീതിയില്‍ മാത്രം, നമ്മള്‍ ക്രമീകരിച്ചു നല്‍കിയ ലിങ്കുകള്‍ വഴി മാത്രം വായനക്കാര്‍ പോസ്റ്റുകള്‍ കാണണമെങ്കില്‍ Older Post , Newer Post ലിങ്കുകള്‍ കൂടി ഒഴിവാക്കണം. അതിനുള്ള വിദ്യയാണ് പറയുന്നത്. അതിനായി നിങ്ങളുടെ ബ്ലോഗ് സൈന്‍ ഇന്‍ ചെയ്തു ലേയൌട്ട് സെക്ഷനില്‍ ചെന്ന് Edit HTML ലിങ്കില്‍ ക്ലിക്ക് ചെയ്ത്, ടെമ്പ്ലേറ്റ് കോഡില്‍ താഴെ കാണുന്ന നീല നിറത്തിലുള്ള കോഡ് കണ്ടുപിടിച്ചു അത്രയും ഭാഗം ഡിലീറ്റു ചെയ്ത്, ( ചില ടെമ്പ്ലേറ്റ് കോഡ്കളില്‍ ഈ പറഞ്ഞ കോഡില്‍ ചെറിയ വ്യത്യാസം കാണാം. കീ ബോര്‍ഡില്‍ Ctrl+F അമര്‍ത്തി find കോളത്തില്‍ #blog-pager-newer-link എന്ന വാക്കുകള്‍ നല്കി find ച്യ്താല്‍ എളുപ്പത്തില്‍ അത്രയും ഭാഗം കണ്ടുപിടിക്കാം.) ആ സ്ഥലത്ത് താഴെ കാണുന്ന ചുവന്ന നിറത്തിലുള്ള കോഡ് പേസ്റ്റ് ചെയ്യുക. ഇനി ടെമ്പ്ലേറ്റ് സേവ് ചെയ്തു ബ്ലോഗ് കണ്ടു നോക്കൂ... ഇപ്പോള്‍ Older Post , Newer Post ലിങ്കുകള്‍ ബ്ലോഗ് പോസ്റ്റിനു താഴെ ഉണ്ടാവില്ല.

#blog-pager-newer-link { float: left; } #blog-pager-older-link { float: right; } #blog-pager { text-align: center; }

#blog-pager-newer-link { display: none; } #blog-pager-older-link { display: none; } #blog-pager { display: none; }

ചിത്രങ്ങള്‍ അപ്-ലോഡ് ചേയ്യാന്‍/ഫോര്‍മാറ്റ് മാറ്റാന്‍, ഡോകുമെന്റുകള്‍ PDF ആക്കാന്‍.

2009-02-08T19:43:00.001+05:30

ബ്ലോഗില്‍ ചിത്രങ്ങള്‍ പോസ്റ്റ് ചെയ്യാന്‍ നാം സാധാരണയായി, പോസ്റ്റ് കോളത്തില്‍ ചിത്രങ്ങള്‍ അപ്-ലോഡ് ചെയ്യാനുള്ള ടൂള്‍ ആണല്ലോ ഉപയോഗിക്കുന്നത്. jpg, gif, bmp, png images ഒഴികെ മറ്റു ചില ഫോര്മാറ്റുകളിലുള്ള ചിത്രങ്ങള്‍ അപ്-ലോഡ് ചെയ്യാനും കഴിയില്ല. മേല്‍പ്പറഞ്ഞതോ മറ്റു ഫോര്മാറ്റുകളിലുള്ളതോ ആയ ചിത്രങ്ങള്‍ നമുക്കാവശ്യമുള്ള ഫോര്‍മാറ്റിലേക്ക് മാറ്റാന്‍ സാധാരണയായി നമ്മള്‍ ഫോട്ടോഷോപ്പ് ആണുപയോഗിക്കുന്നത്. അതിന് പകരം വളരെ ലളിതമായി ചിത്രങ്ങള്‍ ഏത് ഫോര്മാറ്റിലേക്കും Convert ചെയ്യാന്‍ സൗകര്യം നല്കുന്ന ഒരു സൈറ്റ് ഇതാ. ഈ ലിങ്കില്‍ ക്ലിക്ക് ചെയ്തു കിട്ടുന്ന സൈറ്റില്‍ ചെന്നു Convert ചെയ്യേണ്ട ചിത്രങ്ങളെ, തിരഞ്ഞെടുത്തു ഏത് ഫോര്മാറ്റിലേക്കാണോ മാറ്റേണ്ടത് ആ രീതിയില്‍ തിരഞ്ഞെടുക്കുക. കണ്‍വേര്‍ഷന്‍ പൂര്‍ത്തിയായിക്കഴിഞ്ഞാല്‍ കിട്ടുന്ന ലിങ്കില്‍ ക്ലിക്ക് ചെയ്‌താല്‍ നിങ്ങള്‍ തിരഞ്ഞെടുത്ത ഫോര്‍മാറ്റില്‍ ഉള്ള ചിത്രം ഒരു പുതിയ പേജില്‍ കാണാം. ആ ചിത്രത്തില്‍ മൗസ് കഴ്സര്‍ വച്ചു Rightclick ചെയ്തു ചിത്രത്തെ ആവശ്യമായ സ്ഥലത്തു സേവ് ചെയ്യുക. കൂടാതെ ആ വിന്‍ഡോവിലെ അഡ്രെസ്സ് ബാറില്‍ ഉള്ള URL കോപ്പി ചെയ്ത് താഴെ കാണുന്ന കോഡിലെ URL HERE എന്ന സ്ഥലത്തു കോപ്പി ചെയ്യുക. അതിനുശേഷം ആ കോഡ് മുഴുവനായും കോപ്പി ചെയ്തെടുത്തു ബ്ലോഗില്‍ പോസ്റ്റു ചെയ്‌താല്‍ ആ ചിത്രം ഡിസ്‌പ്ലേ ചെയ്യപ്പെടും.

കൂടാതെ, MS Word ഡോകുമെന്റുകള്‍ PDF ആയി Convert ചെയ്യാനുള്ള സൌകര്യവും ഈ സൈറ്റില്‍ ലഭിക്കുന്നു. അതിനായി ഈ ലിങ്കില്‍ ക്ലിക്ക് ചെയ്തു മേല്‍പ്പറഞ്ഞ സൈറ്റില്‍ ചെന്നു, ആവശ്യമായ ഡോകുമെന്റുകള്‍ നിങ്ങളുടെ കമ്പ്യൂട്ടറില്‍ നിന്നും തിരഞ്ഞെടുത്തു PDF ഫോര്‍മാറ്റിലേക്ക് Convert ചെയ്തശേഷം സേവ് ചെയ്യുക.

Microsoft Word , Powerpoint , Excel എന്നിവ PDF ആക്കുവാനുള്ള മറ്റൊരു സൈറ്റിന്റെ ലിങ്ക് താഴെ കാണാം. അതില്‍ ക്ലിക്ക് ചെയ്തു പ്രസ്തുത സൈറ്റില്‍ ചെന്ന്, Convert ചെയ്യപ്പെടെണ്ട ഫയലിന്റെ ഫോര്‍മാറ്റ് സെലക്റ്റ് ചെയ്ത്, ആവശ്യമായ ഡോകുമെന്റുകള്‍ നിങ്ങളുടെ കമ്പ്യൂട്ടറില്‍ നിന്നും തിരഞ്ഞെടുത്ത് ( Microsoft Word , Powerpoint , Excel ഇവയിലേതാണെന്ന് വച്ചാല്‍ അത് ) PDF ഫോര്‍മാറ്റിലേക്ക് Convert ചെയ്യാനുള്ള ലിങ്കില്‍ ക്ലിക്ക് ചെയ്യുക. തുടര്‍ന്ന് ലഭിക്കുന്ന വിന്‍ഡോവിലെ ലിങ്കില്‍ ക്ലിക്ക് ചെയ്‌താല്‍ നിങ്ങള്‍ നല്‍കിയ ഫയലിന്റെ PDF കാണാം. അതിലുള്ള സേവ് ബട്ടണില്‍ ക്ലിക്ക് ചെയ്തു നിങ്ങളുടെ കമ്പ്യൂട്ടറില്‍ പ്രസ്തുത PDF ഫയല്‍ സേവ് ചെയ്യുക.
സൈറ്റിന്റെ ലിങ്ക് ഇവിടെ

ബ്ലോഗില്‍ സെലക്ഷന്‍ - റൈറ്റ് ക്ലിക്ക് - കോപ്പി എന്നിവ ഒഴിവാക്കാന്‍.

2009-01-20T11:24:00.000+05:30

എനിക്ക് വയ്യ... ബൂലോഗത്തില്‍ എന്നും നിലവിളികളും പരാതിയും ആണ്. എന്റെ പോസ്റ്റ് അടിച്ച് മാറ്റി.... അവിടെ ഇട്ടു...ഇവിടെ ഇട്ടു...ഒന്നും പറയേണ്ട... നമ്മുടെ ബെര്‍ലിച്ചായനടക്കം ബ്ലോഗേര്‍സ് പൊറുതിമുട്ടിയിരിക്കുകയാണ്.... കാര്യം ശരിയാണ്... നമ്മള്‍ വളരെ ബുദ്ധിമുട്ടി ഒരു പോസ്റ്റ് ഇട്ടുകഴിയുമ്പോഴെയ്ക്കും മാന്യദേഹങ്ങള്‍ അടിച്ചുമാറ്റി ഇ-മെയില്‍ ആയി അവനവന്റെ പേരില്‍ അയക്കാന്‍ തുടങ്ങും. ബെര്‍ലിച്ചായന്‍ അതിന് ഒരു പണി കണ്ടുപിടിച്ചെങ്കിലും മോസില്ലയില്‍ ആ പണി അത്ര ഗുണം ചെയ്യുന്നില്ല എന്നാണറിവ്.
അപ്പൊ കാര്യത്തിലേക്ക് കടക്കാം. ബ്ലോഗിലുള്ള പോസ്റ്റുകള്‍ കോപ്പി ചെയ്യാതിരിക്കാനുള്ള വിദ്യയാണ് ഇവിടെ പറയുന്നതു. സെലക്റ്റ് ചെയ്യാന്‍ പറ്റിയാലല്ലേ കോപ്പി ചെയ്യാന്‍ പറ്റൂ.. മോസില ആയാലും ഇന്റര്നെറ്റ് എക്സ്‌പ്ലോറര്‍ ആയാലും ബ്ലോഗിലുള്ള ഒരു കാര്യവും Ctrl+A എന്ന രീതിയിലോ ഡ്രാഗ് ചെയ്തു സെലക്റ്റ് ചെയ്യാനോ, Ctrl+C രീതിയിലോ റൈറ്റ് ക്ലിക്ക് ചെയ്തു കോപ്പി ചെയ്യാനോ പറ്റില്ല ഈ വിദ്യ നിങ്ങളുടെ ബ്ലോഗില്‍ പ്രയോഗിച്ചാല്‍.
അതിനായി നിങ്ങളുടെ ബ്ലോഗ് സൈന്‍ - ഇന്‍ ചെയ്തു Dashboard > Layout > Edit HTML സെക്ഷനില്‍ എത്തിച്ചേരുക.(ആദ്യം തന്നെ നിങ്ങളുടെ ടെമ്പ്ലേറ്റ് കോഡ് കോപ്പി ചെയ്ത് ഒരു നോട്ട് പാഡില്‍ സേവ് ചെയ്യുക.ഒരു കരുതല്‍ നല്ലതാണല്ലോ...) ടെമ്പ്ലേറ്റ് കോഡ്ല്‍ ഹെഡ് സെക്ഷന്‍ ആരംഭിക്കുന്ന <head> എന്ന ടാഗിന് താഴെയായി, താഴെ കാണുന്ന ചുവന്ന നിറത്തിലുള്ള കോഡ് കോപ്പി ചെയ്തെടുത്തു പേസ്റ്റ് ചെയ്യുക.നിങ്ങളുടെ കമ്പ്യൂട്ടര്‍ കീബോര്‍ഡില്‍ Ctrl+F അമര്‍ത്തിയാല്‍ വാക്കുകള്‍ Find ചെയ്യാനുള്ള ഒരു കോളം കിട്ടും അതില്‍ <head> എന്ന് ടൈപ്പ് ചെയ്ത് ടെമ്പ്ലേറ്റ് കോഡില്‍ ഈ ടാഗ് കണ്ടു പിടിക്കാം.

 <script language='JavaScript1.2'> function disableselect(e){ return false } function reEnable(){ return true } document.onselectstart=new Function ("return false") if (window.sidebar){ document.onmousedown=disableselect document.onclick=reEnable } </script>

ഇനി ടെമ്പ്ലേറ്റ് കോഡ്ല്‍ ഹെഡ് സെക്ഷന്‍ അവസാനിക്കുന്ന </head> എന്ന ടാഗിന് തൊട്ടു താഴെയായി, താഴെ കാണുന്ന നീല നിറത്തിലുള്ള കോഡ് കോപ്പി ചെയ്തെടുത്തു പേസ്റ്റ് ചെയ്യുക.(മേല്‍പ്പറഞ്ഞ രീതിയില്‍ തന്നെ </head> എന്ന വാക്കു നല്കി ടെമ്പ്ലേറ്റ് കോഡില്‍ ഈ ഭാഗവും കണ്ടുപിടിക്കുക. )

<body oncontextmenu='return false;'> Ind disable</body>

ഇനി ടെമ്പ്ലേറ്റ് സേവ് ചെയ്തു ബ്ലോഗ് തുറന്നു നോക്കിയേ.
ബ്ലോഗില്‍ റൈറ്റ് ക്ലിക്കും നടക്കില്ല ഡ്രാഗ് ചെയ്തുള്ള സെലക്ഷനും നടക്കില്ല. ഓക്കേ ആണെങ്കില്‍ അറിയിക്കണേ...
ബ്ലോഗ് ടെമ്പ്ലറ്റില്‍ കൂടുതല്‍ പരീക്ഷണങ്ങള്‍ നടത്തി ബ്ലോഗ്ഗെറിന്റെ ശാപം Error Code ആയി ഏറ്റുവാങ്ങിയവര്‍ ക്ഷമിക്കുക. അത്തരം ചില ബ്ലോഗ് ടെമ്പ്ലറ്റുകളില്‍ ചിലപ്പോള്‍ ഇത്തരത്തിലുള്ള മാറ്റങ്ങള്‍ സാധ്യമാകില്ല. :-)

സന്ദര്‍ശകര്‍ക്ക് , ബ്ലോഗില്‍ നിന്നുതന്നെ ആ ബ്ലോഗിന്റെ ലിങ്ക് മെയില്‍ ചെയ്യാം.

2009-01-13T17:22:00.003+05:30

നിങ്ങളുടെ ബ്ലോഗ് സന്ദര്‍ശിക്കുന്നവര്‍ക്ക് നിങ്ങളുടെ ബ്ലോഗില്‍ നിന്നുതന്നെ ആ ബ്ലോഗിന്റെ ഒരു ലിങ്ക്, അവരുടെ ഒരു സന്ദേശം ഉള്പ്പെടെ സുഹൃത്തുക്കള്‍ക്ക് ഇ-മെയില്‍ ചെയ്യാന്‍ കഴിയുന്ന ഒരു സൂത്ര വിദ്യ ഇതാ. ഇതുവഴി നിങ്ങളുടെ ബ്ലോഗില്‍ നിന്നും മെയില്‍ ചെയ്യുന്നവര്‍ക്ക്‌ അവര്‍ക്ക് അക്കൌണ്ട് ഉള്ള Yahoo, G-Mail, Hot Mail, തുടങ്ങിയ ഇ-മെയില്‍ സര്‍വീസുകളുടെ കോണ്ടാക്റ്റ് ലിസ്റ്റുകള്‍ Import ചെയ്യുവാനും അതുപയോഗിച്ച് മേല്‍ സര്‍വീസുകളിലേക്ക് ഒന്നില്‍ കൂടുതല്‍ പേര്ക്ക് ഒരേ സമയം ഇ-മെയില്‍ ചെയ്യാനും കഴിയും.

താഴെ കാണുന്ന കോഡ് കോപ്പി ചെയ്തു നിങ്ങളുടെ ബ്ലോഗിലെ Html / Javascript കോളത്തില്‍ പേസ്റ്റ് ചെയ്യുക. അതിന് ശേഷം അതിലെ ചുവന്ന നിറത്തിലുള്ള വാക്കുകള്‍ മാറ്റി അവിടെ നിങ്ങളുടെ പേരോ ബ്ലോഗിന്റെ പേരോ നല്കുക. അതുവഴി, നിങ്ങളുടെ ബ്ലോഗില്‍ നിന്നുമുള്ള ഇ - മെയില്‍ കിട്ടുന്നവര്‍ക്ക് ആ പേരു ചേര്ന്ന ഒരു മെസ്സേജ് ആണ് ലഭിക്കുക.
ഉദാ -: ഞാന്‍ എന്റെ ബ്ലോഗില്‍ ഇപ്രകാരം ചെയ്തപ്പോള്‍ കോഡിലെ ചുവന്ന വാക്കുകള്‍ മാറ്റി പകരം Indradhanuss എന്നാണു നല്കിയത്. എന്റെ ഈ ബ്ലോഗില്‍ നിന്നും നിങ്ങള്‍ നിങ്ങളുടെ സുഹൃത്തുക്കള്‍ക്ക് ഇതുപയോഗിച്ച് മെയില്‍ ചെയ്‌താല്‍ അവര്ക്കു Greetings from Indradhanuss എന്നാണു ലഭിക്കുക. ഒപ്പം ആ മെയില്‍ തുറന്നാല്‍ അവര്ക്കു എന്റെ ബ്ലോഗിന്റെ ലിങ്ക് ലഭിക്കും. കൂടാതെ ഇതുവഴി മെയില്‍ ചെയ്യുന്നവര്‍ക്ക്‌ അവരുടെ സുഹൃത്തുക്കള്‍ക്ക് മറ്റെന്തെങ്കിലും മെസ്സേജ് നല്കാനുണ്ടെങ്കില്‍ അതിനുള്ള സൌകര്യവും ഇതിലുണ്ട്. ഇനി നേരത്തെ തുറന്നുവച്ച Html / Javascript കോളം സേവ് കൊടുത്തു ബ്ലോഗ് തുറന്നു നോക്കിയേ. അപ്പൊ ഇനി ഞാന്‍ കൂടുതല്‍ പരത്തി പറഞ്ഞു കുളമാക്കുന്നില്ല. ഒന്നു ടെസ്റ്റി നോക്കിയേ. അതേയ്, എനിക്കിട്ടു തന്നെ പണി തരല്ലേ. :-)

സാമ്പിളായി ഒരു ഇ-മെയില്‍ അയച്ചു നോക്കിയേ...

<script src="http://cdn.gigya.com/wildfire/JS/WFButton.js?module=share&partner=451832&subject=Greetings%20from%20Indradhanuss&CID=2"></script>

This post content is not available....

2009-01-06T23:06:00.006+05:30

You want free anti viru software? Please e-mail me. mullookkaaran@gmail.com

1.എങ്ങിനെ ഒരു ബ്ലോഗ് തുടങ്ങാം?

2.ബ്ലോഗ് സെറ്റിങ്ങ്സുകള്‍.

3.ബ്ലോഗില്‍ പോസ്റ്റുകള്‍ നല്കുന്നതെങ്ങിനെ?

4.ബ്ലോഗ് ലേയൌട്ടും പേജ് എലമെന്റും.

5. ഡാഷ് ബോര്‍ഡും പ്രൊഫൈല്‍ എഡിറ്റിങ്ങും.

6.ബ്ലോഗില്‍ ചിത്രങ്ങള്‍ പോസ്റ്റ് ചെയ്യുന്നതെങ്ങിനെ?

ബ്ലോഗേഴ്സിനായി ഏറ്റവും പുതിയ ചില ബ്ലോഗ് ടെമ്പ്ലെറ്റുകള്‍

2009-01-04T12:05:00.004+05:30

ബ്ലോഗേഴ്സിനായി ഏറ്റവും പുതിയ ചില ബ്ലോഗ് ടെമ്പ്ലെറ്റുകള്‍ ഇവിടെ നല്കുന്നു. ചിത്രങ്ങള്‍ പോസ്റ്റ് ചെയ്യുന്നവര്‍ക്ക്‌ (ഫോട്ടോ ബ്ലോഗ്) വേണ്ടിയുള്ളതാണ് ആദ്യം കാണുന്ന ടെമ്പ്ലേറ്റ്. അഞ്ചോളം വ്യത്യസ്തങ്ങളായ ഫോട്ടോ ബ്ലോഗ് ടെമ്പ്ലേറ്റ്കള്‍ താഴെ കാണുന്ന ആദ്യത്തെ ലിങ്കില്‍ ക്ലിക്ക് ചെയ്തു ഡൌണ്‍ലോഡ് ചെയ്യാം.
രണ്ടാമത്തെ ലിങ്കില്‍ ക്ലിക്ക് ചെയ്‌താല്‍ രണ്ടു കോളങ്ങളുള്ള, കൂടുതല്‍ ഗഡ്ജെറ്റ് (Gadjet) കോളങ്ങളുള്ള ആറോളം വ്യത്യസ്തങ്ങളായ ബ്ലോഗ് ടെമ്പ്ലേറ്റ്കള്‍ ബ്ലോഗ് ഡൌണ്‍ലോഡ് ചെയ്യാം.
താഴെ കാണുന്ന ആദ്യത്തെ രണ്ടു ഡൌണ്‍ലോഡ് ലിങ്കുകളില്‍ ക്ലിക്ക് ചെയ്തു കിട്ടുന്ന ഫയല്‍ നിങ്ങളുടെ കമ്പ്യൂട്ടറില്‍ സേവ് ചെയ്യുക. അതിന് ശേഷം ആ ഫയല്‍ ഓപ്പണ്‍ ചെയ്‌താല്‍ അതില്‍ മേല്‍പ്പറഞ്ഞ രീതിയിലുള്ള ടെമ്പ്ലേറ്റ്കളുടെ കോഡ് വെവ്വേറെയായി XML ഡോക്യുമെന്റ് ആയി കാണാം. ആവശ്യമുള്ള കോഡിന്റെ മുകളില്‍ മൗസ് കഴ്സര്‍ വച്ചു ഒരുവട്ടം ക്ലിക്കിയാല്‍ അത് സെലക്റ്റ് ചെയ്യപ്പെടുന്നത് കാണാം. അതിന് ശേഷം ആ വിന്‍ഡോവില്‍ തന്നെ മുകളിലുള്ള View എന്ന ലിങ്കില്‍ ക്ലിക്ക് ചെയ്താല്‍ ടെമ്പ്ലേറ്റ് കോഡ് ഓപ്പണ്‍ ആയി വരുന്നതു കാണാം. അത് മുഴുവനായും കോപ്പി ചെയ്തു നിങ്ങളുടെ ബ്ലോഗിലെ Edit HTML കോളത്തില്‍ പേസ്റ്റ് ചെയ്തു ടെമ്പ്ലേറ്റ് സേവ് ചെയ്യുക. ഉപയോഗിക്കുന്നവര്‍ അവരുടെ ബ്ലോഗിന്റെ ഒരു ലിങ്ക് തരണേ....

Download 1 Column New Photo Blog Templates

Download 2 Column, More Gadjet New Blog Templates

Download 2 Column Simple Beautiful Blog Templates

കൂടുതല്‍ ബ്ലോഗ് ടെംപ്ലറ്റുകള്‍ക്ക് ഇവിടെ ക്ലിക്ക് ചെയ്യൂ..

നിങ്ങളുടെ ബ്ലോഗില്‍ ഇന്നത്തെ ദിവസം, മാസം, ഡേറ്റ്, വര്ഷം എന്നിവ കാണിക്കാന്‍.

2009-01-01T08:25:00.009+05:30

നിങ്ങളുടെ ബ്ലോഗില്‍ ഇന്നത്തെ ദിവസം, മാസം, ഡേറ്റ്, വര്ഷം എന്നിവ കാണിക്കുന്നതിനുള്ള ഒരു കലണ്ടര്‍ നല്‍കാം. താഴെ കാണുന്ന കോഡ് കോപ്പി ചെയ്തെടുത്തു നിങ്ങളുടെ ബ്ലോഗിലെ Html/Javascript കോളത്തില്‍ പേസ്റ്റ് ചെയ്തു സേവ് ചെയ്യുക. ഇനി ബ്ലോഗ് കണ്ടു നോക്കൂ. മേല്‍പറഞ്ഞ കലണ്ടറിന്റെ കളര്‍ മാറ്റണമെങ്കില്‍ കോഡിലെ color="red" എന്നത് മാറ്റി ആവശ്യമായ Color Name നല്കുക. ഇതിന്റെ വലുപ്പം വ്യത്യാസപ്പെടുത്താന്‍ size="2" എന്നത് വ്യത്യാസപ്പെടുത്തുക.

<a style="text-decoration: none;" href="http://indradhanuss.blogspot.com/" target="_blank"> <script language="JavaScript">  </script></a>

ബ്ലോഗില്‍ വിവിധ രീതിയിലുള്ള ലിസ്റ്റുകള്‍ നല്‍കാന്‍.

2008-12-30T22:10:00.001+05:30

നമ്മള്‍ മൈക്രോസോഫ്റ്റ് വേര്‍ഡില്‍ (Microsoft Word) ചില കാര്യങ്ങള്‍ വിവരിക്കുമ്പോള്‍ അതില്‍ ക്രമപ്രകാരം ഒന്നിന് താഴെ ഒന്ന് എന്ന രീതിയില്‍ ബുള്ളെറ്റ് (Bullets) ഉപയോഗിച്ചും ഇംഗ്ലീഷ് അക്ഷരങ്ങള്‍ നല്‍കിയും അക്കങ്ങള്‍ നല്‍കിയും ഒക്കെ ചില ഭാഗങ്ങള്‍ വിശദീകരിക്കാറുണ്ടല്ലോ. അത് പോലെ ബ്ലോഗ് പോസ്റ്റിലോ അല്ലെങ്കില്‍ Html / javascript കോളത്തിലോ ഇത്തരത്തില്‍ ചെയ്യാനുള്ള Html സൂത്രം താഴെ കാണൂ. അത്തരത്തിലുള്ള വിവിധ രീതിയിലുള്ള കുറച്ചു (Lists) ലിസ്റ്റുകളുടെ ഉദാഹരണവും അവയുടെ കോഡുകളും താഴെ കാണാം. അതില്‍ നിങ്ങള്‍ക്കാവശ്യമായ ലിസ്റ്റുകളുടെ കോഡുകള്‍ കോപ്പി ചെയ്തെടുത്തു അതില്‍ ചുവന്ന നിറത്തിലുള്ള വാക്കുകള്‍ക്കു പകരം നിങ്ങള്ക്ക് എന്താണോ ആ രീതിയില്‍ (List) ബ്ലോഗ് പോസ്റ്റില്‍ / ജാവാസ്ക്രിപ്റ്റ്‌ കോളത്തില്‍ ഡിസ്‌പ്ലേ ചെയ്യിക്കേണ്ടത്, അത് നല്കുക.
ബ്ലോഗ് പോസ്റ്റിലാണ് ഈ രീതിയില്‍ ചെയ്യുന്നതെങ്കില്‍, പോസ്റ്റ് ചെയ്യുന്ന കോളത്തിന്റെ വലതു മുകളിലായുള്ള Html രീതി തിരഞ്ഞെടുത്തു നിങ്ങളുടെ പോസ്റ്റിലെ ഏത് ഭാഗത്താണ് / ഏത് പാരഗ്രാഫിനു ശേഷമാണ് ഈ രീതിയല്‍ ലിസ്റ്റുകള്‍ ചെയ്യേണ്ടത് എന്ന് കണ്ടെത്തി അവിടെയായിരിക്കണം ഈ കോഡ് നല്‍കേണ്ടത്.
(ഈ ബ്ലോഗടക്കം ചില ബ്ലോഗുകളില്‍ ഇത്തരത്തിലുള്ള ചില ലിസ്റ്റുകള്‍ ശരിയായ രീതിയില്‍ ഡിസ്‌പ്ലേ ചെയ്യാറില്ല. അവയുടെ ടെമ്പ്ലെറ്റുമായി ബന്ധപ്പെട്ട പ്രശ്നങ്ങളാണ് കാരണം എന്നാണു മനസ്സിലാക്കാന്‍ കഴിഞ്ഞത്. ബ്ലോഗ് ടിപ്സുകളുടെ കൂട്ടത്തില്‍ ഇതും പോസ്റ്റ് ചെയ്തു എന്ന് മാത്രം. ഇതു ശരിയായി കാണിക്കാന്‍ വേണ്ടി എന്റെ ബ്ലോഗിന്റെ ടെമ്പ്ലേറ്റ് മാറ്റാന്‍ ഒക്കില്ല കേട്ടോ....ക്ഷമിക്കുക.)

Square Bullets list

ലിസ്റ്റ് : 1
ലിസ്റ്റ് : 2
ലിസ്റ്റ് : 3
ലിസ്റ്റ് : 4

മുകളിലെ ലിസ്റ്റിന്റെ കോഡ് താഴെ
<h4>ലിസ്റ്റ് ഹെഡിംഗ് ഇവിടെ</h4>
<ol type="square">
<li>ലിസ്റ്റ് : 1</li>
<li>ലിസ്റ്റ് : 2</li>
<li>ലിസ്റ്റ് : 3</li>
<li>ലിസ്റ്റ് : 4</li>
</ol>

Disc Bullets list:

ലിസ്റ്റ് : 1
ലിസ്റ്റ് : 2
ലിസ്റ്റ് : 3
ലിസ്റ്റ് : 4

മുകളിലെ ലിസ്റ്റിന്റെ കോഡ് താഴെ
<h4>ലിസ്റ്റ് ഹെഡിംഗ് ഇവിടെ </h4>
<ol type="disc">
<li>ലിസ്റ്റ് : 1</li>
<li>ലിസ്റ്റ് : 2</li>
<li>ലിസ്റ്റ് : 3</li>
<li>ലിസ്റ്റ് : 4</li>
</ol>

Circle Bullets list:

ലിസ്റ്റ് : 1
ലിസ്റ്റ് : 2
ലിസ്റ്റ് : 3
ലിസ്റ്റ് : 4

മുകളിലെ ലിസ്റ്റിന്റെ കോഡ് താഴെ
<h4>ലിസ്റ്റ് ഹെഡിംഗ് ഇവിടെ</h4>
<ol type="circle">
<li>ലിസ്റ്റ് : 1</li>
<li>ലിസ്റ്റ് : 2</li>
<li>ലിസ്റ്റ് : 3</li>
<li>ലിസ്റ്റ് : 4</li>
</ol>

Lowercase Letters list:

ലിസ്റ്റ് : 1
ലിസ്റ്റ് : 2
ലിസ്റ്റ് : 3
ലിസ്റ്റ് : 4

മുകളിലെ ലിസ്റ്റിന്റെ കോഡ് താഴെ
<h4>ലിസ്റ്റ് ഹെഡിംഗ് ഇവിടെ</h4>
<ol type="a">
<li>ലിസ്റ്റ് : 1</li>
<li>ലിസ്റ്റ് : 2</li>
<li>ലിസ്റ്റ് : 3</li>
<li>ലിസ്റ്റ് : 4</li>
</ol>

Letters List:

ലിസ്റ്റ് : 1
ലിസ്റ്റ് : 2
ലിസ്റ്റ് : 3
ലിസ്റ്റ് : 4

മുകളിലെ ലിസ്റ്റിന്റെ കോഡ് താഴെ
<h4>ലിസ്റ്റ് ഹെഡിംഗ് ഇവിടെ</h4>
<ol type="A">
<li>ലിസ്റ്റ് : 1</li>
<li>ലിസ്റ്റ് : 2</li>
<li>ലിസ്റ്റ് : 3</li>
<li>ലിസ്റ്റ് : 4</li>
</ol>

An Unordered List:

ലിസ്റ്റ് : 1
ലിസ്റ്റ് : 2
ലിസ്റ്റ് : 3

മുകളിലെ ലിസ്റ്റിന്റെ കോഡ് താഴെ
<h4>ലിസ്റ്റ് ഹെഡിംഗ് ഇവിടെ</h4>
<ul>
<li>ലിസ്റ്റ് : 1</li>
<li>ലിസ്റ്റ് : 2</li>
<li>ലിസ്റ്റ് : 3</li>
</ul>

An Ordered List:

ലിസ്റ്റ് :
ലിസ്റ്റ് :
ലിസ്റ്റ് :

മുകളിലെ ലിസ്റ്റിന്റെ കോഡ് താഴെ
<h4>ലിസ്റ്റ് ഹെഡിംഗ് ഇവിടെ</h4>
<ol>
<li>ലിസ്റ്റ് : 1</li>
<li>ലിസ്റ്റ് : 2</li>
<li>ലിസ്റ്റ് : 3</li>
</ol>

ബ്ലോഗ് ബാക്ക് ഗ്രൗണ്ടില്‍ (Back Ground) ചിത്രങ്ങള്‍ നല്‍കാന്‍.

2008-12-30T00:13:00.001+05:30

നിങ്ങളുടെ ബ്ലോഗിന്റെ ബാക്ക് ഗ്രൗണ്ടില്‍ നിങ്ങള്‍ തിരഞ്ഞെടുക്കുന്ന നിങ്ങള്‍ക്കിഷ്ട്ടപ്പെട്ട ചിത്രങ്ങള്‍ നല്‍കാന്‍ താഴെ കാണുന്ന കോഡ് കോപ്പി ചെയ്തെടുത്തു നിങ്ങളുടെ ബ്ലോഗിലെ Html / Javascript കോളത്തില്‍ പേസ്റ്റ് ചെയ്യുക. അതില്‍ ചുവന്ന നിരത്തില്‍ കാണുന്ന http://i67.photobucket.com/albums/h292/carvia/tile72.jpg എന്നത് മാറ്റി നിങ്ങള്‍ക്കിഷ്ട്ടപ്പെട്ട ചിത്രത്തിന്റെ URL കോഡ് നല്‍കിയതിനുശേഷം സേവ് ചെയ്യുക. (ചിത്രങ്ങളുടെ URL കോഡ് ലഭിക്കണമെങ്കില്‍ bloggar ലോ, Photobucket ലോ നിങ്ങള്‍ക്കിഷ്ട്ടപ്പെട്ട ചിത്രങ്ങള്‍ അപ്-ലോഡ് ചെയ്‌താല്‍ മതി. അവിടെ നിന്നും, നിങ്ങള്‍ അപ്-ലോഡ് ചെയ്ത ചിത്രത്തിന്റെ URL കോഡ് ലഭിക്കും.)

( ഉദാഹരണമായി, എന്റെ ബ്ലോഗില്‍ ഞാന്‍ മേല്‍പ്പറഞ്ഞ പോലെ ചെയ്‌താല്‍, ബ്ലോഗ് താഴെയുള്ള ചിത്രത്തിലേതുപോലെയാണ് കാണാന്‍ കഴിയുന്നത്‌.)

<style type="text/css">body {background-image: url(http://i67.photobucket.com/albums/h292/carvia/tile72.jpg);}</style>

ഇത്തരത്തിലുള്ള ചില ചിത്രങ്ങളും അവയുടെ URL കോഡുകളും ഉദാഹരണമായി താഴെ കൊടുത്തിരിക്കുന്നു.

http://i67.photobucket.com/albums/h292/carvia/tile72.jpg

http://carvia.net/dandi.jpg

http://i67.photobucket.com/albums/h292/carvia/tile99.jpg

http://i146.photobucket.com/albums/r255/carolavon_photos/littlesunsback2.gif

http://i67.photobucket.com/albums/h292/carvia/summer/sun1.gif

http://i67.photobucket.com/albums/h292/carvia/spring/spinning-flower2-1.gif

http://i67.photobucket.com/albums/h292/carvia/St%20Patricks%20Day/shamrock.gif

ബ്ലോഗ് പോസ്റ്റില്‍ ചിത്രങ്ങള്‍ നല്‍കാന്‍.

2008-12-26T02:17:00.010+05:30

1 2 3 4 5 6
ബ്ലോഗ് പോസ്റ്റില്‍ ചിത്രങ്ങള്‍ പോസ്റ്റു ചെയ്യാനുള്ള സൗകര്യം ബ്ലോഗര്‍ നമുക്കു നല്‍കുന്നുണ്ട്. നിങ്ങളുടെ കമ്പ്യൂട്ടറില്‍ നിന്നോ മറ്റു വെബ് സൈറ്റ്കളില്‍ നിന്നോ ഉള്ള ചിത്രങ്ങള്‍ ഇതുപോലെ പോസ്റ്റില്‍ ഉള്‍പ്പെടുത്താം. നിങ്ങളുടെ കമ്പ്യൂട്ടറില്‍ നിന്നുമുള്ള ചിത്രങ്ങള്‍ പോസ്റ്റ് ചെയ്യാനുള്ള രീതി താഴെ കാണുക.

ആദ്യമായി നിങ്ങള്ക്ക് ബ്ലോഗില്‍ നല്‍കേണ്ട ചിത്രം കമ്പ്യൂട്ടറില്‍ നിങ്ങളുടെ ഇഷ്ടം പോലെ ഏതെങ്കിലും ഭാഗത്ത് സേവ് ചെയ്യുക. കൂടുതല്‍ സൈസ് ഉള്ള ചിത്രങ്ങള്‍ പോസ്റ്റ് ചെയ്‌താല്‍ പേജ് ലോഡ് ആകാന്‍ കൂടുതല്‍ സമയം എടുക്കുമെന്നതിനാല്‍ പരമാവധി 300Kb വരെ സൈസ് ഉള്ള ചിത്രങ്ങള്‍ ഉപയോഗിക്കുന്നതാണുചിതം. കൂടുതല്‍ സൈസ് ഉള്ള ചിത്രങ്ങള്‍ ആണെങ്കില്‍ കംപ്രസ്സ് (Compress) ചെയ്തു സൈസ് കുറക്കാനുള്ള സൈറ്റുകള്‍ / സോഫ്റ്റ്‌വെയറുകള്‍ ഉപയോഗിച്ചു അവയെ കുറഞ്ഞ സൈസിലേക്ക് മാറ്റുക. എളുപ്പത്തില്‍ ഈ രീതിയില്‍ കംപ്രസ്സ് ചെയ്യാന്‍ ചിത്രങ്ങളെ കോപ്പി ചെയ്ത് മൈക്രോസോഫ്റ്റ് വേര്‍ഡ്‌ല്‍ (Microsoft Word) പേസ്റ്റ് ചെയ്യുക. അതിന് ശേഷം ആ ചിത്രത്തില്‍ മൗസ് കഴ്സര്‍ വച്ച് അതില്‍ ക്ലിക്ക് ചെയ്ത് പിടിച്ചു ഡസ്ക് ടോപ്പിലേക്ക് വലിക്കുക (Drag). നേരത്തെ കൂടുതല്‍ സൈസ് ഉണ്ടായിരുന്ന ചിത്രം കുറഞ്ഞ രീതിയിലേക്ക് കംപ്രസ്സ് ചെയ്ത് Clip image എന്ന പേരില്‍ ടെസ്ക്ടോപില്‍ കാണാം.

ഇനി, നിങ്ങളുടെ ബ്ലോഗ് സൈന്‍ ഇന്‍ ചെയ്ത ശേഷം, മുകളില്‍ നാവിഗേഷന്‍ ബാറിന്റെ വലതു വശത്തായുള്ള New Post എന്ന ലിങ്കില്‍ ക്ലിക്ക് ചെയ്യുക. അപ്പോള്‍ നിങ്ങള്‍ താഴെ കാണുന്ന രീതിയിലുള്ള പോസ്റ്റ് ടൈപ്പ് ചെയ്യാനുള്ള പേജിലേക്കാണല്ലോ എത്തുക. അതില്‍ Compose എന്ന രീതി തിരഞ്ഞെടുത്തു നമുക്കു ചിത്രങ്ങള്‍ അപ്-ലോഡ് ചെയ്യാം. അതിനായി ആ പേജിലെ Compose എന്ന ലിങ്കില്‍ ക്ലിക് ചെയ്യുക.

ഇതില്‍ താഴെ കാണുന്ന രീതിയിലുള്ള ഒരു സൂചകം കാണാം. അതില്‍ ക്ലിക്ക് ചെയ്യുക.

ഇപ്പോള്‍ നിങ്ങള്ക്ക് ആ വിന്‍ഡോവില്‍, ചിത്രങ്ങള്‍ അപ്-ലോഡ് ചെയ്യാനുള്ള, താഴെ കാണുന്ന രീതിയിലുള്ള മറ്റൊരു ചെറിയ വിന്‍ഡോ തുറന്നു വരുന്നതു കാണാം.

അതില്‍ Choose a layout എന്നതിന് താഴെ കാണുന്ന, None, Left, Center, Right, എന്നത് നിങ്ങള്‍ പോസ്റ്റ് ചെയ്യുന്ന ചിത്രങ്ങള്‍ ബ്ലോഗിലെ പോസ്റ്റ് ഏരിയയില്‍ ഏത് ഭാഗത്തായി കാണണം എന്നുള്ളത് തിരഞ്ഞെടുക്കാനുള്ള ഭാഗമാണ്. അത് നിങ്ങള്‍ക്കിഷ്ട്ടപ്പെട്ട രീതിയില്‍ സെലക്റ്റ് ചെയ്യുക. ആ വിന്‍ഡോവില്‍ തന്നെ Image size എന്നതിന് താഴെ കാണുന്ന Small, Medium, Large എന്ന ഭാഗം നിങ്ങള്‍ പോസ്റ്റ് ചെയ്യുന്ന ചിത്രങ്ങളുടെ വലുപ്പം തിരഞ്ഞെടുക്കാനുള്ളതാണ്. അതും നിങ്ങളുടെ ഇഷ്ട്ടം പോലെ സെലക്റ്റ് ചെയ്യുക.

ഇനി ആ വിന്‍ഡോവില്‍ തന്നെ കാണുന്ന Brows എന്ന ലിങ്കില്‍ ക്ലിക് ചെയ്യുക. അപ്പോള്‍ നിങ്ങള്ക്ക് നിങ്ങളുടെ കമ്പ്യൂട്ടറിലെ ഫയലുകളുടെ വിവരങ്ങള്‍ അടങ്ങിയ /ആവശ്യമായ ഫയലുകള്‍ തിരഞ്ഞെടുക്കാനുതകുന്ന, താഴെ കാണുന്നതിന് സമാനമായ ഒരു വിന്‍ഡോ തുറന്നു വരുന്നതു കാണാം.

അതില്‍ നിന്നും നേരത്തെ നിങ്ങള്‍ എവിടെയാണോ ചിത്രങ്ങള്‍ സേവ് ചെയ്ത് സൂക്ഷിച്ചിരുന്നത്, ആ ഭാഗം തിരഞ്ഞെടുത്തു ആ ചിത്രത്തിന്റെ file name ല്‍ Duble click ചെയ്യുക. ഈ രീതിയില്‍ ചെയ്തുകഴിയുമ്പോഴേയ്ക്കും നിങ്ങള്‍ ചിത്രങ്ങള്‍ Brows ചെയ്യാനുള്ള ലിങ്കുള്ള പഴയ വിന്‍ഡോവില്‍ തന്നെ തിരിച്ചെത്തും.

ഇപ്പോള്‍ നിങ്ങള്‍ തിരഞ്ഞെടുത്ത ചിത്രം അപ്-ലോഡ് ചെയ്യാന്‍ സെലക്റ്റ് ചെയ്യപ്പെട്ടു കഴിഞ്ഞു. ആ വിന്‍ഡോവില്‍ കാണുന്ന Add another image എന്ന ലിങ്കില്‍ ക്ലിക് ചെയ്ത് ഒരേ സമയം ഇത്തരത്തില്‍ അഞ്ചു ചിത്രങ്ങള്‍ വരെ നിങ്ങള്ക്ക് അപ്-ലോഡ് ചെയ്യാം. അതിന് ശേഷം ആ വിന്‍ഡോവില്‍ കാണുന്ന Upload image എന്ന ലിങ്കില്‍ ക്ലിക്ക് ചെയ്യുക.

ഇപ്പോള്‍ നിങ്ങള്‍ നേരത്തെ തിരഞ്ഞെടുത്ത ചിത്രം നിങ്ങളുടെ ബ്ലോഗിലേക്ക് അപ്‌-ലോഡ് ചെയ്യുകയാണ് എന്ന് സൂചിപ്പിക്കുന്ന ഒരു ചെറിയ വിന്‍ഡോ കാണാം. ചിത്രം അപ്-ലോഡ് ചെയ്ത് കഴിഞ്ഞാല്‍ താഴെ കാണുന്ന രീതിയില്‍ ഒരു വിന്‍ഡോ കാണാം.

അതില്‍ DONE എന്ന ഭാഗത്ത് ക്ലിക് ചയ്യുക. ഇപ്പോള്‍ നിങ്ങളുടെ ബ്ലോഗിലെ പോസ്റ്റ് ചെയ്യാനുള്ള ഭാഗത്ത് നിങ്ങള്‍ നേരത്തെ തിരഞ്ഞെടുത്ത ചിത്രം കാണാം. പോസ്റ്റ് കോളത്തിനു മുകളിലുള്ള Edit Html എന്ന ലിങ്കില്‍ ക്ലിക് ചെയ്താല്‍ നിങ്ങള്‍ അപ്-ലോഡ് ചെയ്ത ചിത്രത്തിന്റെ Html കോഡ് ആയിരിക്കും പോസ്റ്റ് കോളത്തില്‍ കാണുക. അത് കോപ്പി ചെയ്തെടുത്ത് പോസ്റ്റ് കോളത്തിലെ ടെക്സ്റ്റ്‌കള്‍ക്കിടയില്‍ നല്‍കിയാല്‍ ചിത്രം ആ രീതിയിലായിരിക്കും കാണുക.

അതായത് നിങ്ങള്‍ പോസ്റ്റില്‍ ഒരു ലേഖനം എഴുതുന്നു എന്ന് വയ്ക്കുക. അതില്‍ ഏതെങ്കിലും ഒരു പാരഗ്രാഫിനു താഴെ അല്ലെങ്കില്‍ പത്താമത്തെ വരിക്കു താഴെയായാണ് ചിത്രം വരേണ്ടതെങ്കില്‍ നേരത്തെ പറഞ്ഞ പോലെ Html രീതി തിരഞ്ഞെടുത്ത് മേല്‍പ്പറഞ്ഞ കോഡ് കോപ്പി ചെയ്തെടുത്ത് അവിടെ നല്കുക. ഇനി Publish Post എന്ന ലിങ്കില്‍ ക്ലിക് ചെയ്ത് പോസ്റ്റ് പബ്ലിഷ് ചെയ്തശേഷം നിങ്ങളുടെ ബ്ലോഗ് കണ്ടു നോക്കൂ. നേരത്തെ തിരഞ്ഞെടുത്ത ചിത്രം ഇപ്പോള്‍ ബ്ലോഗ് പോസ്റ്റില്‍ കാണാം.
1 2 3 4 5 6
ബ്ലോഗ് പോസ്റ്റില്‍ ചിത്രങ്ങള്‍ URL കോഡ് ഉപയോഗിച്ച് പ്രസിദ്ധീകരിക്കാം. Html രീതിയില്‍ ചിത്രങ്ങളുടെ URL കോഡുകള്‍ നല്കി ചിത്രങ്ങള്‍ പോസ്റ്റ് ചെയ്യാനുള്ള കാര്യങ്ങള്‍ വിശദീകരിക്കുന്ന പോസ്റ്റ് കാണാന്‍ ഇവിടെ ക്ലിക് ചെയ്യുക.

Back to TOP

ബ്ലോഗ് പോസ്റ്റില്‍ ചിത്രങ്ങള്‍ URL കോഡ് ഉപയോഗിച്ച് പ്രസിദ്ധീകരിക്കാം.

2008-12-25T01:44:00.002+05:30

ബ്ലോഗിലെ പോസ്റ്റ് ഏരിയയിലോ Html കോളത്തിലോ, ചിത്രങ്ങള്‍ അവയുടെ URL കോഡ് ഉപയോഗിച്ചു പോസ്റ്റ് ചെയ്യാനുള്ള കാര്യങ്ങളാണ് താഴെ കാണുന്നത്. പോസ്റ്റ് ഏരിയയില്‍ ആണെങ്കില്‍ Html എന്ന ഫോര്‍മാറ്റില്‍ വേണം ഇത്തരത്തിലുള്ള കാര്യങ്ങള്‍ പോസ്റ്റ് ചെയ്യാന്‍. താഴെ കാണുന്ന കോഡ്കളില്‍ പച്ച നിറത്തിലുള്ള your filename.gif (or .jpg) എന്ന വാക്കുകളുടെ സ്ഥാനത്ത്, നിങ്ങള്‍ക്കിഷ്ട്ടപ്പെട്ട ചിത്രങ്ങളുടെ URL കോഡുകള്‍ നല്കുക.ഇത്തരത്തില്‍ നല്‍കാനുള്ള ചിത്രങ്ങളുടെ URL കോഡുകള്‍ ലഭിക്കാന്‍, നിങ്ങള്‍ക്കിഷ്ട്ടമുള്ള ചിത്രങ്ങളെ ബ്ലോഗറിലോ, ഫോട്ടോ ബക്കറ്റിലോ അത് പോലുള്ള മറ്റു സൈറ്റ് കളിലോ അപ്-ലോഡ് ചെയ്യുക. title="cat"എന്നത്, ഈ രീതിയില്‍ നല്കുന്ന ചിത്രങ്ങള്‍ ഡിസ്‌പ്ലേ ചെയ്യപ്പെടുമ്പോള്‍ ആ ചിത്രങ്ങള്‍ക്ക് മുകളില്‍ കഴ്സര്‍ വച്ചാല്‍ ആ ചിത്രത്തെ കുറിച്ചു ഒരു ചെറിയ Discription തെളിഞ്ഞു വരുന്നതിനു വേണ്ടി ഉള്ള കോഡ് ആണ്. title="cat" എന്നതില്‍ cat എന്നത് മാറ്റി പകരം അവിടെ നല്കുന്ന വാക്കുകള്‍ മേല്‍പ്പറഞ്ഞ രീതിയില്‍ Discription ആയി തെളിയും. നീല നിറത്തില്‍ കാണുന്ന #8DEEEE എന്നത് ഈ രീതിയില്‍ നല്കുന്ന ചിത്രങ്ങളുടെ ബോര്‍ഡര്‍ കളറിന്റെ കോഡ് ആണ്. അത് മാറ്റി നിങ്ങള്ക്ക് ഇഷ്ട്ടപ്പെട്ട കളര്‍ കോഡ് നല്കുക.കൂടുതല്‍ കളര്‍കോഡ്കള്‍ക്ക് ഇവിടെ ക്ലിക്കൂ.

ചിത്രങ്ങള്‍ പേജിന്റെ ഇടത്ത്, മധ്യത്തില്‍, വലത്ത് എന്ന രീതിയില്‍ നല്‍കാന്‍, ഉദാഹരണമായി നല്കിയ, താഴെ കാണുന്ന മൂന്നു ചിത്രങ്ങളും അവയുടെ കോഡുകളും കാണുക.

ഇത്തരത്തില്‍ നല്കുന്ന ചിത്രങ്ങള്‍ക്ക് വിവിധ തരത്തിലുള്ള ബോര്‍ഡറുകള്‍ നല്‍കാന്‍ താഴെകാണുന്ന ഉദാഹരണങ്ങളും അവയുടെ കോഡുകളും കാണുക.

ഇത്തരത്തില്‍ നല്കുന്ന ചിത്രങ്ങളുടെ ഉയരവും വീതിയും വ്യത്യാസപ്പെടുത്താന്‍, താഴെകാണുന്ന ഉദാഹരണങ്ങളും അവയുടെ കോഡുകളും കാണുക.

പോസ്റ്റ് കണ്ടന്റ് സെപ്പറേറ്റര്‍ ( Colored lines )

2008-12-23T16:40:00.013+05:30

മൈക്രോസോഫ്റ്റ് വേര്‍ഡ്‌ (Microsoft Word) ഉപയോഗിക്കുമ്പോള്‍ നമ്മള്‍ അതില്‍ ടൈപ്പ് ചെയ്യുന്ന കാര്യങ്ങളെ വേര്‍തിരിക്കാനായി പലതരത്തിലുള്ള വരകള്‍ (lines) ഉപയോഗിക്കാറുണ്ടല്ലോ? അതുപോലെ, ബ്ലോഗ് പോസ്റ്റില്‍ വിശദീകരിക്കുന്ന കാര്യങ്ങള്‍ പ്രത്യേകമായി വേര്‍തിരിക്കാന്‍ വേണ്ടിയുള്ള ചില വരകളുടെ (lines) HTML കോഡ് താഴെ കാണൂ. ഇത് HTML ടാഗുകളിലെ,<HR> ടാഗ് ഉപയോഗിച്ചാണ് ചെയ്യുന്നത്. താഴെ നിങ്ങള്ക്ക് മേല്‍പ്പറഞ്ഞ രീതിയിലുള്ള വ്യത്യസ്തങ്ങളായ lines ഉം അവയുടെ HTML കോഡുകളും കാണാം. ഈ കോഡുകള്‍ കോപ്പി ചെയ്തു, പോസ്റ്റില്‍ നിങ്ങള്‍ക്കാവശ്യമുള്ള ഭാഗത്ത് നല്കുക.(പോസ്റ്റ് ചെയ്യുന്ന രീതി കമ്പോസ് എന്നതില്‍ നിന്നും HTML എന്നതിലേക്ക് മാറ്റി വേണം ഇത് ചെയ്യാന്‍). അതിന് ശേഷം അതില്‍ ചുവന്ന നിറത്തില്‍ കാണുന്ന HTML കളര്‍ കോഡ് മാറ്റി നിങ്ങള്‍ക്കാവശ്യമുള്ള കളര്‍ കോഡ് നല്കുക. 80% എന്നത് വ്യത്യാസപ്പെടുത്തിയാല്‍ അതിനനുസരിച്ച് ഈ വരകളുടെ വലുപ്പവും വ്യത്യാസപ്പെടും. ഇവിടെ ക്ലിക്കിയാല്‍ HTML കളര്‍ കോഡ് കാണാം.

കമന്റിന്റെ കൂടെ മറ്റൊരു ബ്ലോഗിന്റെ / ബ്ലോഗ് പോസ്റ്റിന്റെ / വെബ്സൈറ്റിന്റെ ലിങ്ക് നല്‍കാന്‍

2008-12-23T01:51:00.000+05:30

മറ്റുള്ളവരുടെ ബ്ലോഗില്‍ കമന്റ് നല്‍കുമ്പോള്‍ അതില്‍ നിങ്ങള്ക്ക് മറ്റേതെങ്കിലും ബ്ലോഗിന്റെ / ബ്ലോഗ് പോസ്റ്റിന്റെ / വെബ്സൈറ്റിന്റെ ലിങ്ക് നല്‍കാന്‍ ഉള്ള സൗകര്യം ബ്ലോഗര്‍ നല്‍കുന്നുണ്ട്. എല്ലാ HTML ടാഗുകളും കമന്റ് കോളത്തില്‍ സപ്പോര്ട്ട് ചെയ്യില്ല. വാക്കുകളെ ബോള്‍ഡ് ആക്കാനുള്ള  എന്ന ടാഗും, ഇറ്റാലിക് ആക്കുവാനുള്ള  എന്ന ടാഗും, ഹൈപ്പര്‍ ലിങ്ക് ആയി നല്കുന്ന <a href എന്ന് തുടങ്ങുന്ന ടാഗും ബ്ലോഗറിന്റെ കമന്റ് കോളത്തില്‍ സപ്പോര്‍ട്ട് ചെയ്യും. താഴെക്കാണുന്ന ഹൈപ്പര്‍ ലിങ്ക് കോഡ് കോപ്പി ചെയ്തു കമന്റ് കോളത്തില്‍ പേസ്റ്റ് ചെയ്ത ശേഷം അതില്‍ കാണുന്ന http://myloveislife.blogspot.com/ എന്ന ഭാഗം മാറ്റി, നിങ്ങള്ക്ക് നിങ്ങളുടെ കമന്റിന്റെ കൂടെ ഏത് ബ്ലോഗിന്റെ / ബ്ലോഗ് പോസ്റ്റിന്റെ / വെബ്സൈറ്റിന്റെ ലിങ്കാണോ നല്‍കേണ്ടത്, അതിന്റെ URL അഡ്രെസ്സ് നല്കുക. Your Text Here എന്നത് മാറ്റി കമന്റില്‍ ലിങ്കായി ഡിസ്‌പ്ലേ ചെയ്യേണ്ടുന്ന വാക്കും നല്കുക. ഈ രീതിയില്‍ ചെയ്ത ഒരു ലിങ്ക്, ഈ പോസ്റ്റിന്റെ താഴെയുള്ള കമന്റില്‍ നല്കിയത് കാണൂ.

<a href="http://myloveislife.blogspot.com/">Your Text Here</a>

ഡാഷ് ബോര്‍ഡും പ്രൊഫയല്‍ എഡിറ്റിങ്ങും

2008-12-16T09:26:00.003+05:30

1 2 3 4 5
ഇന്റര്‍-നെറ്റുമായി ബന്ധപ്പെട്ടുള്ള മിക്കവാറും എല്ലാവിധ സേവനങ്ങള്‍ക്കും നമ്മള്‍ ഒരു Username ഉം Password ഉം നല്കിയാണല്ലോ രജിസ്റ്റര്‍ ചെയ്യുകയും, പിന്നീട് ആവശ്യമായ കാര്യങ്ങള്‍ ചെയ്യുന്നതിലേക്കായി അത്തരം സേവനങ്ങളുടെ നമുക്കായുള്ള അക്കൌണ്ടിലേക്ക് പ്രവേശിക്കുകയും ചെയ്യുന്നത്.

ബ്ലോഗ് create ചെയ്തു കഴിഞ്ഞാല്‍ പിന്നീട് ആ ബ്ലോഗ് കാണാന്‍ ബ്രൌസറിന്റെ അഡ്രെസ്സ് ബാറില്‍ നിങ്ങളുടെ ബ്ലോഗിന്റെ URL ടൈപ്പ് ചെയ്‌താല്‍ മതി. പക്ഷെ നമ്മുടെ ബ്ലോഗില്‍ ആവശ്യമായ മാറ്റം വരുത്താന്‍ വേണ്ടി എന്ത് ചെയ്യും.?? അതിന് വേണ്ടിയാണ് ബ്ലോഗില്‍ Dashboard എന്ന സംവിധാനം. ബ്ലോഗ്ഗറിന്റെ സ്റ്റാര്‍ട്ട് പേജില്‍ നിന്നും, നേരത്തെ ബ്ലോഗ് രജിസ്റ്റര്‍ ചെയ്യുന്ന വേളയില്‍ അവിടെ നമ്മള്‍ നല്കിയ Username ഉം Password ഉം ഉപയോഗിച്ച്, നിങ്ങളുടെ ബ്ലോഗ്ഗര്‍ അക്കൌണ്ട് സൈന്‍-ഇന്‍ ( sign-in ) ചെയ്‌താല്‍ നമ്മള്‍ എത്തിച്ചേരുന്ന പേജാണ്‌ ഡാഷ് ബോര്‍ഡ് (Dashboard). ഒരു ഇ-മെയില്‍ ID ഉപയോഗിച്ചു create ചെയ്യുന്ന ബ്ലോഗുകളെ സംബന്ധിച്ച ഏതുവിധ കാര്യങ്ങളും നമുക്കു Dashboard വഴി ചെയ്യാം. അവയില്‍ പല രീതിയിലുള്ള മാറ്റം വരുത്താന്‍ Dashboard ആണ് സൌകര്യമൊരുക്കുന്നത്. ചുരുക്കത്തില്‍, ബ്ലോഗുകളില്‍ എല്ലാവിധ സെറ്റിങ്ങ്സുകളിലേക്കുമുള്ള ഒരു വാതിലാണ് Dashboard.

നിങ്ങള്‍ക്കായി ഇവിടെ ഈ സംവിധാനത്തെ കുറിച്ചു കുറച്ചു കാര്യങ്ങള്‍ പറയുകയാണ്‌.

നിങ്ങളുടെ ബ്ലോഗിന്റെ Dashboard ലേക്ക് പ്രവേശിക്കാനായി, നേരത്തെ പറഞ്ഞ http://www.blogger.com എന്ന സൈറ്റില്‍ പോകുക. അപ്പോള്‍ നേരത്തെ നമ്മള്‍ രജിസ്ട്രേഷനു വേണ്ടി ഉപയോഗിച്ച, താഴെയുള്ള ചിത്രത്തില്‍ കാണുന്ന രീതിയിലുള്ള, (അതില്‍, നമുക്കാവശ്യമുള്ള ഭാഗം മാത്രമെ നല്‍കിയിട്ടുള്ളൂ കേട്ടോ..) ബ്ലോഗറിന്റെ സ്റ്റാര്‍ട്ട് പേജിലാണ് എത്തിച്ചേരുക. ( കാലാനുസൃതമായി blogger ബ്ലോഗിന്റെ പല ഭാഗങ്ങളിലും ,കെട്ടിലും മട്ടിലും ചെറിയ മാറ്റം വരുത്തുന്നുണ്ട്.എങ്കിലും പ്രധാനമായുള്ള പലകാര്യങ്ങളും വലിയ വ്യത്യാസമില്ലാതെ തന്നെയായിരിക്കും ഉണ്ടാകുക. )
അതില്‍ മുകളില്‍ വലതു വശത്തായി കാണുന്ന (മുകളിലെ ചിത്രത്തില്‍ മാര്‍ക്ക് ചെയ്ത ഭാഗം.) Username (Email): എന്ന കോളത്തില്‍ നിങ്ങള്‍ നേരത്തെ ബ്ലോഗ് ഉണ്ടാക്കാനായി നല്കിയ ഇ-മെയില്‍ ID നല്കുക. തൊട്ടരികില്‍ കാണുന്ന Password: (?) എന്ന കോളത്തില്‍ നേരത്തെ ബ്ലോഗ് ഉണ്ടാക്കാനായി നല്കിയ പാസ്സ്‌വേര്‍ഡ്‌ നല്കുക.

ഇനി നിങ്ങള്‍ സ്ഥിരമായി ഒരു കമ്പ്യൂട്ടറില്‍ നിന്നു തന്നെയാണ് നിങ്ങളുടെ ബ്ലോഗ് തുറക്കുന്നത് എങ്കില്‍, ഓരോ പ്രാവശ്യവും ഈ രീതിയില്‍ ചെയ്യേണ്ട കാര്യമില്ല. നിങ്ങള്‍ നേരെത്തെ നല്കിയ Username ഉം Password ഉം നിങ്ങളുടെ കമ്പ്യൂട്ടര്‍ ഓര്ത്തു വയ്ക്കുന്നതിലേക്കായി Remember me (?) എന്നതിനു സമീപം കാണുന്ന ചെറിയ ചതുരത്തില്‍ ക്ലിക്ക് ചെയ്യുക. ഇതു എത്രമാത്രം സുരക്ഷിതമാണെന്നത് നിങ്ങള്‍ തീരുമാനിക്കുക. കാരണം മറ്റുള്ളവര്‍ നിങ്ങളുടെ കമ്പ്യൂട്ടറും ഇന്റര്‍നെറ്റ് കണക് ഷനും ഉപയോഗിക്കുന്നുണ്ടെങ്കില്‍ ഈ രീതി ഗുണകരമാകില്ല എന്നോര്‍ക്കുക. അതിന് ശേഷം Sign in എന്ന് കാണുന്ന വാക്കില്‍ ക്ലിക്ക് ചെയ്യുക.

ഇപ്പോള്‍ നിങ്ങള്‍, നിങ്ങളുടെ ബ്ലോഗിന്റെ, താഴെ കാണുന്ന രീതിയിലുള്ള (ഇതെന്റെ dashboard ആണ് കേട്ടോ.) dashboard-ല്‍ ആണുള്ളത്.
ഇവിടെ നിങ്ങളുടെ ബ്ലോഗുകളുടെ ലിസ്റ്റുകള്‍ക്കൊപ്പം ഇതുവരെയായി ബ്ലോഗില്‍ എത്ര പോസ്റ്റുകള്‍ ചെയ്തു , അവസാനമായി പോസ്റ്റ് പബ്ലിഷ് ചെയ്തത് എന്നാണ് എന്നതിനൊപ്പം, മറ്റു ചില ലിങ്കുകളും (ഉദാഹരണത്തിന് താഴെയുള്ള ചിത്രം കാണൂ.) കാണാം. അവ ഓരോന്നും പ്രത്യേകമായി പരിചയപ്പെടാം.
New post -: ഇതില്‍ ക്ലിക്ക് ചെയ്‌താല്‍ നിങ്ങള്ക്ക് നിങ്ങളുടെ ബ്ലോഗില്‍ പുതുതായി ഒരു പോസ്റ്റ് നല്‍കാന്‍ കഴിയും. പോസ്റ്റു ചെയ്യുന്നതിനെ കുറിച്ചു വിശദമായി ഇവിടെ പറഞ്ഞിട്ടുണ്ട്.

Edit Posts -: ഇതുപയോഗിച്ച് നിങ്ങള്‍ നിങ്ങളുടെ ബ്ലോഗില്‍ പബ്ലിഷ് ചെയ്തതോ, കഴിഞ്ഞ അധ്യായത്തില്‍ പറഞ്ഞ പോലെ ഡ്രാഫ്റ്റ് ഫോള്‍ഡറില്‍ സേവ് ചെയ്തു വച്ചതോ ആയ പോസ്റ്റുകളില്‍ ആവശ്യമായ മാറ്റം (edit) വരുത്താം. മേല്‍പറഞ്ഞ ലിങ്കില്‍ ക്ലിക്ക് ചെയ്‌താല്‍,നിങ്ങള്‍ ആ ബ്ലോഗില്‍ ഇതുവരെ നല്കിയ പോസ്റ്റുകളുടെ ഒരു ലിസ്റ്റ് ഉള്ള പേജിലാണ് എത്തുക. അതില്‍ നേരത്തെ നല്കിയ പോസ്റ്റുകള്‍ edit ചെയ്യാനും dilete ചെയ്യാനുമുള്ള സൌകര്യങ്ങള്‍ കാണാം.

Settings -: ഇതു ബ്ലോഗിന്റെ പല വിധത്തിലുള്ള സെറ്റിങ്ങ്സുകള്‍ക്കുള്ള ലിങ്ക് ആണ്. മുന്പ് മറ്റൊരധ്യായത്തില്‍ ഇതിനെ കുറിച്ചു വിശദീകരിച്ചിട്ടുണ്ട്. അത് കാണാന്‍, ഇവിടെ വരെ ഒന്നു പോകൂ...

Layout -: ഇവിടെ ക്ലിക് ചെയ്‌താല്‍ ബ്ലോഗിന്റെ Add and Arrange Page Elements പേജിലാണ് എത്തിച്ചേരുന്നത്. ഇതുവഴി, ബ്ലോഗര്‍ ബ്ലോഗില്‍ നല്കുന്ന വിവിധങ്ങളായ സേവനങ്ങളെ / സൌകര്യങ്ങളെ (പോസ്റ്റ്, എച്ച് ടി എം എല്‍ ജാവാ സ്ക്രിപ്റ്റുകള്‍, ഗാഡ്ജെറ്റുകള്‍, ബ്ലോഗ് ടൈറ്റില്‍ , നാവിഗേഷന്‍ ബാര്‍ തുടങ്ങിയവ.) ബ്ലോഗില്‍ കൂട്ടിചേര്‍ക്കുവാനും, എഡിറ്റ് ചെയ്യുവാനും, ബ്ലോഗില്‍ ഉപയോഗിക്കുന്ന മുറയ്ക്ക്‌, ആവശ്യമെങ്കില്‍ സ്ഥാനം മാറ്റിയും മറ്റു പലവിധത്തിലും നമ്മുടെ ഇഷ്ട്ടാനുസരണം ക്രമീകരിച്ചു ബ്ലോഗില്‍ ഡിസ്‌പ്ലേ ചെയ്യിക്കാം. ഇതിനെക്കുറിച്ച്‌ കൂടുതല്‍ ഇവിടെ വിശദീകരിച്ചിട്ടുണ്ട്.

View Blog -: ഈ ലിങ്ക് ഉപയോഗിച്ചു നിങ്ങള്ക്ക് നിങ്ങളുടെ ബ്ലോഗ് സൈന്‍ ഇന്‍ ചെയ്ത രീതിയില്‍ കാണാം.(സൈന്‍ ഇന്‍ ചെയ്തു മാത്രമെ ബ്ലോഗില്‍ ആവശ്യമായ മാറ്റങ്ങള്‍ വരുത്താന്‍ കഴിയൂ.)

Hide -: ഡാഷ്ബോര്‍ഡില്‍ ബ്ലോഗിന്റെ പേരിനു സമീപമായി Hide എന്ന ഒരു ലിങ്ക് കാണാം. അതില്‍ ക്ലിക്ക് ചെയ്‌താല്‍ ആ ബ്ലോഗിനെ കുറിച്ചുള്ള വിവരണം ഡാഷ്ബോര്‍ഡില്‍ നിന്നും അപ്രത്യക്ഷമായതായി കാണാം. തല്‍ക്കാലത്തേക്ക് അത് ഡാഷ്ബോര്‍ഡില്‍ നിന്നും മാറ്റിനിര്‍ത്തി എന്നെ ഉള്ളൂ. പിന്നീട് നിങ്ങള്ക്ക് ആ ബ്ലോഗിനെകുറിച്ചുള്ള വിവരണം സ്ഥിരമായി അവിടെ കാണണം എന്നുണ്ടെങ്കില്‍, താഴെയായി കാണുന്ന Show all എന്ന ലിങ്കില്‍ ക്ലിക്ക് ചെയ്തു, നേരത്തെ ഹൈഡ് ആയ ബ്ലോഗിന്റെ വിവരണത്തിന് സമീപം കാണുന്ന Always show എന്ന ലിങ്കില്‍ ക്ലിക്ക് ചെയ്‌താല്‍ മതി. ഒരു ഇ-മെയില്‍ വിലാസം ഉപയോഗിച്ച് കൂടുതല്‍ ബ്ലോഗ് create ചെയ്യുന്നവര്‍‌, ഈ സേവനം ഉപയോഗിച്ച്, വല്ലപ്പോഴും മാത്രം പോസ്റ്റ് ഇടുന്ന ബ്ലോഗിനെ ഇത്തരത്തില്‍ താല്‍ക്കാലികമായി ഡാഷ്ബോര്‍ഡില്‍ നിന്നും മാറ്റി നിര്‍ത്തുകയും, സ്ഥിരമായി പോസ്റ്റ് നല്കുന്ന ബ്ലോഗിനെ അവിടെ ഡിസ്‌പ്ലേ ചെയ്യിക്കുകയും ചെയ്യുന്നതായിരിക്കും കൂടുതല്‍ സൗകര്യം.

Edit Profile -: ഇതു നിങ്ങളുടെ ബ്ലോഗിന്റെ Profile എഡിറ്റു ചെയ്യാനുള്ള പേജിലേക്കുള്ള ലിങ്ക് ആണ്. ഇവിടെ ക്ലിക് ചെയ്‌താല്‍ നിങ്ങള്‍ നിങ്ങളുടെ Profile എഡിറ്റു ചെയ്യാനുള്ള താഴെ കാണുന്ന ചിത്രത്തിന് സമാനമായ Edit User Profile എന്ന ഒരു പേജിലാണ് എത്തിച്ചേരുക. അതിലുള്ള മുഴുവന്‍ കാര്യങ്ങളും പൂരിപ്പിക്കണമെന്നില്ല. അത് കൊണ്ടുതന്നെ അതില്‍ പ്രധാനപ്പെട്ട ചില കാര്യങ്ങളെക്കുറിച്ച് താഴെ വിവരിച്ചിരിക്കുന്നു.
Share my Profile -: ഇതിന് നേരെയുള്ള കോളത്തില്‍ ടിക്ക് ചെയ്‌താല്‍ മാത്രമെ മറ്റുള്ളവര്‍ക്ക് നിങ്ങളുടെ Profile കാണാനുള്ള സൗകര്യം നല്‍കപ്പെടുകയുള്ളൂ. ഇങ്ങിനെ ചെയ്‌താല്‍ ബ്ലോഗില്‍ View My Compleate Profile എന്ന ഒരു ലിങ്ക് കാണാം. സന്ദര്‍ശകര്‍ക്ക് നിങ്ങളുടെ Profile കാണിച്ചുകൊടുക്കാന്‍ താല്‍പ്പര്യമില്ലെങ്കില്‍ ആ കോളത്തില്‍ ടിക് ചെയ്യാതിരിക്കുക.

Show my real name -: ഇതിന് നേരെയുള്ള കോളത്തില്‍ ടിക്ക് ചെയ്യുന്നതിലൂടെ, ഈ പേജില്‍ തന്നെ താഴെയായി നിങ്ങളുടെ First name ഉം Last name ഉം നല്‍കാനുള്ള കോളം കാണുന്നില്ലേ? അവിടെ നല്കുന്ന പേരുകളാണ് നിങ്ങളുടെ പ്രൊഫൈല്‍ പേജില്‍ / ബ്ലോഗില്‍ ഡിസ്‌പ്ലേ ചെയ്യപ്പെടുക. ഈ കോളത്തില്‍ ടിക്ക് ചെയ്യാതിരുന്നാല്‍ നിങ്ങളുടെ പ്രൊഫൈല്‍ പേരായിരിക്കും (തൂലികാ നാമം) മറ്റുള്ളവര്‍ക്ക് കാണാന്‍ കഴിയുക.

Show my email address -: ഇതിന് നേരെയുള്ള കോളത്തില്‍ ടിക്ക് ചെയ്യുന്നതിലൂടെ നിങ്ങളുടെ ബ്ലോഗ് create ചെയ്യാന്‍ ഉപയോഗിച്ച ഇ-മെയില്‍ വിലാസം നിങ്ങളുടെ പ്രൊഫൈല്‍ പേജില്‍ കാണാം. ബ്ലോഗ് വായിക്കുന്നവര്‍ക്ക് ആവശ്യമെങ്കില്‍ നിങ്ങളെ ഇ-മെയില്‍ വഴി ബന്ധപ്പെടാന്‍ ഈ രീതി സഹായകമാകും.

Show my blogs -: നിങ്ങള്ക്ക് ഒന്നിലധികം ബ്ലോഗുകള്‍ ഉണ്ടെങ്കില്‍ ആവശ്യമുള്ള ബ്ലോഗുകളെ മാത്രം പ്രൊഫൈല്‍ പേജില്‍ ഡിസ്‌പ്ലേ ചെയ്യിക്കാനാണീ സൗകര്യം. അവിടെയുള്ള Select blogs to display എന്ന ലിങ്കില്‍ ക്ലിക്ക് ചെയ്തു ഏതൊക്കെ ബ്ലോഗുകള്‍ മറ്റുള്ളവര്‍ക്ക് കാണാനായി പ്രൊഫൈല്‍ പേജില്‍ ഡിസ്‌പ്ലേ ചെയ്യിക്കണമെന്ന് തീരുമാനിക്കുക. നിങ്ങള്‍ അവിടെ തിരഞ്ഞെടുത്ത ബ്ലോഗുകള്‍ മാത്രമെ പിന്നീട് പ്രൊഫൈല്‍ പേജില്‍ കാണാന്‍ കഴിയൂ.

Email address -: നിങ്ങളുടെ ബ്ലോഗ് ഉണ്ടാക്കിയ ഇ-മെയില്‍ അക്കൌണ്ട് ആണിത്. ഇതില്‍ മാറ്റം വരുതാതിരിക്കുക.

Display name -: ഇതു നിങ്ങളുടെ തൂലികാ ( Profile Name ) നാമമാണ്. നേരത്തെ ബ്ലോഗ് create ചെയ്യുന്ന സമയത്തു നല്കിയ പ്രൊഫൈല്‍ പേരില്‍ മാറ്റം വരുത്തണമെങ്കില്‍ ഇവിടെയാണത് ചെയ്യേണ്ടത്.

First Name, Last Name -: ഇതു നിങ്ങളുടെ യഥാര്‍ത്ഥ പേര് നല്‍കാനുള്ള കോളമാണ്. ആവശ്യമെങ്കില്‍ എഴുതുക. ഇവിടെ നിങ്ങള്‍ നല്കുന്ന പേരാണ്, മുകളില്‍ കാണുന്ന Show my real name എന്ന കോളത്തില്‍ ടിക്ക് ചെയ്‌താല്‍ പ്രൊഫൈല്‍ പേജില്‍ / ബ്ലോഗില്‍ ഡിസ്‌പ്ലേ ചെയ്യപ്പെടുക.

Photo URL -: ഇവിടെ നിന്നും നിങ്ങള്ക്ക് നിങ്ങളുടെ ബ്ലോഗിലേക്കായുള്ള ഒരു പ്രൊഫൈല്‍ ഫോട്ടോ തിരഞ്ഞെടുക്കാം. നിങ്ങളുടെ പ്രൊഫൈല്‍ പേരിനൊപ്പം ഫോട്ടോ കൂടി നല്‍കിയാല്‍ ബ്ലോഗ് സന്ദര്‍ശിക്കുന്നവര്‍ക്ക് എളുപ്പത്തില്‍ നിങ്ങളെ ഓര്‍ത്തുവയ്ക്കാന്‍ കഴിയും. ഒരേ പ്രൊഫൈല്‍ നാമമോ, സമാനമായ പേരോ മറ്റൊരാള്‍ ബ്ലോഗ് ചെയ്യാന്‍ ഉപയോഗിക്കുകയാണെങ്കില്‍ പ്രൊഫൈല്‍ ചിത്രം നോക്കി മറ്റുള്ളവര്‍ക്ക് ഓരോരുത്തരെയും വെവ്വേറെ തിരിച്ചറിയാന്‍ ഇതുവഴി സാധിക്കും.നിങ്ങളുടെ കമ്പ്യൂട്ടറില്‍ നിന്നോ ഏതെങ്കിലും വെബ്സൈറ്റ്ല്‍ നിന്നോ ഫോട്ടോ അപ്-ലോഡ് ചെയ്യാം.

ഇനിയുള്ളത് നിങ്ങളുടെ വ്യക്തിപരമായ വിവരങ്ങള്‍ നല്‍കാനുള്ള കോളങ്ങളാണ്. നിങ്ങള്‍ ഈ പേജില്‍ നല്കുന്ന വിവരങ്ങള്‍ ഒക്കെയും നിങ്ങളുടെ പ്രൊഫൈല്‍ പേജില്‍ സന്ദര്‍ശകര്‍ക്ക് കാണാം എന്നതിനാല്‍, എന്തൊക്കെ വിവരങ്ങള്‍ ഏതൊക്കെ രീതിയില്‍ ഏതൊക്കെ കോളങ്ങളില്‍ നല്‍കണം നെല്കേണ്ട എന്നത് നിങ്ങള്‍തന്നെ തീരുമാനിക്കുക. ആവശ്യമെങ്കില്‍ വേണ്ടരീതിയില്‍ പൂരിപ്പിച്ചശേഷം SAVE PROFILE എന്നുകാണുന്നിടത്ത് ക്ലിക്ക് ചെയ്തു ഇതുവരെ ചെയ്ത കാര്യങ്ങള്‍ സേവ് ചെയ്യുക. ശേഷം തിരിച്ചു ഡാഷ്ബോര്‍ഡില്‍ എത്തിച്ചേരാനായി ആ പേജിന്റെ മുകളില്‍ കാണുന്ന Dashboard എന്ന ലിങ്കില്‍ ക്ലിക്ക് ചെയ്യുക. ഇതുമായി ബന്ധപ്പെട്ട് ഇത്രയൊക്കെയാണ് ഉള്ളത്. എന്നാല്‍,അടുത്തതായി ഇനി നമുക്കു ഒരു പോസ്റ്റ് (Post) ചെയ്യാം.എന്താ?. പോസ്റ്റ് ചെയ്യുന്നതിനെക്കുറിച്ച്‌ കൂടുതലറിയാന്‍ ഇവിടെ ഒന്നു ക്ലിക്കൂ....

1 2 3 4 5

ബ്ലോഗ് ലേയൌട്ട് / അറേഞ്ച് പേജ് എലെമെന്റ്സ്

2008-12-14T01:12:00.007+05:30

1 2 3 4 5
ബ്ലോഗില്‍ മെയിന്‍ പേജില്‍ നാവിഗേഷന്‍ ബാറില്‍ വലതു വശത്തായി കാണുന്ന Customize എന്ന ലിങ്കില്‍ ക്ലിക്ക് ചെയ്തോ, Dashboard-ല്‍ നിന്നും ബ്ലോഗുകളുടെ വിവരണങ്ങള്‍ക്കൊപ്പമുള്ള View Blog എന്ന ലിങ്കില്‍ ക്ലിക്ക് ചെയ്തോ നിങ്ങളുടെ ബ്ലോഗിന്റെ Layout / Add and Arrange Page Elements എന്ന പേജില്‍ എത്താം.
ഇതുവഴി, ബ്ലോഗര്‍ ബ്ലോഗില്‍ നല്കുന്ന വിവിധങ്ങളായ സേവനങ്ങളെ / സൌകര്യങ്ങളെ (പോസ്റ്റ്, എച്ച് ടി എം എല്‍ ജാവാ സ്ക്രിപ്റ്റുകള്‍, ഗാഡ്ജെറ്റുകള്‍, ബ്ലോഗ് ടൈറ്റില്‍ , നാവിഗേഷന്‍ ബാര്‍ , ഫോണ്ട്സ് ആന്‍ഡ് കളെര്സ് , എഡിറ്റ് എച്ച് ടി എം എല്‍, പുതിയ ടെമ്പ്ലടുകള്‍ തുടങ്ങിയവ.) ബ്ലോഗില്‍ കൂട്ടിചേര്‍ക്കുവാനും, എഡിറ്റ് ചെയ്യുവാനും, ബ്ലോഗില്‍ ഉപയോഗിക്കുന്ന മുറയ്ക്ക്‌, ആവശ്യമെങ്കില്‍ സ്ഥാനം മാറ്റിയും മറ്റു പലവിധത്തിലും നമ്മുടെ ഇഷ്ട്ടാനുസരണം ക്രമീകരിച്ചു ബ്ലോഗില്‍ ഡിസ്‌പ്ലേ ചെയ്യിക്കാം.

അതുകൊണ്ടുതന്നെ, ബ്ലോഗിന്റെ ഈ ഭാഗത്തെ (Layout / Add and Arrange Page Elements) നമുക്കൊന്ന് വിശദമായി പരിചയപ്പെടാം.

Posting -: ഇതു നിങ്ങളുടെ ബ്ലോഗില്‍ പുതിയ പോസ്റ്റു ചെയ്യാനുള്ള സൗകര്യം നല്കുന്നു. ഇതിനെക്കുറിച്ച്‌ കൂടുതല്‍ കാര്യങ്ങള്‍ ഇവിടെ കാണാം.

Settings -: ഇതു ബ്ലോഗിന്റെ വിവിധ സെറ്റിങ്ങ്സുകളിലേക്കുള്ള ലിങ്ക് ആണ്. ഇതിനെക്കുറിച്ച്‌ കൂടുതല്‍ കാര്യങ്ങള്‍ ഇവിടെ പറഞ്ഞിട്ടുണ്ട്.

Pick New Template -: ഇതുവഴി നിങ്ങള്ക്ക് നിങ്ങളുടെ ബ്ലോഗില്‍ നിലവിലുള്ള ടെമ്പ്ലറ്റ് ( Template ) മാറ്റി ബ്ലോഗറിന്റെ തന്നെ മറ്റൊരു ടെമ്പ്ലറ്റ് തിരഞ്ഞെടുക്കാം. ഈ ലിങ്കില്‍ ക്ലിക്ക് ചെയ്‌താല്‍ എത്തുന്ന പേജില്‍ ബ്ലോഗ്ഗര്‍ നമ്മുടെ ബ്ലോഗിലേക്കായി, പലതരത്തിലുള്ള ടെമ്പ്ലറ്റ്കള്‍ തിരഞ്ഞെടുക്കാനുള്ള സൗകര്യം നല്‍കിയിരിക്കുന്നു. തുടക്കത്തില്‍ നമ്മള്‍ ബ്ലോഗ് നിര്‍മ്മിക്കുന്ന സമയത്തു ടെമ്പ്ലേറ്റ് തിരഞ്ഞെടുത്ത അതേ രീതി തന്നെയാണ് ഇവിടെ ഉള്ളത്. ഇവിടെ നിന്നും ആവശ്യമായ ടെമ്പ്ലറ്റ്കള്‍ തിരഞ്ഞെടുത്തു കഴിഞ്ഞാല്‍ SAVE TEMPLATE എന്ന ലിങ്കില്‍ ക്ലിക്ക് ചെയ്തു നിങ്ങള്‍ തിരഞ്ഞെടുത്ത പുതിയ ടെമ്പ്ലറ്റ് സേവ് ചെയ്യുക.
നിങ്ങള്ക്ക് ബ്ലോഗറിന്റെ ടെമ്പ്ലട്ടിനു പുറമെ മറ്റു ടെമ്പ്ലറ്റ്കളും ബ്ലോഗില്‍ ഉപയോഗിക്കാം. തുടര്‍ന്ന് വായിക്കുക.

Edit html -: ഈ ലിങ്കില്‍ ക്ലിക്ക് ചെയ്‌താല്‍ നിങ്ങളുടെ ബ്ലോഗിന്റെ ടെമ്പ്ലേറ്റ് എഡിറ്റ് ചെയ്യുവാനുള്ള സൗകര്യം നല്കുന്ന, താഴെ കാണുന്ന രീതിയിലുള്ള ഒരു പേജിലാണ് എത്തുക.
ഇതുവഴി നിങ്ങള്ക്ക് നിങ്ങളുടെ ബ്ലോഗിന്റെ നിലവിലുള്ള ടെമ്പ്ലട്ടില്‍ പലതരത്തിലുള്ള മാറ്റം വരുത്താന്‍ കഴിയും. നിങ്ങളുടെ ബ്ലോഗിന്റെ പോസ്റ്റ് , സൈഡ് ബാര്‍ , ടൈറ്റില്‍ ബാര്‍ , ലൈന്‍ സ്പേസ് തുടങ്ങി, പലകാര്യങ്ങളും, അവ ഏതൊക്കെ അളവുകളില്‍ ബ്ലോഗിന്റെ ഏതൊക്കെ ഭാഗത്ത് എങ്ങിനെയൊക്കെയായിരിക്കണമെന്നതിനെക്കുറിച്ചുള്ള നിര്‍ദേശങ്ങള്‍ Html ഫോര്‍മാറ്റില്‍ ഇവിടെ നല്കിയിരിക്കും. ഇതില്‍ ചില മാറ്റങ്ങള്‍ വരുത്തിയാല്‍ നിങ്ങളുടെ ബ്ലോഗിന്റെ മേല്‍പ്പറഞ്ഞ കാര്യങ്ങളിലടക്കം, പല ഭാഗങ്ങളും നിലവിലുള്ളതില്‍ നിന്നും വ്യത്യസ്തമാക്കാം. ഇതിന് തുനിയും മുന്പ് നിങ്ങളുടെ ബ്ലോഗിന്റെ നിലവിലുള്ള ടെമ്പ്ലേറ്റ് കോഡ് കോപ്പി ചെയ്തു ഒരു Notepad-ല്‍ സേവ് ചെയ്തു വയ്ക്കുന്നത് നല്ലതാണ്.

Html കോഡുകളെ കുറിച്ചു കൂടുതല്‍ അറിവില്ലാത്തവര്‍ ഈ ഭാഗത്തേക്ക് പോകാതിരിക്കുന്നതാണുചിതം. കാരണം, സൂക്ഷ്മതയോടെയുള്ള എഡിറ്റിംഗ് അല്ല ഇതില്‍ നടത്തുന്നതെങ്കില്‍ ചിലപ്പോള്‍ ആ ബ്ലോഗിലുള്ള കാര്യങ്ങളോ, അല്ലെങ്കില്‍ ബ്ലോഗ് തന്നെയോ നഷ്ട്ടപ്പെട്ടേക്കാം. ആവശ്യമെങ്കില്‍, ഈ കോളത്തിലുള്ള Html കോഡുകള്‍ ഡിലീറ്റ് ചെയ്ത ശേഷം, മറ്റേതെങ്കിലും സൈറ്റില്‍ നിന്നും കോപ്പി ചെയ്തെടുത്ത ടെമ്പ്ലേറ്റ് കോഡ് അവിടെ പേസ്റ്റ് ചെയ്ത് അത് സേവ് ചെയ്ത് നിലവിലുള്ള ടെമ്പ്ലേറ്റ് മാറ്റുകയുമാവാം. അത്തരത്തിലുള്ള, കൂടുതല്‍ കോളങ്ങള്‍ ഉള്ളതും നിങ്ങളുടെ ആവശ്യത്തിനുതകുന്നതുമായ ടെമ്പ്ലട്ടുകള്‍ സൌജന്യമായി നല്കുന്ന പല സൈറ്റുകളും ഉണ്ട്.

ഈ ബ്ലോഗില്‍ അത്തരം കുറച്ചു ടെമ്പ്ലട്ടുകളുടെ കോഡ് നല്‍കിയിട്ടുള്ളത് ആവശ്യമെങ്കില്‍ ഉപയോഗിക്കാം. നിലവിലുള്ള ടെമ്പ്ലറ്റ് മാറുമ്പോള്‍ ബ്ലോഗിലുള്ള പോസ്റ്റുകള്‍ ഒഴികെ, സൈഡ് ബാറില്‍ / ഗാഡ്ജെറ്റ് / ജാവാസ്ക്രിപ്റ്റ് പേജില്‍ നല്കിയ പല കാര്യങ്ങളും നഷ്ട്ടപ്പെടാന്‍ സാധ്യത ഉണ്ട്. അതുകൊണ്ട് തന്നെ ടെമ്പ്ലറ്റ് മാറുന്നതിന് മുന്പായി നിങ്ങളുടെ ബ്ലോഗിലെ സൈഡ് ബാറില്‍ / ഗാഡ്ജെറ്റ് / ജാവാസ്ക്രിപ്റ്റ് പേജില്‍ നല്‍കിയിട്ടുള്ള വിവരങ്ങള്‍ കോപ്പി ചെയ്തു, മറ്റെവിടെയെങ്കിലും സൂക്ഷിക്കുകയും, ടെമ്പ്ലറ്റ് മാറ്റിക്കഴിഞ്ഞതിനു ശേഷം ആവശ്യമായ സ്ഥലങ്ങളില്‍ പേസ്റ്റ് ചെയ്യുകയും ചെയ്യുക.

Fonts and Colors -: ഇതു , നിങ്ങളുടെ ബ്ലോഗിന്റെ വിവിധ ഭാഗങ്ങള്‍ക്ക് / ടെക്സ്റ്റുകള്‍ക്ക് അനുയോജ്യമായ നിറങ്ങള്‍ തിരഞ്ഞെടുക്കുന്നതിനും, പല ഭാഗങ്ങളില്‍ നല്‍കിയിട്ടുള്ള / നല്കുന്ന ടെക്സ്റ്റുകളുടെ വലുപ്പം ക്രമീകരിക്കുവാനുമുള്ള ലിങ്ക് ആണ്. ഈ ലിങ്കില്‍ ക്ലിക്ക് ചെയ്‌താല്‍ നിങ്ങള്‍ താഴെ കാണുന്ന രീതിയിലുള്ള ഒരു വിന്‍ഡോവില്‍ ആണ് എത്തുക.( ആ പേജിന്റെ കുറച്ചു ഭാഗം മാത്രമെ നല്‍കിയിട്ടുള്ളൂ കേട്ടോ.) നിങ്ങള്‍ തിരഞ്ഞെടുക്കുന്ന ഓരോ ടെമ്പ്ലട്ടുകള്‍ക്കും അനുസരിച്ച് വ്യത്യസ്ത മായിരിക്കും ഇവിടെ ഉള്ള നിര്‍ദേശങ്ങള്‍‍. അതായത്,ചുരുക്കം ചിലതില്‍ മുകളില്‍ പറഞ്ഞ രീതിയിലുള്ള ഒരു മാറ്റവും വരുത്താന്‍ കഴിയാത്ത തരത്തിലായിരിക്കും ( Fixed ) ടെമ്പ്ലട്ടു ഡിസൈന്‍ ചെയ്തിരിക്കുക.
ആ വിന്‍ഡോവില്‍ മുകളിലായി ഇടതു വശത്ത്, ഒരു സ്ക്രോള്‍ ബോക്സില്‍ ബ്ലോഗിന്റെ പല ഭാഗങ്ങള്ക്കും ആവശ്യമായ രീതിയില്‍ നിറങ്ങള്‍ തിരഞ്ഞെടുക്കാനുള്ള സൂചകങ്ങളോട് കൂടിയ കളര്‍ ബോക്സും, അതില്‍ തന്നെ താഴെയായി ബ്ലോഗില്‍ പല ഭാഗങ്ങളില്‍ നല്‍കിയിട്ടുള്ള / നല്കുന്ന ടെക്സ്റ്റുകളുടെ വലുപ്പം, സ്റ്റൈല്‍, ബോള്‍ഡ്നെസ്സ്, ഇറ്റാലിക്ക് രീതിയിലുള്ള വാക്കുകള്‍ എന്നിവ ക്രമീകരിക്കാനുള്ള സൌകര്യങ്ങളും കാണാം. ഇവയ്ക്കു താഴെയായി നിങ്ങളുടെ ബ്ലോഗിന്റെ പൂര്‍ണ്ണ രൂപവും (Preview) കാണാം. അവിടെ, മേല്‍പ്പറഞ്ഞ സൌകര്യങ്ങളുപയോഗിച്ചു നിങ്ങള്‍ വരുത്തുന്ന മാറ്റം അപ്പോള്‍ തന്നെ കാണാന്‍ കഴിയും. ആവശ്യമായ മാറ്റങ്ങള്‍ വരുത്തിയതിനു ശേഷം SAVE CHANGES എന്ന് കാണുന്ന വാക്കില്‍ ക്ലിക്ക് ചെയ്ത് നിങ്ങള്‍ വരുത്തിയ മാറ്റങ്ങള്‍ സേവ് ചെയ്യുക.

Add and Arrange Page Elements -: ഇതു നിങ്ങളുടെ ബ്ലോഗില്‍ നല്‍കിയിട്ടുള്ള പോസ്റ്റ്, എച്ച് ടി എം എല്‍ ജാവാ സ്ക്രിപ്റ്റുകള്‍, ഗാഡ്ജെറ്റുകള്‍, ബ്ലോഗ് ടൈറ്റില്‍, നാവിഗേഷന്‍ ബാര്‍ തുടങ്ങിയവ നിങ്ങളുടെ ( ഇവയ്ക്കെല്ലാം കൂടെ പൊതുവായി Page Elements എന്ന് പറയുന്നു ) സൌകര്യമനുസരിച്ച് സ്ഥാനം മാറ്റി ബ്ലോഗില്‍, ആവശ്യമായ ഇടങ്ങളില്‍ മാറ്റി സ്ഥാപിച്ചു ഡിസ്‌പ്ലേ ചെയ്യിക്കാം. ഇതെങ്ങിനെ ചെയ്യാം എന്ന് നോക്കാം. ഉദാഹരണത്തിന് , താഴെ ഉള്ള ചിത്രം കാണുക.
അതിലുള്ള About Me എന്ന് തുടങ്ങി Live Trafic Feed എന്നുവരെ ഉള്ള 5 കോളങ്ങളില്‍ നല്കിയ കാര്യങ്ങളും ഒന്നിന് താഴെ ഒന്നു എന്ന നിലയിലാണ് എന്റെ ഈ ബ്ലോഗിന്റെ ഇടതു വശത്തെ സൈഡ് ബാറില്‍ ദൃശ്യമാകുന്നത്. ഇതിലെ ഏറ്റവും മുകളിലെ കോളത്തില്‍ ഉള്ള About Me എന്ന ഭാഗം ബ്ലോഗിലെ സൈഡ് ബാറിന്റെ ഏറ്റവും താഴെ എന്ന രീതിയില്‍ ബ്ലോഗില്‍ ഡിസ്‌പ്ലേ ചെയ്യിക്കണമെങ്കില്‍ and Arrange Page Elements എന്ന പേജില്‍ വന്നു About Me എന്ന കോളത്തിനു മുകളില്‍ മൗസ് കഴ്സര്‍ വച്ച് ക്ലിക്ക് ചെയ്തു പിടിച്ചു, താഴേക്ക് വലിച്ചു ആവശ്യമായ സ്ഥലത്തു എത്തിക്കുക. ഇപ്പോള്‍ About Me എന്ന കോളം ഏറ്റവും താഴെയായി വന്നു നില്ക്കും. ഇനി ആ പേജിന്റെ വലതു മുകളിലായി കാണുന്ന SAVE എന്ന വാക്കില്‍ ക്ലിക്ക് ചെയ്തു ഇവിടെ വരുത്തിയ മാറ്റം സേവ് ചെയ്‌താല്‍ നമ്മള്‍ മാറ്റം വരുത്തിയ രീതിയിലായിരിക്കും അത് ബ്ലോഗില്‍ ഡിസ്‌പ്ലേ ചെയ്യുക.

ഇത്തരത്തില്‍ ആ പേജിലുള്ള ഏത് എലമെന്റുകളുടെയും സ്ഥാനം വ്യത്യാസപ്പെടുത്താം.
1 2 3 4 5

ഇനി നമുക്കു പോസ്റ്റ് ചെയ്യാം..

2008-12-11T14:52:00.006+05:30

1

2

3
ഇനി നമുക്കു പോസ്റ്റു ചെയ്യേണ്ട ഘട്ടത്തിലേക്ക് കടക്കാം. ഇപ്പോള്‍ നിങ്ങളുള്ളത്, Settings എന്ന പേജിലാണല്ലോ? അവിടെ ഇടതുവശത്ത് മുകളിലായി കാണുന്ന Posting എന്ന് ലിങ്കില്‍ ക്ലിക്ക് ചെയ്യുക.(പോസ്റ്റു ചെയ്യുന്നതിന്,മറ്റു വഴികളുമുണ്ട്.ബ്ലോഗ് തുറന്നാല്‍ മെയിന്‍ പേജില്‍ മുകളിലായി കാണുന്ന നാവിഗേഷന്‍ ബാറിന്റെ വലതുവശത്തുള്ള ന്യൂ പോസ്റ്റ് എന്ന ലിങ്കില്‍ ക്ലിക്ക് ചെയ്തോ ഡാഷ് ബോര്‍ഡില്‍ ചെന്നാല്‍, ബ്ലോഗ് വിവരണങ്ങളില്‍ കാണുന്ന New Post എന്ന ലിങ്കില്‍ ക്ലിക് ചെയ്തോ പുതിയ പോസ്റ്റ് നമുക്കു Create ചെയ്യാം. അതിനെ കുറിച്ചു പിന്നീട് പറയാം.)

ഇപ്പോള്‍ നിങ്ങള്‍ പോസ്റ്റു ചെയ്യുന്നതിന് വേണ്ടി ഉള്ള, ടൈപ്പ് ചെയ്യാനുള്ള ഒരു കോളവും മറ്റുപല അയ്ക്കണുകളും ഉള്ള, താഴെ കാണുന്ന രീതിയിലുള്ള ഒരു പേജിലാണ് എത്തിയിരിക്കുന്നത്.

ഇതില്‍ ചെയ്യേണ്ട കാര്യങ്ങള്‍, ഏതൊക്കെ രീതിയില്‍ എന്തൊക്കെ ചെയ്താലാണ് പോസ്റ്റ് ബ്ലോഗില്‍ ഡിസ്‌പ്ലേ ചെയ്യുന്നത് എന്നതിനെയൊക്കെ സംബന്ധിച്ചുളള കുറച്ചു കാര്യങ്ങളാണിവിടെ പറയുന്നത്.
അവിടെ കാണുന്ന , Title എന്ന കോളത്തിലാണ് നിങ്ങള്‍ ചെയ്യാനുദ്ധേശിക്കുന്ന ബ്ലോഗ് പോസ്റ്റിന്റെ തലക്കെട്ട്‌ നല്‍കേണ്ടത്.( മലയാളത്തിലായാല്‍ ഉചിതം. ബ്ലോഗ് അഗ്രിഗേറ്ററുകളിലും മറ്റും നിങ്ങളുടെ പോസ്റ്റ് ലിസ്റ്റ് ചെയ്യാന്‍ ഇതു സഹായകമാകും.) അതായത്, നിങ്ങളിപ്പോള്‍ വായിച്ചുകൊണ്ടിരിക്കുന്ന ഈ പോസ്റ്റിന്റെ മുകളില്‍ 'ഇനി നമുക്കു പോസ്റ്റ് ചെയ്യാം' എന്ന ഒരു തലക്കെട്ട്‌ കാണുന്നില്ലേ?, അത്, മേല്‍പ്പറഞ്ഞ Title എന്ന കോളത്തില്‍ നല്‍കിയതാണ്.

ഇനി പോസ്റ്റ് ചെയ്യേണ്ടതിലേക്കുള്ള മറ്റു ചില ക്രമീകരണങ്ങള്‍ ഏതൊക്കെ എന്ന് നോക്കാം. ടൈപ്പ് ചെയ്യാനുള്ള ആ കോളത്തിന് മുകളിലായി കുറേയേറെ അയ്ക്കണുകള്‍ കാണാം. ചില അയ്ക്കണുകള്‍ നിങ്ങള്ക്ക് മുന്പേ തന്നെ പരിചയമുണ്ടാകും. എങ്കിലും അവ ഓരോന്നിനെ കുറിച്ചും കുറച്ചു കാര്യങ്ങള്‍ പറയാം.

പോസ്റ്റ് ചെയ്യാനുള്ള കോളത്തിന്റെ വലതു മുകളില്‍ കാണുന്ന രണ്ടു ലിങ്കുകളില്‍ Compose എന്ന ലിങ്കില്‍ ക്ലിക്ക് ചെയ്യുക.(Edit Html എന്ന ലിങ്കില്‍ ക്ലിക് ചെയ്‌താല്‍ നിങ്ങള്ക്ക് Html ഫോര്‍മാറ്റില്‍ പോസ്റ്റ് ചെയ്യാം. തല്‍ക്കാലം, നമുക്കു ആ ഭാഗത്തേക്ക് പോകേണ്ട. മിക്കവാറും എല്ലാ കാര്യങ്ങളും Compose എന്ന രീതിയില്‍ തന്നെ ചെയ്യാം.)

ഇതു നിങ്ങള്‍ക്കാവശ്യമായ ഫോണ്ടുകള്‍ (Fonts) തിരഞ്ഞെടുക്കാനുള്ള ടൂള്‍ ആണ്. ഇതിലെ ടിക്മാര്‍ക്കില്‍ ക്ലിക്ക് ചെയ്തു ആവശ്യമുള്ള രീതിയിലുള്ള ഫോണ്ട് സെലക്റ്റ് ചെയ്യുക.
ഫോണ്ടിന്റെ വലുപ്പം ഏത് രീതിയില്‍ ആകണം എന്ന് തീരുമാനിക്കാനുള്ള ഐക്കണ്‍ ആണിത്. ഇതിലെ ടിക് മാര്‍ക്കില്‍ ക്ലിക്ക് ചെയ്തു ആവശ്യമായ വലുപ്പത്തിലുള്ള ഫോണ്ട് തിരഞ്ഞെടുക്കുക.
ഈ ടൂള്‍ ഉപയോഗിച്ചു ആവശ്യമെങ്കില്‍ 'ഇതുപോലെ'ഫോണ്ട് ബോള്‍ഡ് (Bold) ആക്കാം.
ഈ ഐക്കണ്‍ Italic എന്നതിനെ സൂചിപ്പിക്കുന്നു. ഇതുപയോഗിച്ച് വാക്കുകളെ 'ഇതുപോലെ ' Italic (വാക്കുകളെ ചരിഞ്ഞ രീതിയില്‍ കാണാന്‍.) രീതിയില്‍ പോസ്റ്റില്‍ നല്‍കാം.
ഫോണ്ടിന് /വാക്കുകള്‍ക്ക് 'ഇതുപോലെ' ആവശ്യമായ നിറം (Color) നല്‍കാനുള്ള ടൂള്‍ ആണിത്.ഇതുവഴി പോസ്റ്റില്‍, നിങ്ങള്‍ക്കാവശ്യമുള്ള വാക്കുകളോ, ചില പ്രത്യേക ഭാഗങ്ങളോ നിങ്ങളുടെ ഇഷ്ടാനുസരണം നിറം മാറ്റാം.
ഇത്, നിങ്ങളുടെ പോസ്റ്റില്‍ മറ്റൊരു സൈറ്റ് / ബ്ലോഗിന്റെ ലിങ്ക് നല്‍കാനുള്ള ടൂള്‍ ആണ്.അതായത് നിങ്ങളുടെ പോസ്റ്റിലെ ഏതെങ്കിലും ഒരു വാക്കില്‍ ക്ലിക് ച്യ്താല്‍ മറ്റൊരു സൈറ്റ് / ബ്ലോഗിലേക്ക് പ്രവേശിക്കാനുള്ള ഒരു ലിങ്ക് ഈ ടൂള്‍ ഉപയോഗിച്ചു ഉണ്ടാക്കാം. അതിനായി,പോസ്റ്റു ചെയ്യുന്ന പേജില്‍ നിങ്ങള്‍ ടൈപ്പ് ചെയ്തതില്‍ ഏതെങ്കിലും ഒരു വാക്കു സെലക്റ്റ് ചെയ്യുക. അതിന് ശേഷം മേല്‍പ്പറഞ്ഞ ഹൈപ്പര്‍ ലിങ്ക് ടൂള്‍ - ല്‍ ക്ലിക് ചെയ്‌താല്‍ ഒരു ചെറിയ വിന്‍ഡോ ആ പേജില്‍ പ്രത്യക്ഷപ്പെടുന്നത് കാണാം.അതില്‍ Enter URL: എന്ന കോളത്തില്‍, നിങ്ങള്ക്ക് ഏത് സൈറ്റ് / ബ്ലോഗിലെക്കാണോ മേല്‍പ്പറഞ്ഞ വാക്കില്‍ ക്ലിക് ചെയ്യുമ്പോള്‍ പ്രവേശിക്കേണ്ടത്, ആ സൈറ്റ് / ബ്ലോഗിന്റെ URL നല്കി OK എന്നതില്‍ ക്ലിക് ചെയ്യുക. ബ്ലോഗ് പോസ്റ്റ് പബ്ലിഷ് ചെയ്തു കഴിഞ്ഞാല്‍, നേരത്തെ നിങ്ങള്‍ സെലക്റ്റ് ചെയ്ത വാക്കില്‍ ക്ലിക് ചെയ്‌താല്‍ നിങ്ങള്‍ ഏത് സൈറ്റ് ന്റെ URL ആണോ നേരത്തെ നല്‍കിയിരുന്നത് ആ സൈറ്റിലേക്ക് പ്രവേശിക്കാം.
ഈ ടൂള്‍ ഉപയോഗിച്ച്, ബ്ലോഗില്‍ നിങ്ങള്‍ നല്കുന്ന പോസ്റ്റിനെ മുഴുവനായോ, അല്ലെങ്കില്‍, പോസ്റ്റിലുള്ള ഏതെങ്കിലുമൊരു വാക്കിനെയോ, ചിത്രത്തെയോ ഇടത് / മധ്യത്തില്‍ / വലത് / ഇരുവശത്തുനിന്നും ഒരുപോലെ അല്ലെങ്കില്‍ പോസ്റ്റ് ഏരിയ നിറഞ്ഞ രീതിയില്‍ (Justify) ക്രമീകരിക്കാം.
ക്രമ നമ്പര്‍ പ്രകാരം എന്തെങ്കിലും പോസ്റ്റില്‍ വിവരിക്കാനുണ്ടെങ്കില്‍ അതിനുള്ള ടൂള്‍ ആണിത്. താഴെയുള്ള ഉദാഹരണം കാണുക.

ഉദാഹരണം.
ഉദാഹരണം.

ഈ ടൂള്‍ ഉപയോഗിച്ച്, താഴെ കാണുന്ന രീതിയില്‍ Bullet ഐക്കണ്‍ നല്കി വാക്കുകളെ / വിശദീകരണങ്ങളെ വേര്‍തിരിക്കാം.

ഉദാഹരണം.
ഉദാഹരണം.

ബ്ലോഗ് പോസ്റ്റിലുള്ള ചില പ്രത്യേക പാരഗ്രാഫുകള്‍ / ഭാഗങ്ങള്‍ മറ്റു ഭാഗങ്ങളില്‍ നിന്നും വേര്‍തിരിച്ചു അല്‍പ്പം അകത്തേക്ക് തള്ളിനില്‍ക്കുന്ന രീതിയില്‍ ഡിസ്‌പ്ലേ ചെയ്യിക്കാന്‍ ഈ ടൂള്‍ ഉപയോഗിക്കുന്നു. ഈരീതിയില്‍ ചെയ്യാന്‍, പോസ്റ്റ് ചെയ്യുമ്പോള്‍ ആവശ്യമായ ഭാഗം സെലക്റ്റ് ചെയ്തു ഈ ടൂളില്‍ ക്ലിക്ക് ചെയ്‌താല്‍ മതി.
ഇത്, Spelling ശരിയാണോ എന്നറിയാനുള്ള ടൂളാണ്. മലയാളത്തില്‍ പോസ്റ്റ് ചെയ്യുമ്പോള്‍ ഇതിന്റെ ആവശ്യം മിക്കവാറും ഉണ്ടാകാറില്ല.
ഇവ, ബ്ലോഗ് പോസ്റ്റില്‍ നിങ്ങള്ക്ക് ചിത്രങ്ങള്‍ ,വീഡിയോ ഫയലുകള്‍ എന്നിവ അപ്-ലോഡ് (Up-Load) ചെയ്യാനുള്ള ടൂള്‍ ആണ്. ഇതിലുള്ള ആദ്യത്തെ ടൂള്‍ ഉപയോഗിച്ച്‌ ചിത്രങ്ങളും, രണ്ടാമതായി കാണുന്ന ടൂള്‍ ഉപയോഗിച്ച് വീഡിയോകളും പോസ്റ്റില്‍ നല്‍കാം. ഇവയിലേതിലെങ്കിലും ക്ലിക് ചെയ്‌താല്‍ തുറന്നു വരുന്ന വിന്‍ഡോവില്‍ ഉള്ള സൌകര്യങ്ങള്‍ ഉപയോഗിച്ചു നിങ്ങളുടെ കമ്പ്യൂട്ടറില്‍ നിന്നോ അല്ലെങ്കില്‍, വെബ് സൈറ്റില്‍ നിന്നോ ഉള്ള ചിത്രങ്ങള്‍ / വീഡിയോ ഫയലുകള്‍ എന്നിവ വളരെ എളുപ്പത്തില്‍ പോസ്റ്റിലേക്ക് അപ്-ലോഡ് (Up-Load) ചെയ്യാം.
ഈ ടൂള്‍ ഉപയോഗിച്ച്, ബ്ലോഗ്ഗര്‍ നിങ്ങള്ക്ക് അഞ്ചു ഇന്ത്യന്‍ ഭാഷകളില്‍ (ഹിന്ദി, കന്നഡ, മലയാളം, തമിഴ്, തെലുങ്ക്,) ബ്ലോഗ് ചെയ്യാനുള്ള സൗകര്യം നല്കുന്നു.ഈ ടൂള്‍ ലിങ്കില്‍ ക്ലിക്ക് ചെയ്തു ഏത് ഭാഷയിലാണോ പോസ്റ്റ് എഴുതേണ്ടത്, ആ ഭാഷ സെലക്റ്റ് ചെയ്യുക. (നിങ്ങള്‍ സെലക്റ്റ് ചെയ്യുന്ന ഭാഷയുടെ Font നിങ്ങളുടെ കമ്പ്യൂട്ടറില്‍ ഉണ്ടായിരിക്കണം.) അതിന് ശേഷം മംഗ്ലീഷ് രീതിയില്‍ ടൈപ്പ് ചെയ്‌താല്‍ വാക്കുകള്‍ നിങ്ങള്‍ തിരഞ്ഞെടുത്ത ഭാഷയിലേക്ക് മൊഴിമാറ്റം ചെയ്ത് ലഭിക്കും. മലയാളത്തിലേക്ക് മൊഴിമാറ്റം ചെയ്ത് കിട്ടാനാണ്‌ മംഗ്ലീഷ് ടൈപ്പിംഗ്‌ കേട്ടോ. മറ്റു ഭാഷകളില്‍ ഇതിന് എന്താ പറയുക എന്നറിയില്ല.

ഇപ്പോള്‍ പോസ്റ്റ് ചെയ്യുന്നതിലേക്കായുള്ള പലകാര്യങ്ങളും മനസ്സിലായല്ലോ? ഇനി പോസ്റ്റ് ചെയ്യാനായി, ആ പേജിലെ ടൈപ്പ് ചെയ്യാനുള്ള കോളത്തില്‍ വാക്കുകള്‍ ടൈപ്പ് ചെയ്യുകയോ, മറ്റു സ്ഥലങ്ങളില്‍ നിന്നു കോപ്പി ചെയ്തു ഇവിടെ പേസ്റ്റ് ചെയ്യുകയോ ചെയ്യുക. പോസ്റ്റ് പബ്ലിഷ് ചെയ്യുന്നതിന് മുന്പായി അതിന്റെ പ്രീവ്യൂ കാണാനായി വലത്ത് മുകളിലായി Preview എന്ന് കാണുന്ന ലിങ്കില്‍ ക്ലിക്ക് ചെയ്യുക. തൃപ്തികരമെങ്കില്‍, നിങ്ങള്‍ തയ്യാറാക്കിയ പോസ്റ്റ് ബ്ലോഗില്‍ ഡിസ്‌പ്ലേ ചെയ്യുന്നതിലേക്കായി ആ പേജിന്റെ താഴെയായി കാണുന്ന PUBLISH POST എന്ന വാക്കിനു മുകളില്‍ ക്ലിക് ചെയ്യുക.

(നിങ്ങള്ക്ക് ഇതു തല്‍ക്കാലത്തേക്ക് പബ്ലിഷ് ചെയ്യേണ്ട എന്നാണെങ്കില്‍ അതുവരെ ചെയ്ത എല്ലാകാര്യങ്ങളും നിങ്ങളുടെ ബ്ലോഗിന്റെ ഡ്രാഫ്റ്റ് ഫോള്‍ഡറില്‍ സേവ് ചെയ്തു വയ്ക്കാം. അതിനായി, പോസ്റ്റ് ടൈപ്പ് ചെയ്ത ഏരിയയ്ക്കു താഴെ കാണുന്ന SAVE NOW എന്ന വാക്കിനു മുകളില്‍ ക്ലിക് ചെയ്യുക. പിന്നീട് സൗകര്യം പോലെ, ആവശ്യമുള്ളപ്പോള്‍ edit post എന്ന ലിങ്കില്‍ ക്ലിക് ചെയ്തു, നിങ്ങള്‍ സേവ് ചെയ്തു വച്ച പോസ്റ്റ് വീണ്ടും തുറന്നു PUBLISH POST എന്ന് നല്‍കിയാല്‍ അത് ബ്ലോഗില്‍ ഡിസ്‌പ്ലേ ചെയ്തു കാണാം.)
മേല്‍പ്പറഞ്ഞ രീതിയില്‍, പോസ്റ്റ് പബ്ലിഷ് ചെയ്തു കഴിഞ്ഞതിനു ശേഷം ആ പേജിന്റെ മുകളില്‍ കാണുന്ന View Blog എന്ന ലിങ്കില്‍ ക്ലിക് ചെയ്‌താല്‍ നിങ്ങളുടെ ബ്ലോഗില്‍, നിങ്ങള്‍ നേരത്തെ തയ്യാറാക്കിയ പോസ്റ്റ് ഡിസ്‌പ്ലേ ചെയ്തു കാണാം.

എന്നാല്‍, ഇനി പോസ്റ്റു ചെയ്യുകയല്ലേ ??

ബ്ലോഗ്‌ സെറ്റിങ്ങ്സുകള്‍

2008-11-30T16:58:00.022+05:30

1

2

തല്‍ക്കാലം പോസ്റ്റ് ചെയ്യുന്നതവിടെ നില്‍ക്കട്ടെ.ബ്ലോഗില്‍ പോസ്റ്റ് ചെയ്യുന്നതിന് മുന്പായി നമുക്ക് ഇതിന്റെ സെറ്റിങ്ങ്സില്‍ കുറച്ച് മാറ്റങ്ങള്‍ വരുത്താനുണ്ട്.നിലവില്‍ ബ്ലോഗര്‍ നമുക്കായി നല്‍കിയിട്ടുള്ള സെറ്റിംഗ്സുകളില്‍ ചില ചെറിയ മാറ്റങ്ങള്‍ മാത്രമെ വരുത്താനുള്ളു.നിങ്ങള്‍ ഇപ്പോഴുള്ളത് പോസ്റ്റ് ചെയ്യാനുള്ള പേജിലാണല്ലോ. ആ പേജിന്റെ മുകളിലായി കാണുന്ന Settings എന്ന ലിങ്കില്‍ ക്ലിക് ചെയ്യുക.(സെറ്റിങ്ങ്സില്‍ പോകാന്‍ വേറെയും വഴികളുണ്ട്. അത് പിന്നാലെ മനസ്സിലാകും.)ഇപ്പോള്‍ നിങ്ങള്‍ താഴെ കാണുന്ന രീതിയിലുള്ള, ബ്ലോഗ് സെറ്റിങ്ങ്സുകളുടെ ലിങ്കുകളുള്ള ഒരു പേജിലായിരിക്കും എത്തുക.(സൌകര്യത്തിനായി ആ പേജിന്റെ പ്രധാന ഭാഗം മാത്രമെ ഉള്പ്പെടുത്തിയിട്ടുള്ളൂ..)

ഇതില്‍ Basic, Publishing, Formating, Comments, Archiving, Site Feeds, E-mails, Open ID, Permissions എന്നിങ്ങനെ വിവിധ ലിങ്കുകള്‍ കാണാം.ബ്ലോഗിന്റെ പല തരത്തിലുള്ള സെറ്റിംഗ്സുകളിലേക്ക് പ്രവേശിക്കുവാനുള്ള ലിങ്കുകളാണവ. നമുക്ക് ഓരോന്നും ഏതുരീതിയില്‍ സെറ്റ് ചെയ്യണമെന്നു നോക്കാം.

ആദ്യം Basic എന്ന ലിങ്കില്‍ ക്ലിക് ചെയ്യുക.

ഇപ്പോള്‍ ഒന്നിന് താഴെ ഒന്നായി കുറച്ച് കാര്യങ്ങള്‍ കാണാം. അതില്‍ എന്ത് മാറ്റമാണ് വരുത്തേണ്ടതെന്നു നോക്കാം.

Title -: എന്നത് സൂചിപ്പിക്കുന്നത് നിങ്ങളുടെ ബ്ലോഗിന്റെ പേരാണ്. നേരത്തെ നമ്മള്‍ ബ്ലോഗ് create ചെയ്യുന്ന സമയത്തു നിങ്ങള്‍ നല്‍കിയിരുന്ന പേരു ഇപ്പോള്‍ അവിടെ കാണാം.

Description -: എന്നത്, നിങ്ങളുടെ ബ്ലോഗിനെ കുറിച്ചു ഒരു ചെറു വിശദീകരണം നല്കുക എന്നതാണ്.ആ കോളത്തില്‍ നിങ്ങള്‍ നല്കുന്ന കാര്യങ്ങള്‍ ബ്ലോഗിന്റെ തലക്കെട്ടിനു (Title)താഴെയായി ആവശ്യമെങ്കില്‍ ഡിസ്‌പ്ലേ ചെയ്തു കാണാം.(ഈ ബ്ലോഗിന്റെ, ഇന്ദ്രധനുസ് എന്ന തലക്കെട്ടിനു താഴെ ഒരു കുറിപ്പ് കാണുന്നില്ലേ?അതുപോലെ.)

Add your blog to our listings?-: എന്നതില്‍ Yes എന്നുതന്നെ നല്കുക.

Let search engines find your blog? -: എന്നതില്‍ Yes എന്നുതന്നെ നല്കുക.

Show Quick Editing on your Blog? -: എന്നതിലും Yes എന്നുതന്നെ നല്കുക.

Show Email Post links? -: എന്നത് നിങ്ങളുടെ സൗകര്യം പോലെ നല്കുക.ഇതില്‍ Yes എന്ന് നല്‍കിയാല്‍ മറ്റുള്ളവര്‍ക്ക് നിങ്ങളുടെ ബ്ലോഗ് പോസ്റ്റുകള്‍ ഇ-മെയില്‍ ചെയാനുള്ള സൗകര്യം ഇതുവഴി ലഭിക്കും.

Adult Content? -: നിങ്ങളുടെ ബ്ലോഗില്‍ പോസ്റ്റ് ചെയ്യുന്ന കാര്യങ്ങള്‍ മുതിര്‍ന്നവര്‍ക്ക് മാത്രമായുള്ളതാണ് എങ്കില്‍, സന്ദര്‍ശകര്‍ നിങ്ങളുടെ ബ്ലോഗ് തുറക്കുമ്പോള്‍ മുന്നറിയിപ്പ് നല്‍കുന്നതിനു ഇതില്‍ Yes എന്ന് നല്‍കിയാല്‍ മതി.

Show Compose Mode for all your blogs? -: ഇതില്‍ Yes എന്ന് നല്കുക.

Enable transliteration? -: എന്നത്, Enable എന്ന് നല്‍കിയാല്‍ ഗൂഗിളിന്റെ, മൊഴിമാറ്റത്തിനുള്ള സൗകര്യം നിങ്ങളുടെ ബ്ലോഗിലും സാധ്യമാകും. Enable എന്നതിന് വലതു വശത്ത് കാണുന്ന കോളത്തിലെ ടിക് മാര്‍ക്കില്‍ ക്ലിക് ചെയ്തു മലയാളം എന്നത് വരുത്തുക. അതുവഴി നിങ്ങള്ക്ക് ബ്ലോഗ് പോസ്റ്റില്‍ മംഗ്ലീഷില്‍ ടൈപ്പ് ചെയ്യുന്ന വാക്കുകള്‍ മലയാളത്തിലേക്ക് മൊഴിമാറ്റം ചെയ്തു ലഭിക്കും.

Basic - ല്‍ ഇത്രയുമാണ് ചെയ്യാനുള്ളത്. ഇനി ആ പേജില്‍ താഴെയായി കാണുന്ന SAVE SETTINGS - ല്‍ ക്ലിക് ചെയ്തു നിങ്ങള്‍ മാറ്റം വരുത്തിയ കാര്യങ്ങള്‍ സേവ് ചെയ്യുക.

ഇനി അടുത്തതായുള്ളത് Publishing എന്ന ഭാഗമാണ്.

ഇതില്‍ നിങ്ങള്‍ കൂടുതലൊന്നും ചെയ്യാനില്ല. നേരത്തെ നിങ്ങള്‍ നല്കിയ, നിങ്ങളുടെ ബ്ലോഗിന്റെ URL അഡ്രെസ്സ് അവിടെ കാണാം.അതില്‍ തല്‍ക്കാലം മാറ്റമൊന്നും വരുത്തേണ്ട.

ഇനി Formatting എന്ന ഭാഗം. ഇതിലുള്ള കാര്യങ്ങള്‍ ഒന്നൊന്നായി വിശദമാക്കാം.

Show -: എന്നതിനു നേരെയുള്ള കോളത്തില്‍ 1 എന്ന് നല്‍കിയാല്‍, നിങ്ങളുടെ ബ്ലോഗില്‍ നിങ്ങള്‍ എത്ര പോസ്റ്റ് ഇട്ടിരുന്നാലും, പ്രധാന പേജില്‍ ഒരു പോസ്റ്റ് മാത്രമെ കാണാന്‍ കഴിയൂ. അതായത്, പ്രസ്തുത കോളത്തില്‍ 5 എന്ന് നല്‍കിയാല്‍ നിങ്ങളുടെ ബ്ലോഗ് തുറന്നാല്‍ ഒന്നിന് താഴെ ഒന്നായി അഞ്ചു പോസ്റ്റുകള്‍ കാണാം. പേജില്‍ പോസ്റ്റുകളുടെ എണ്ണം കൂടുംതോറും ബ്ലോഗ് ലോഡ് ചെയ്യാനെടുക്കുന്ന സമയവും കൂടും. അതുകൊണ്ടുതന്നെ, ഈ കോളത്തില്‍ 1 എന്ന് നല്‍കുന്നതാണ് കൂടുതല്‍ നല്ലത്.

Date Header Format -: എന്നത്, നിങ്ങളുടെ പോസ്റ്റ് എപ്പോഴാണ് പബ്ലിഷ് ചെയ്തത് എന്നറിയിക്കുന്ന തിയ്യതി/മാസം/വര്ഷം എന്നിവ വ്യക്തമാക്കുന്നു. ഇതു, നിങ്ങള്‍ നല്കുന്ന പോസ്റ്റിന്റെ തലവാചകത്തിനു ( Title ) മുകളിലായി ഡിസ്‌പ്ലേ ചെയ്തു കാണാം. ആവശ്യമുള്ള രീതിയില്‍ ഫോര്‍മാറ്റ് തിരഞ്ഞെടുക്കുക.

Archive Index Date Format -: ബ്ലോഗില്‍ നിങ്ങള്‍ നല്കുന്ന പോസ്റ്റുകള്‍, വര്ഷം/മാസം എന്ന രീതിയില്‍ വിഭാഗങ്ങളാക്കിത്തിരിച്ചു ബ്ലോഗിന്റെ വശത്തിലുള്ള കോളത്തില്‍ കാണാനുള്ള സൗകര്യം (Blog Archive) ബ്ലോഗ്ഗര്‍ നല്‍കുന്നുണ്ട്. അതില്‍ ഏത് ഫോര്‍മാറ്റില്‍ വര്ഷം/മാസം എന്നിവ കാണിക്കണം എന്നതാണ് ഈ കോളത്തില്‍ നല്കുന്ന വിവരങ്ങളിലൂടെ ഉദേശിക്കുന്നത്. ഇവിടെയും ആവശ്യമുള്ള രീതിയില്‍ ഫോര്‍മാറ്റ് തിരഞ്ഞെടുക്കുക.

Timestamp Format -: ഇവിടെ നല്കുന്ന ഫോര്‍മാറ്റ് അനുസരിച്ചാണ്, ആ രീതിയിലാണ്,പോസ്റ്റു പബ്ലിഷ് ചെയ്ത സമയം ബ്ലോഗില്‍ ഡിസ്‌പ്ലേ ചെയ്യുന്നത്.

Time Zone -: ഇവിടെ, നിങ്ങള്‍ ഏത് രാജ്യത്താണോ,എവിടെ നിന്നാണോ ബ്ലോഗ്‌ ചെയ്യുന്നത് അവിടുത്തെ പ്രാദേശിക സമയം നല്കുക. ഇന്ത്യയില്‍ നിന്നാണെങ്കില്‍ GMT+05:30 India standard time എന്ന് നല്കുക. ഇത് വളരെ കൃത്യമായിരിക്കാന്‍ ശ്രദ്ധിക്കുക. അല്ലാത്ത പക്ഷം ബ്ലോഗ്‌ അഗ്രഗേറ്ററു കളിലും മറ്റും നിങ്ങളുടെ ബ്ലോഗ്‌ ലിസ്റ്റ് ചെയ്യപ്പെടാതിരിക്കാം.

Language -: ഇവിടെ നിങ്ങള്‍ ഏത് ഭാഷയാണോ തിരഞ്ഞെടുക്കുന്നത്, ആ ഭാഷയിലായിരിക്കും നിങ്ങളുടെ ബ്ലോഗിലുള്ള നിര്‍ദേശങ്ങളൊക്കെ കാണുക. അതായത് മലയാളം സെലക്റ്റ് ചെയ്‌താല്‍ Comment എന്നത് മാറി അഭിപ്രായങ്ങള്‍ എന്നാകും. നിങ്ങളുടെ സൌകര്യംപോലെ ഇംഗ്ലീഷോ മലയാളമോ തിരഞ്ഞെടുക്കുക.

Convert line breaks -: Yes എന്ന് തന്നെ നല്കുക.

Show Title field -: ബ്ലോഗ് പോസ്റ്റിനു മുകളില്‍ അതിന്റെ തലവാചകം (Title) വേണോ എന്നതാണ് ഇതുവഴി ചോദിക്കുന്നത്. അത് എന്തായാലും ആവശ്യമാണല്ലോ. അതുകൊണ്ട് Yes എന്ന് തന്നെ നല്കുക.

Show Link fields -: നിങ്ങളുടെ ഓരോ പോസ്റ്റിലും ബന്ധപ്പെട്ട URL ന്റെയോ പോഡ്‌കാസ്റ്റിന്റേയോ ലിങ്കുകള്‍ ചേര്‍ക്കാന്‍ ഇവിടെ Yes എന്ന് നല്കുക. വേണ്ട എങ്കില്‍ No എന്ന് നല്കുക.

Enable float alignment -: എന്നത് Yes എന്ന് തന്നെ നല്‍കുക.

ഫോര്‍മാറ്റിംഗ് എന്നാ ഈ ഭാഗത്ത് ഇത്രയുമാനുള്ളത്. ഇനി SAVE SETTINGS എന്ന ലിങ്കില്‍ ക്ലിക് ചെയ്തു, നിങ്ങള്‍ മാറ്റം വരുത്തിയ കാര്യങ്ങള്‍ സേവ് ചെയ്യുക.

അടുത്തത് Comments എന്ന ഭാഗമാണല്ലോ? ആ ലിങ്കില്‍ ക്ലിക് ചെയ്യുക.
ഇവിടെ നല്കുന്ന സെറ്റിങ്ങ്സുകള്‍ക്കനുസരിച്ചാണ് ബ്ലോഗില്‍ നിങ്ങളെഴുതുന്ന പോസ്റ്റുകളെക്കുറിച്ച് മറ്റുള്ളവര്‍ക്ക് അഭിപ്രായം പറയാനുള്ള സൌകര്യവും അത് ബ്ലോഗില്‍ ഡിസ്‌പ്ലേ ചെയ്യുന്നതടക്കമുള്ള സൌകര്യങ്ങളും ക്രമീകരിക്കപ്പെടുന്നത്. നമുക്കു അതിലേക്കു കടക്കാം.

Comments -: ഇവിടെ Show എന്ന് നല്‍കുന്നതിലൂടെ, നിങ്ങള്‍ ബ്ലോഗില്‍ പബ്ലിഷ് ചെയ്യുന്ന പോസ്റ്റുകള്‍ വായിക്കുന്നവര്‍ക്ക് അതിനെ കുറിച്ചുള്ള അഭിപ്രായം നിങ്ങളുടെ ബ്ലോഗില്‍ തന്നെ നല്‍കാനുള്ള സൗകര്യം നല്‍കപ്പെടും. Hide എന്നാണു നല്‍കുന്നതെങ്കില്‍ ആ സൗകര്യം ലഭിക്കുകയില്ല.

Who Can Comment? -: ഇതുവഴി, ഏതൊക്കെ വിഭാഗങ്ങളില്‍ പെട്ടവര്‍ക്കാണ് നിങ്ങളുടെ പോസ്റ്റിനെക്കുറിച്ച് അഭിപ്രായം പറയാന്‍ അനുവാദം നല്‍കേണ്ടത് എന്ന് നിങ്ങള്ക്ക് തീരുമാനിക്കാം.Anyone എന്നത് സെലക്ട് ചെയ്‌താല്‍ നിങ്ങളുടെ ബ്ലോഗ് വായിക്കുന്ന ആര്‍ക്കും (വേണമെങ്കില്‍ അവരുടെ പേരു വെളിപ്പെടുത്താതെയും) അഭിപ്രായങ്ങള്‍ നല്‍കാം. Registered users എന്ന് നല്കുന്നത് വഴി ഇ-മെയില്‍ ID ഉള്ളവര്‍ക്ക് മാത്രം അഭിപ്രായം പറയാം. Users with Google Accounts എന്നത് സെലക്ട് ചെയ്‌താല്‍ Google അക്കൌണ്ട് ഉള്ളവര്‍ക്കുമാത്രമേ കമന്റ് ചെയ്യാന്‍ അനുവാദം ലഭിക്കൂ. Only members of this blog എന്നത് സെലക്റ്റ് ചെയ്‌താല്‍, നിങ്ങളുടെ ബ്ലോഗില്‍ മറ്റാരെങ്കിലും അംഗമാണെങ്കില്‍ / നിങ്ങള്‍ ഒരു ഗ്രൂപ്പ് ബ്ലോഗില്‍ അംഗമാണെങ്കില്‍ അവര്ക്കു മാത്രമെ അഭിപ്രായങ്ങള്‍ പറയാന്‍ അനുവാദം ലഭിക്കൂ.

Comment Form Placement -: ഇതില്‍ Embedded below post എന്ന് നല്കുന്നതായിരിക്കും ഉത്തമം. നിങ്ങളുടെ ബ്ലോഗ് പോസ്റ്റിനു താഴെയായി സന്ദര്‍ശകര്‍ക്ക് കമന്റ് എഴുതാനുള്ള കോളം ഇതുവഴി ലഭിക്കും.ഈ കോളത്തില്‍ സന്ദര്‍ശകര്‍ക്ക് നേരിട്ടു Comment എഴുതാം. Full page എന്ന് നല്‍കിയാല്‍ പോസ്റ്റിനു താഴെയായി Post A Comment എന്ന ഒരു ലിങ്ക് കാണാം. Pop-up window എന്ന് നല്‍കിയാല്‍ Comment നല്‍കാന്‍ മറ്റൊരു വിന്‍ഡോ തുറന്നു വരുകയാണ് ചെയ്യുക. അതേതായാലും വേണ്ടല്ലോ?

Comments Default for Posts -: എന്നത് New Post Have Comments എന്ന് നല്കുക.

Backlinks -: അത് സൗകര്യം പോലെ നല്കുക.

Backlinks Default for Posts -: എന്നത് സൗകര്യം പോലെ നല്കുക.

Comments Timestamp formaattu -: എന്നത്, വായനക്കാര്‍ നിങ്ങളുടെ പോസ്റ്റില്‍ കമന്‍റ് ചെയ്യുന്ന സമയത്തിന്റെ ഫോര്‍മാറ്റ് തിരഞ്ഞെടുക്കാനുള്ളതാണ്.ഇതു DD/MM/YY H/M എന്ന രീതിയില്‍ തിരഞ്ഞെടുക്കുന്നതാണുചിതം.

Comment Form Message -: ഇവിടെയുള്ള കോളത്തില്‍ നിങ്ങള്ക്ക് കമന്റു ചെയ്യുന്നവര്‍ക്കുള്ള സന്ദേശങ്ങളോ നിര്‍ദേശങ്ങളോ കുറിപ്പുകളോ നല്‍കാം.

Comment moderation -: Never എന്ന് നകുന്നതാണ് ഉചിതം. അതുവഴി വായനക്കാര്‍ നല്കുന്ന കമന്റുകള്‍ അപ്പോള്‍ തന്നെ ബ്ലോഗില്‍ കാണാം.

Show word verification for comments? -: ഇതും No എന്ന് നല്‍കുന്നതാണ് നല്ലത്.

Show profile images on comments? -: കമന്‍റ് ഇടുന്നവരുടെ പ്രൊഫൈല്‍ ഇമേജ് കമന്റിനു സമീപം കാണണമെങ്കില്‍ ഇതു Yes എന്ന് നല്കുക. ഒരുപാടു കമന്റുകള്‍ ഉണ്ടെങ്കില്‍ അത്രയും പ്രൊഫൈല്‍ ഇമേജ് തുറന്നു വരുന്നത്, നിങ്ങളുടെ ബ്ലോഗിന്റെ ലോഡിംഗ് സ്പീഡിനെ ബാധിക്കും എന്നോര്‍ക്കുക.

Comment Notification Email -: ഇത്, നിങ്ങളുടെ ബ്ലോഗില്‍ കമന്റുകള്‍ നല്‍കപ്പെട്ടാല്‍ അത് ഒരു ഇ-മെയില്‍ വഴി നിങ്ങളെ അറിയിക്കാനുള്ള സംവിധാനമാണ്.ഈ കോളത്തില്‍, നിങ്ങള്ക്ക് ഏതൊക്കെ ഇ-മെയില്‍ വിലാസത്തില്‍ വിവരങ്ങള്‍ ലഭിക്കണമോ, ആ ഇ-മെയില്‍ വിലാസങ്ങള്‍ പ്രത്യേകം കോമകള്‍ നല്കി എഴുതുക.

Comments എന്ന വിഭാഗത്തില്‍ ഇത്രയുമാണുള്ളത്‌ . ഇനി SAVE SETTINGS എന്ന ലിങ്കില്‍ ക്ലിക്ക് ചെയ്തു ഇത്രയും കാര്യങ്ങള്‍ സേവ് ചെയ്യുക.

ഇനി Archiving എന്ന ലിങ്കില്‍ ക്ലിക് ചെയ്യുക.

Archive Frequency -: ഇതുവഴി നിങ്ങള്‍ എഴുതുന്ന പോസ്റ്റുകളുടെ ഒരു ലഘു വിവരണം വര്ഷം, മാസം, ആഴ്ച എന്ന രീതിയില്‍ ബ്ലോഗിലെ സൈഡ് ബാറില്‍ കാണാം. Blog Archive എന്ന മറ്റൊരു option വഴിയും ഇത് നമുക്കു ക്രമീകരിക്കാം.

Enable Post Pages? -: Yes എന്നുതന്നെ നല്കുക.

ഇനി, ഇതും SAVE SETTINGS എന്ന ലിങ്കില്‍ ക്ലിക് ചെയ്തു സേവ് ചെയ്യുക.

അടുത്തത്, Site Feed എന്ന ലിങ്കില്‍ ക്ലിക്ക് ചെയ്തു Allow Blog Feeds എന്നത് Full എന്ന് നല്കി SAVE SETTIGS - ല്‍ ക്ലിക് ചെയ്തു ഇത് സേവ് ചെയ്യുക.

ഇനി Email എന്ന ലിങ്കില്‍ ക്ലിക്ക് ചെയ്യുക.

Blog Send adress -: ഇവിടെയുള്ള കോളത്തില്‍ നിങ്ങള്‍ നിങ്ങള്‍ നിങ്ങളുടെ ഇ-മെയില്‍ വിലാസം നല്‍കിയാല്‍, ആ ഇ-മെയില്‍ വിലാസത്തിലേക്ക് നിങ്ങള്‍ പബ്ലിഷ് ചെയ്യുന്ന പോസ്റ്റിന്റെ ഒരു പകര്‍പ്പ് അയക്കപ്പെടും. ആവശ്യമെങ്കില്‍ അവിടെ ഇ-മെയില്‍ വിലാസം നല്കുക.

Mail-to-Blogger Adress -: ഇവിടെ നിങ്ങള്‍ നല്കുന്ന വാക്കുകള്‍ചേര്‍ത്ത് കിട്ടുന്ന ഇ-മെയില്‍ വിലാസത്തിലേക്ക് , മറ്റു ഇ-മെയില്‍ വിലാസങ്ങളില്‍ നിന്നും ഒരു പോസ്റ്റ് ബ്ലോഗറിലേക്ക് അയക്കുവാനും പബ്ലിഷ് ചെയ്യുവാനും കഴിയും.അതിനായി Publish emails immediately എന്നു നല്കുക.അതല്ല ഇങ്ങിനെ അയക്കുന്ന ഇ-മെയില്‍ പോസ്റ്റുകള്‍ തല്‍ക്കാലം നിങ്ങളുടെ ബ്ലോഗിന്റെ ഡ്രാഫ്റ്റ് ഫോള്‍ഡറില്‍ സേവ് ചെയ്‌താല്‍ മതി എന്നാണെങ്കില്‍ Save emails as draft Posts എന്നത് സെലക്റ്റ് ചെയ്യുക. ഈ പേജില്‍ വരുത്തിയ മാറ്റങ്ങളും, SAVE SETTINGS എന്നതില്‍ ക്ലിക് ചെയ്തു സേവ് ചെയ്യുക.

അടുത്തത് Open ID എന്ന ഭാഗമാണല്ലോ.അവിടെ തല്‍ക്കാലം നമുക്കൊന്നും ചെയ്യാനില്ല.

Permissions എന്ന ഭാഗത്തും നമുക്കിപ്പോള്‍ മാറ്റമൊന്നും വരുത്തേണ്ട.അവിടെ ചെയ്യാനുള്ള കാര്യങ്ങള്‍ പിന്നീട് പറയാം.
ഇത്രയും ചെയ്തു കഴിഞ്ഞാല്‍ തല്‍ക്കാലത്തേക്ക് നമ്മുടെ ബ്ലോഗിന്റെ ക്രമീകരണം പൂര്‍ത്തിയായിക്കഴിഞ്ഞു.

ഇനി നമുക്കു പോസ്റ്റ് ചെയ്യാം... ഇവിടെ ക്ലിക്കൂ..

ബ്ലോഗ് തുടങ്ങാന്‍ കുറച്ചു കാര്യങ്ങള്‍.

2008-11-28T21:30:00.016+05:30

1

2

ലോകം മുഴുവന്‍ വിരല്‍ തുമ്പിലൊതുങ്ങുന്ന ഈ കാലഘട്ടത്തില്‍, ബ്ലോഗ് എന്ന മാധ്യമത്തിന്റെ സാധ്യതകള്‍ എത്രയാണെന്ന് നിര്‍ണ്ണയിക്കാന്‍ കഴിയില്ല.അച്ചടി മാധ്യമത്തിന്റെ സാധ്യതകള്‍ക്കുമപ്പുറത്തേക്ക് ബ്ലോഗ് വളര്ന്നു കഴിഞ്ഞിരിക്കുന്നു.ആരെയും ആശ്രയിക്കാതെ നമ്മുടെ അഭിരുചികളെ,അറിവുകളെ പകര്‍ത്തിവയ്ക്കുവാനുള്ള ഏറ്റവും നല്ല മാധ്യമമായാണ് ഇതു കൂടുതല്‍ പ്രചാരം നേടിയത്.ഓണ്‍-ലൈന്‍ പേഴ്സണല്‍ ഡയറി,മിനി വെബ് സൈറ്റ് എന്നൊക്കെ അറിയപ്പെടുന്ന ബ്ലോഗിനെ കുറിച്ചു കൂടുതലറിയാനും, എങ്ങിനെ ബ്ലോഗ് തുടങ്ങാമെന്നുമുള്ള ഒരു വിശദീകരണം നിങ്ങള്‍ക്കായി ഇവിടെ കുറിക്കുന്നു.തികച്ചും ആധികാരികമാണെന്ന് അവകാശപ്പെടുന്നില്ല.എങ്കിലും, ഇതുമായി ബന്ധപ്പെട്ട, എനിക്കറിയാവുന്ന, ഞാന്‍ മനസ്സിലാക്കിയ കുറച്ചു കാര്യങ്ങള്‍ നിങ്ങളുടെ മുന്‍പില്‍ സമര്‍പ്പിക്കുന്നു.

ആദ്യം തന്നെ ഒരു കാര്യം പറയട്ടേ..!മലയാളത്തില്‍ ബ്ലോഗ് ചെയ്യുന്നതിന് നിങ്ങള്‍ ഉപയോഗിക്കുന്ന കമ്പ്യൂട്ടറില്‍ നിര്‍ബന്ധമായും മലയാളം ഫോണ്ട് ഉണ്ടായിരിക്കണം.മലയാളം ഫോണ്ട് നിങ്ങളുടെ കമ്പ്യൂട്ടറില്‍ ഇല്ലെങ്കില്‍ / മലയാള അക്ഷരങ്ങള്‍ ശരിയായി നിങ്ങളുടെ കമ്പ്യൂട്ടറില്‍ വായിക്കാന്‍ കഴിയുന്നില്ലെങ്കില്‍, ഇവിടെ ക്ലിക്കിയാല്‍ മലയാളം ഫോണ്ട് download ചെയ്യാം. ഫോണ്ട് ഡൗണ്‍ലോഡ്‌ ചെയ്തു കഴിഞ്ഞാല്‍ ഇവിടെ പോയി മലയാളം വളരെ എളുപ്പത്തില്‍ ടൈപ്പ് ചെയ്യാം.ഇതുമായി ബന്ധപ്പെട്ട കൂടുതല്‍ വിവരങ്ങള്‍ക്ക് ഇവിടെ‍ ക്ലിക്കൂ..

Blogger, Typepad, Wordpress, Moveable Type, Ibibo തുടങ്ങി പലരും വിവിധ ഭാഷകളില്‍ ബ്ലോഗ് സൌജന്യമായി നിര്‍മ്മിക്കാനുള്ള സൗകര്യം നമുക്കു നല്‍കുന്നുണ്ട്.ഇതില്‍ Blogger,Wordpress എന്നിവര്‍ മലയാളമടക്കമുള്ള ചില ഇന്ത്യന്‍ ഭാഷകളില്‍ ബ്ലോഗ് ചെയ്യാനുള്ള സേവനം നല്കുന്നു. കൂടുതല്‍ പ്രചാരത്തിലുള്ള, ബ്ലോഗറിന്റെ ബ്ലോഗ് നിര്‍മ്മിക്കാനുള്ള കാര്യങ്ങളാണിവിടെ വിശദമാക്കുന്നത്.

ബ്ലോഗ് തുടങ്ങാന്‍ നമുക്കു ആദ്യമായി വേണ്ടത് ഒരു ഇ-മെയില്‍ വിലാസമാണ്.ഇതിനായി g-mail, yahoo mail വിലാസങ്ങള്‍ ഉപയോഗിക്കാം. ബ്ലോഗറിന്റെ ബ്ലോഗ് എന്നതു, ഗൂഗിള്‍ നല്കുന്ന നിരവധി സേവനങ്ങളില്‍ ഒന്നാണല്ലോ.അപ്പോള്‍ നമുക്കു ഗൂഗിളിന്റെ തന്നെ mail ID ഉപയോഗിക്കാം.നിലവില്‍ g-mail വിലാസമുള്ളവര്‍ക്ക് വേണമെങ്കില്‍ അതുതന്നെ ഉപയോഗിക്കാം.ഇനി പുതുതായി ഒരു g-mail വിലാസം വേണമെന്നുണ്ടെങ്കില്‍ താഴെ കാണുന്ന ചിത്രത്തില്‍ ക്ലിക് ചെയ്‌താല്‍ g-mail അക്കൌണ്ട് ഉണ്ടാക്കുന്നതിനുള്ള പുതിയ ഒരു പേജ് കാണാം.അതില്‍ ആവശ്യമായ വിവരങ്ങള്‍ നല്കി ഒരു വിലാസം ഉണ്ടാക്കുക.

ഇവിടെ ക്ലിക് ചെയ്‌താല്‍ g-mail അക്കൌണ്ട് തുറക്കാനുള്ള വിന്‍ഡോ ലഭിക്കും.

അതിന് ശേഷം http://www.blogger.com എന്ന സൈറ്റില്‍ പോവുക. ഇവിടെ ക്ലിക് ചെയ്‌താല്‍ നിങ്ങള്ക്ക് അവിടെ എത്താം.ഇവിടം മുതലാണ്‌ നാം ബ്ലോഗ് തുടങ്ങാന്‍ പോകുന്നത് .മൂന്നു ലളിതമായ ഘട്ടങ്ങളായാണ് ബ്ലോഗ് തുടങ്ങുന്നത്.

ഇപ്പോള്‍ നിങ്ങള്ക്ക് ലഭിച്ചിരിക്കുന്നത് താഴെ കാണുന്ന രീതിയിലുള്ള ഒരു വിന്‍ഡോ ആണ്.ഇവിടെ ഇപ്പോള്‍ നമുക്കു കൂടുതലായൊന്നും ചെയ്യാനില്ല.ബ്ലോഗ് തുടങ്ങിക്കഴിഞ്ഞതിനു ശേഷം വീണ്ടും ഇവിടെ വരാം.അതിനെപ്പറ്റിയുള്ള കാര്യങ്ങള്‍ പിന്നാലെ പറയാം.

അതുകൊണ്ട് തന്നെ അതില്‍, CREATE YOUR BLOG NOW എന്ന് കാണുന്ന അടയാളത്തില്‍ ക്ലിക് ചെയ്യുക.

ഇപ്പോള്‍ നിങ്ങള്ക്ക് ലഭിക്കുന്നത്‌ താഴെ കാണുന്ന രീതിയിലുള്ള ഒരു പേജ് ആണല്ലോ.

അതില്‍ ആദ്യം കാണുന്ന, Email address എന്ന കോളത്തില്‍ നിങ്ങള്‍ നേരത്തെ ഉണ്ടാക്കിയ e-mail വിലാസം നല്കുക.രണ്ടാമത് കാണുന്ന Retype email address എന്ന കോളത്തില്‍ വീണ്ടും അതെ e-mail വിലാസം തന്നെ നല്കുക.

അടുത്തതായി‍ Enter a password എന്ന കോളമാണല്ലോ?.അതില്‍ ചുരുങ്ങിയത് 8 അക്ഷരങ്ങളുള്ള/അക്കങ്ങളുള്ള ഒരു പാസ്സ്‌വേര്‍ഡ്‌ നല്കുക.നിങ്ങള്‍ g-mail വിലാസം ഉണ്ടാക്കാന്‍ ഉപയോഗിച്ച പാസ്സ്‌വേര്‍ഡ്‌ തന്നെ വേണമെങ്കില്‍ ഉപയോഗിക്കാം.അടുത്തതായി കാണുന്ന, Retype password എന്ന കോളത്തിലും നേരത്തെ നല്കിയ പാസ്സ്‌വേര്‍ഡ്‌ തന്നെ ഒരിക്കല്‍ കൂടി നല്കുക.

ഇനിയുള്ളത് Display name എന്ന കോളമാണ്.ഇതില്‍ നിങ്ങള്‍ എഴുതുന്നതാണ് നിങ്ങളുടെ പ്രൊഫൈല്‍ പേരായി അറിയപ്പെടുന്നത്.ഇതു ബ്ലോഗിന്റെ പേരായി കാണരുത്.അതായത് എന്റെ ബ്ലോഗിന്റെ പേരു ഇന്ദ്രധനുസ് എന്നാണെങ്കിലും മുള്ളൂക്കാരന്‍ എന്ന profile നാമമാണ് ഞാന്‍ ഉപയോഗിക്കുന്നത്.അതുപോലെ, നിങ്ങള്ക്ക് എന്ത് പേരു വേണമെന്നത് നിങ്ങള്‍ തന്നെ തീരുമാനിക്കുക.ഒരു പ്രൊഫൈല്‍ പേരില്‍ തന്നെ നിങ്ങള്ക്ക് അഞ്ചോ പത്തോ അതിലേറെയോ ബ്ലോഗുകള്‍ ഉണ്ടാക്കാം.chintha.com പോലുള്ള ചില മലയാളം ബ്ലോഗ് അഗ്രഗേറ്ററുകളില്‍(മലയാളത്തിലുള്ള ബ്ലോഗുകളില്‍ പുതുതായി ഇടുന്ന പോസ്റ്റുകള്‍ ഒരിടത്ത് ഒരുമിച്ചു കാണിക്കുന്ന സൈറ്റുകളാണ് മലയാളം ബ്ലോഗ് അഗ്രഗേറ്ററുകള്‍.) നിങ്ങളുടെ ബ്ലോഗുകള്‍ ലിസ്റ്റു ചെയ്യപ്പെടുന്നത് ഈ കോളത്തില്‍ നിങ്ങള്‍ നല്കുന്ന പേരില്‍ ആയിരിക്കും.അതുകൊണ്ട് തന്നെ, നിങ്ങള്‍ തിരഞ്ഞെടുക്കുന്ന പ്രൊഫൈല്‍ പേരു വ്യത്യസ്തമായിരിക്കാന്‍ ശ്രദ്ധിക്കുക.ഒരേ പ്രൊഫൈല്‍ പേരില്‍ തന്നെ ഒന്നിലേറെ പേര്‍ ഉണ്ടെങ്കില്‍ അഗ്രഗേറ്ററുകളില്‍ ലിസ്റ്റ് ചെയ്യപ്പെടുമ്പോള്‍ മറ്റുള്ളവര്‍ക്ക് സംശയമുണ്ടാകും. ഇതു മലയാളത്തിലോ ഇംഗ്ലീഷിലോ എഴുതാം.

അടുത്തതായി‍ Word Verification എന്ന കോളമാണല്ലോ?. ഈ കോളത്തിനു മുകളിലായിക്കാണുന്ന അക്ഷരങ്ങള്‍ ഏതൊക്കെയാണെന്ന് തിരിച്ചറിഞ്ഞു തെറ്റില്ലാതെ പ്രസ്തുത കോളത്തില്‍ ടൈപ്പ് ചെയ്യുക.മുകളിലെ ചിത്രം കാണൂ...suerfug എന്ന അക്ഷരങ്ങളാണ് ഇതിലുള്ളത്.നിങ്ങള്ക്ക് ലഭിക്കുന്ന പേജില്‍ വിത്യസ്തമായ അക്ഷരങ്ങള്‍ ആയിരിക്കും.

ഇനിയുള്ളത് Acceptance of Terms എന്ന ഭാഗമാണ്.അവിടെയുള്ള ചെറിയ ചതുരത്തില്‍ ക്ലിക് ചെയ്‌താല്‍ അതിനകത്ത്‌ ഒരു ആരോ മാര്‍ക്ക് (Arrow Mark) ലഭിക്കും.ബ്ലോഗ് നിര്‍മ്മിക്കുന്നതുമായി ബന്ധപ്പെട്ട നിബന്ധനകള്‍ നിങ്ങള്‍ അംഗീകരിച്ചതായി അതിനെ കാണാം.ആ വരിയില്‍ തന്നെ കാണുന്ന Terms of Service എന്ന ലിങ്കില്‍ ക്ലിക് ചെയ്‌താല്‍ ഗൂഗിളിന്റെ ഈ സേവനവുമായി ബന്ധപ്പെട്ട നിയമാവലി കാണാം.ആവശ്യമെങ്കില്‍ മാത്രം ചെയ്യുക.അല്ലെങ്കില്‍ അതിനു താഴെയായി കാണുന്ന CONTINUE എന്ന ലിങ്കില്‍ ക്ലിക് ചെയ്തു ഈ ഘട്ടം പൂര്‍ത്തിയാക്കുക.

ഇപ്പോള്‍ നിങ്ങള്‍ താഴെ കാണുന്ന രീതിയിലുള്ള ഒരു പേജിലേക്കാണ്‌ എത്തിയിരിക്കുന്നത്.

ഇതില്‍ ആദ്യം കാണുന്ന Blog Title എന്ന കോളത്തില്‍,നിങ്ങളുടെ ബ്ലോഗിന് എന്ത് പേരാണോ നല്‍കാന്‍ ഉദ്ധേശിക്കുന്നത്, അത് നല്കുക.

ഇനിയുള്ളത് Blog address (URL) എന്ന കോളമാണല്ലോ.നിങ്ങള്‍ ഉണ്ടാക്കുന്ന ബ്ലോഗിന്റെ ഇന്റര്‍നെറ്റ് /വെബ് അഡ്രെസ്സ് എന്താവണം എന്നാണു ഇതുകൊണ്ടു ഉദ്ധേശിക്കുന്നത്.അതായത്, എന്റെ ഈ ബ്ലോഗിന്റെ URL (uniform resource locator) http://indradhanuss.blogspot.com/ എന്നതാണ്. അതുപോലെ നിങ്ങള്‍, ഈ കോളത്തില്‍ നല്കുന്ന അഡ്രെസ്സ് ഉപയോഗിച്ചാണ് എവിടെ നിന്നായാലും മറ്റുള്ളവര്‍ നിങ്ങളുടെ ബ്ലോഗിലേക്ക് പ്രവേശിക്കുന്നത്. നിങ്ങള്‍ക്കിഷ്ട്ടമുള്ള പേരുകള്‍ (നേരത്തെ നിങ്ങള്‍ പ്രൊഫൈല്‍ പേരായി ഉപയോഗിച്ചത് തന്നെ വേണമെന്നുണ്ടെങ്കില്‍ അതുമാകാം.പക്ഷെ, ഇംഗ്ലീഷ് അക്ഷരങ്ങളോ അല്ലെങ്കില്‍ അക്കങ്ങളോ ആയിരിക്കണം നല്കുന്നത്.) ഇവിടെ നല്കുക.നിങ്ങള്‍ നല്കുന്ന പേരു മറ്റാരെങ്കിലും മുന്പേ ഉപയോഗിച്ചിട്ടുണ്ടോ അല്ലെങ്കില്‍ ഈ പേരു ലഭ്യമാണോ എന്നറിയാനായി ഈ കോളത്തിനു താഴെയായി കാണുന്ന Check Availability എന്ന ലിങ്കില്‍ ക്ലിക് ചെയ്തു നോക്കുക.നിങ്ങള്‍ നല്കിയ പേരു ലഭ്യമല്ല എങ്കില്‍ മറ്റൊരു പേരു നല്‍കിയോ, നേരത്തെ നല്കിയ പേരില്‍ മാറ്റം വരുത്തിയോ വീണ്ടും ശ്രമിക്കുക.

അടുത്തതായി, നേരത്തെ നമ്മള്‍ കണ്ടത് പോലെയുള്ള Word Verification എന്ന കോളമാണ്. മുന്പ് പറഞ്ഞപോലെ ഈ കോളത്തിനു മുകളിലായിക്കാണുന്ന അക്ഷരങ്ങള്‍ ഏതൊക്കെയാണെന്ന് തിരിച്ചറിഞ്ഞു തെറ്റില്ലാതെ പ്രസ്തുത കോളത്തില്‍ ടൈപ്പ് ചെയ്യുക.അതിനു ശേഷം പേജിന്റെ താഴെയായി കാണുന്ന CONTINUE എന്ന ലിങ്കില്‍ ക്ലിക് ചെയ്തു അടുത്ത ഘട്ടത്തിലേക്ക് കടക്കുക.

ഇപ്പോള്‍ നിങ്ങള്‍ എത്തുന്നത്‌ താഴെ കാണുന്നരീതിയിലുള്ള ഒരു പേജിലേക്കാണ്‌.

നിങ്ങളുടെ ബ്ലോഗിന് വേണ്ടി പല രീതിയിലുള്ള ടെമ്പ്ലറ്റുകള്‍ (template) ബ്ലോഗ്ഗര്‍ തയ്യാറാക്കിയിട്ടുണ്ട്.നിങ്ങളുടെ ഇഷ്ടത്തിനനുസരിച്ച് ആവശ്യമുള്ളവ തിരഞ്ഞെടുക്കാനുള്ള സൗകര്യം ഇവിടെ കാണാം. ഓരോ ടെമ്പ്ലറ്റിന്റെയും പ്രീവ്യൂ കാണാനുള്ള സൌകര്യവുമുണ്ട്. നിങ്ങള്‍ക്കിഷ്ട്ടപ്പെട്ട ടെമ്പ്ലറ്റു കണ്ടുപിടിച്ചാല്‍ അവിടെയുള്ള ചെറിയ വൃത്തത്തില്‍ ക്ലിക് ചെയ്തു താഴെയായി കാണുന്ന CONTINUE എന്ന ലിങ്കില്‍ ക്ലിക് ചെയ്തു അടുത്ത ഘട്ടത്തിലേക്ക് പോകാം.

നിങ്ങള്‍ ഇപ്പോള്‍ താഴെ കാണുന്ന രീതിയിലുള്ള ഒരു പേജിലേക്കാണ്‌ എത്തിയിരിക്കുക.നിങ്ങളുടെ ബ്ലോഗ് നിര്മ്മാണം പൂര്‍ത്തിയായിക്കഴിഞ്ഞു.

ഇനിയുള്ളത് നിങ്ങളുടെ കഥകളോ,കുറിപ്പുകളോ,ചിത്രങ്ങളോ,പാട്ടുകളോ,വീഡിയോയോ ഈ ബ്ലോഗില്‍ നല്‍കുക എന്നതാണ്.അതിനായി ആ പേജില്‍ START POSTING എന്നോ START BLOGING എന്നോ കാണുന്ന എന്ന ലിങ്കില്‍ ക്ലിക് ചെയ്യുക.

ഇപ്പോള്‍ നിങ്ങള്‍ ബ്ലോഗില്‍ പോസ്റ്റ് (Post) നല്‍കുന്നതിനുള്ള, താഴെ കാണുന്ന രീതിയിലുള്ള ഒരു പേജിലാണ് എത്തിച്ചേര്ന്നിരിക്കുന്നത്.

ഇവിടെ,നേരത്തെ പറഞ്ഞതുപോലുള്ള കവിതയോ കഥകളോ പാട്ടുകളോ കുറിപ്പുകളോ വീഡിയോയോ ,അത്തരത്തിലുള്ള കാര്യങ്ങള്‍ നല്‍കാം.ഇവിടെ നല്കുന്ന കാര്യങ്ങള്‍ ബ്ലോഗില്‍ ഡിസ്‌പ്ലേ ചെയ്യുന്ന ഭാഗത്തെ ബ്ലോഗിന്റെ പോസ്റ്റ് ഏരിയ (Post Area/Content Area) എന്നാണ് പറയുന്നതു.ഇതുമായി ബന്ധപ്പെട്ട മറ്റു കൂടുതല്‍ കാര്യങ്ങള്‍ ഇവിടെ കാണാം.

ബ്ലോഗ്‌ സെറ്റിങ്സുകളെ കുറിച്ചു കാണാന്‍ ഇവിടെ ‍ക്ലിക്കൂ..

പോസ്റ്റ് ഏരിയയില്‍ ഒരു ടെക്സ്റ്റ് ബോക്സ്

2008-11-26T00:01:00.002+05:30

നിങ്ങളുടെ ബ്ലോഗ് പോസ്റ്റുകളില്‍ വിശദീകരിക്കുന്ന കാര്യങ്ങളില്‍,ചില കാര്യങ്ങള്‍ മറ്റൊരു ബോക്സില്‍ / കോളത്തില്‍ നല്‍കിയാല്‍ കൊള്ളാമായിരുന്നു എന്ന് തോന്നിയിട്ടുണ്ടോ?അത്തരത്തില്‍ നല്‍കാനായി ഇതാ ഒരു ടെക്സ്റ്റ് ബോക്സ്. html കോഡ്കളിലെ </div> ടാഗുപയോഗിച്ചാണ് ഇതു ചെയ്തിരിക്കുന്നത്.(കൂടുതല്‍ html ടാഗുകള്‍ കാണാന്‍ ഇവിടെ ക്ലിക് ചെയ്‌താല്‍ മതി.)താഴെ കാണുന്ന ടെക്സ്റ്റ് ബോക്സും അതിന്റെ കോഡും ശ്രദ്ധിക്കൂ.ഇതില്‍ background:pink എന്നതില്‍ pink എന്നത് മാറ്റി നിങ്ങള്‍ക്കിഷ്ട്ടപ്പെട്ട കളര്‍ name നല്‍കിയാല്‍ ബോക്സിന്റെ ബാക് ഗ്രൌണ്ട് കളറും, width:200px എന്നതില്‍ 200 എന്നത് വ്യത്യാസപ്പെടുത്തിയാല്‍ ബോക്സിന്റെ വീതിയും, height:300px എന്നതില്‍ 300 എന്നത് വ്യത്യാസപ്പെടുത്തിയാല്‍ ഉയരവും, border:2px എന്നതില്‍ 2 എന്നത് വ്യത്യാസപ്പെടുത്തിയാല്‍ ബോര്‍ഡറിന്റെ കനവും,solid red എന്നതില്‍ red എന്നതുമാറ്റി നിങ്ങള്‍ക്കിഷ്ട്ടപ്പെട്ട കളര്‍ name ഉം നല്‍കിയാല്‍ അവ അതിനനുസരിച്ച് വ്യത്യാസപ്പെടും. text-align:center എന്നതില്‍ center എന്നത് മാറ്റി left എന്നോ right എന്നോ നല്‍കിയാല്‍ ബോക്സിനകത്തുള്ള വാക്കുകള്‍ യഥാക്രമം ബോക്സിന്റെ ഇടത് വശത്തോ,വലതു വശത്തോ ചേര്ന്നു കാണാം. font-family:arial എന്നതില്‍ arial എന്നത് മാറ്റി നിങ്ങള്‍ക്കാവശ്യമുള്ള ഫോണ്ട് name നല്കുക. color:green എന്നതില്‍ green എന്നത് മാറ്റി നിങ്ങള്ക്ക് ഏത് നിറത്തിലുള്ള ഫോണ്ട് ആണോ വേണ്ടത് ആ നിറത്തിന്റെ കോഡോ പേരോ നല്കുക.(നിറങ്ങളുടെ പേരും കോഡും കാണാന്‍ ഇവിടെ ക്ലിക്കൂ.) ഇനി, YOUR TEXT HERE എന്ന് കാണുന്നിടത്ത്, ബോക്സിനകത്ത് ഡിസ്‌പ്ലേ ചെയ്യേണ്ടുന്ന വാക്കുകള്‍ നല്കുക.

YOUR TEXT HERE

<div style="background:pink; width:200px; height:300px; border:2px solid red; padding:5px; text-align:center; font-family:arial; color:green;">YOUR TEXT HERE</div>

നിങ്ങള്‍ മാറ്റം വരുത്തിയ ടെക്സ്റ്റ് ബോക്സ് കോഡ്,അല്ലെങ്കില്‍ മറ്റ് HTML കോഡുകള്‍ ടെസ്റ്റു ചെയ്യാന്‍ ഇവിടെ ക്ലിക് ചെയ്‌താല്‍ കിട്ടുന്ന വിന്റോവിലെ ആദ്യ കോളത്തില്‍ അത് കോപ്പി ചെയ്തു പേസ്റ്റ് ചെയ്യൂ.അതിന്റെ റിസള്‍ട്ട് ആ വിന്റോവിലെ താഴത്തെ കോളത്തില്‍ കാണാം.

ബ്ലോഗ് പോസ്റ്റിലെ ചില ഭാഗങ്ങള്‍ ഹൈഡ് ചെയ്യാന്‍ / വീണ്ടും കാണാന്‍.

2008-11-24T22:40:00.001+05:30

ഒരു പാടു കാര്യങ്ങള്‍ വിശദീകരിച്ചെഴുതുന്ന,ബ്ലോഗ് പോസ്റ്റിലുള്ള, ചില ഏറെ പ്രാധാന്യമുള്ള / പ്രാധാന്യമില്ലാത്ത കാര്യങ്ങള്‍ (പ്രാധാന്യമില്ലാത്ത കാര്യങ്ങളാണ് നിങ്ങളൊക്കെ എഴുതുന്നതെന്ന് അര്‍ത്ഥമാക്കരുതേ..)തല്‍ക്കാലത്തേക്ക് ഒളിപ്പിച്ചു (Hide) വയ്ക്കുകയും,ആവശ്യമെങ്കില്‍ ഒരു മൗസ് ക്ലിക്കിലൂടെ തുറന്നുകാണിക്കുകയും ചെയ്യുന്ന തരത്തിലുള്ള (Show) ഒരു സൂത്രപ്പണി ഇതാ..!! എവിടെ ? ഒന്നും കാണാനില്ല അല്ലേ?ധൃതി കാട്ടല്ലേ.അതാണ്‌ പറഞ്ഞു വരുന്നതു.

ഉദാഹരണത്തിന്

ഇവിടെ ഒന്നു ക്ലിക് ചെയ്യൂ...

കണ്ടല്ലോ... ഇതാണ് സംഭവം.ഇതുപോലെ നിങ്ങളുടെ ബ്ലോഗില്‍ ചെയ്യാനായി,നിങ്ങളുടെ ബ്ലോഗിന്റെ ടെംപ്ലറ്റ് കോഡില്‍ ചില ചെറിയ കൂട്ടിച്ചേര്‍ക്കലുകള്‍ ചെയ്യേണ്ടതുണ്ട്.അതിനായി,ആദ്യം നിങ്ങളുടെ ബ്ലോഗിന്റെ edit html കോളത്തില്‍ ചെല്ലുക. അതിന് ശേഷം താഴെ കാണുന്ന കോഡ് കോപ്പി ചെയ്തു ഹെഡ് സെക്ഷനില്‍ പേസ്റ്റ് ചെയ്യുക.(അതായത്,മിക്കവാറും,നിങ്ങളുടെ ടെംപ്ലറ്റിന്റെ കോഡില്‍ ഡിസൈനുമായി ബന്ധപ്പെട്ട ഒരു ചെറിയ കുറിപ്പ് മുകള്‍ ഭാഗത്തായി കാണാം.പ്രസ്തുത കുറിപ്പ് നല്കിയ കോളത്തിനു താഴെയായി ഈ കോഡ് നല്കുക.)

.posthidden {display:none} .postshown {display:inline}

ഇനി താഴെ കാണുന്ന കോഡ് കോപ്പി ചെയ്തു, ഹെഡ് സെക്ഷന്‍ അവസാനിപ്പിക്കുന്ന ടാഗിന്റെ (</head> ഇതാണ് ആ ടാഗ് ) തൊട്ടു മുകളിലായി പേസ്റ്റ് ചെയ്യുക.(ഈ ടാഗ് എളുപ്പത്തില്‍ കണ്ടുപിടിക്കാനായി,കീ ബോര്‍ഡില്‍ Ctrl+F എന്നത് അമര്‍ത്തിയാല്‍ വാക്കുകള്‍ തിരഞ്ഞുപിടിക്കാനുള്ള ഒരു ചെറിയ കോളം ആ പേജിന്റെ താഴെ വരുന്നതു കാണാം.അതില്‍ </head> എന്ന ടാഗ് നല്‍കിയാല്‍ ആ ടാഗ് hi-light ചെയ്തു കാണും).അതിന് ശേഷം,ടെംപ്ലറ്റ് സേവ് ചെയ്യുക.

<script type="text/Javascript"> function expandcollapse (postid) { whichpost = document.getElementById(postid); if (whichpost.className=="postshown") { whichpost.className="posthidden"; } else { whichpost.className="postshown"; } } </script>

ഇനി,ബ്ലോഗില്‍ നിങ്ങള്‍ നല്കുന്ന കുറച്ചു കാര്യങ്ങള്‍ തല്‍ക്കാലത്തേക്ക് hide ചെയ്യുകയും,ആവശ്യമെങ്കില്‍ ഒരു മൗസ് ക്ലിക് വഴി അവ വീണ്ടും കാണാനുള്ള വിദ്യയുടെ അടുത്ത ഘട്ടതിലേക്ക് കടക്കാം.താഴെ കാണുന്ന കോഡ് കോപ്പി ചെയ്തു,അതില്‍ SHOW/HIDE THIS POST എന്നത് മാറ്റി നിങ്ങള്‍ക്കിഷ്ട്ടമുള്ള വാക്കുകള്‍ ചേര്ക്കുക.അതുപോലെ തന്നെ,എന്താണോ തല്‍ക്കാലത്തേക്ക് Hide ചെയ്യേണ്ടത്, CONTENT HERE എന്നത് മാറ്റി അത് നല്കുക.താഴെ കാണുന്ന കോഡില്‍ നേരത്തെ പറഞ്ഞ കാര്യങ്ങളില്‍ അല്ലാതെ മാറ്റം വരുത്താതിരിക്കാന്‍ ശ്രദ്ധിക്കുക.അതായത്,കോഡിന്റെ വലുപ്പം കുറച്ചു ഒരു ലൈനില്‍ ഒക്കെ ആക്കുന്ന പരിപാടി.അങ്ങിനെ എങ്കില്‍ കാര്യം കട്ടപ്പൊക.

<a style="text-decoration: none;" href="javascript:expandcollapse('25')"> <h4>SHOW/HIDE THIS POST</h4></a> CONTENT HERE 

അപ്പൊ ഇനി ഇതൊന്നു പരീക്ഷിച്ചു നോക്കൂ.